- ಒಂದೇ ವಾರದಲ್ಲಿ ಕುಟುಂಬದ ಏಳು ಮಂದಿಯಲ್ಲಿ ಕಾಣಿಸಿಕೊಂಡ ಸೋಂಕು
ವಿಟ್ಲ: ಇಲ್ಲಿಗೆ ಸಮೀಪದ ಒಕ್ಕೆತ್ತೂರು ನಿವಾಸಿ ಕೊರೊನಾ ಸೋಂಕಿತ ೨೧ ವರ್ಷದ ಯುವಕನ ಕುಟುಂಬದ ಮತ್ತೆ ಮೂವರಲ್ಲಿ ಜು.8ರಂದು ಕೊರೋನ ಪಾಸಿಟಿವ್ ಪತ್ತೆಯಾಗಿದೆ.
ಮೂರು ತಿಂಗಳ ಹಿಂದೆ ವಿದೇಶದಿಂದ ಆಗಮಿಸಿದ್ದ ಒಕ್ಕೆತ್ತೂರು ನಿವಾಸಿ ಯುವಕನಲ್ಲಿ ಆರಂಭದಲ್ಲಿ ಕೊರೋನ ಪಾಸಿಟಿವ್ ಪತ್ತೆಯಾಗಿತ್ತು. ಆ ಬಳಿಕ ಅವರ ಮನೆ ಸೀಲ್ ಡೌನ್ ಮಾಡಿ, ಮನೆ ಮಂದಿ ಹಾಗೂ ಮನೆಯ ಸಂಪರ್ಕ ಹೊಂದಿದವರ ಗಂಟಲ ದ್ರವವನ್ನು ಕೊರೋನ ಟೆಸ್ಟ್ ಗೆ ಕಳುಹಿಸಿ ಕೊಡಲಾಗಿತ್ತು. ಬಳಿಕದ ದಿನಗಳಲ್ಲಿ ಯುವಕನ ಸಹೋದರ, ಹಾಗೂ ಪತ್ನಿಯಲ್ಲಿ ಹಾಗೂ ಇನ್ನೋರ್ವ ಮಹಿಳೆಯಲ್ಲಿ ಕೊರೋನ ಪಾಸಿಟಿವ್ ಪತ್ತೆಯಾಗಿತ್ತು. ಇದೀಗ ಯುವಕನ ತಂದೆ, ಸಹೋದರಿ ಹಾಗೂ ಅತ್ತಿಗೆಯ ವರದಿ ಬಂದಿದ್ದು, ಅವರಿಗೆ ಸೋಂಕು ತಗುಲಿರುವುದು ದೃಡಪಟ್ಟಿದೆ. ಒಂದೇ ಕುಟುಂಬದ ಒಟ್ಟು ಏಳು ಮಂದಿಗೆ ಪಾಸಿಟಿವ್ ಪತ್ತೆಯಾಗಿದ್ದು, ನಾಗರಿಕರಲ್ಲಿ ವ್ಯಾಪಕ ಆತಂಕಕ್ಕೆ ಕಾರಣವಾಗಿದೆ.
