ಪುತ್ತೂರು: ಮುಂಗಾರು ಚುರುಕುಗೊಂಡಿದ್ದು ಜೂ.14ರ ಬೆಳಿಗ್ಗೆ 8.30 ಗಂಟೆಯಿಂದ ಜೂ.15ರ ಬೆಳಿಗ್ಗೆ 8.30 ಗಂಟೆಯ ಅವಧಿಯಲ್ಲಿ ಪುತ್ತೂರು ತಾಲೂಕಿನಲ್ಲಿ 154.1 ಮಿ.ಮೀ ಮಳೆ ದಾಖಲಾಗಿದೆ. ಮಳೆಯ ಪ್ರಮಾಣ ಅಳತೆ ಮಾಡಲು ತಾಲೂಕಿನ ವಿವಿಧ ಪ್ರದೇಶಗಳಲ್ಲಿ ಯಂತ್ರಗಳನ್ನು ಅಳವಡಿಸಲಾಗಿದ್ದು ಪುತ್ತೂರಿನಲ್ಲಿ 31.00 ಮಿ.ಮೀ , ಉಪ್ಪಿನಂಗಡಿ 22.00 ಮಿ.ಮೀ, ಶಿರಾಡಿ 28.2 ಮಿ.ಮೀ, ಕೊಲ 35.5 ಮಿ.ಮೀ, ಕಡಬ 18.2 ಮಿ.ಮೀ ಹಾಗೂ ಐತ್ತೂರಿನಲ್ಲಿ 19.2 ಮಿ.ಮೀ ಮಳೆಯಾಗಿದ್ದು ಸರಾಸರಿಯಾಗಿ 25.65 ಮಳೆಯಾಗಿದೆ. ಈ ಪೈಕಿ ಕಡಬದಲ್ಲಿ ಕನಿಷ್ಠ ಮಳೆ ದಾಖಲಾಗಿದೆ.
