ಡೆಕ್ಕಳ ನಂಜೆ ರಾಮಯ್ಯರೈ ತಿಂಗಳಾಡಿ ದಂಪತಿಯ ವೈವಾಹಿಕ ಸುವರ್ಣಮಹೋತ್ಸವ ಸಂಭ್ರಮ

0

  • ನಿವೃತ್ತಿ ಜೀವನದಲ್ಲಿ ನೆಮ್ಮದಿ ಸಿಗಬೇಕಾದರೆ ವೃತ್ತಿ ಜೀವನದಲ್ಲಿ ಪುಣ್ಯ ಮಾಡಿರಬೇಕು: ದಂಬೆಕ್ಕಾನ ಸದಾಶಿವ ರೈ

 

ಲಕ್ಷ್ಮೀರಾಮಯ್ಯ ರೈ ದಂಪತಿ ವೈವಾಹಿಕ ಸುವರ್ಣ ಸಂಭ್ರಮದ ಕೇಕ್ ಕತ್ತರಿಸಿದರು.

ಪುತ್ತೂರು: ನಿವೃತ್ತಿ ಜೀವನ ಅಂದರೆ ಅದು ಬಹಳ ಸಂಕಷ್ಟದ ದಿನಗಳು, ನೋವು, ಬೇಸರ , ಏಕಾಂಗಿತನ ಸದಾ ಮನಸ್ಸನ್ನು ಕಾಡುತ್ತಿರುತ್ತದೆ . ಬಹುತೇಕ ವ್ಯಕ್ತಿಗಳಲ್ಲಿ ನಿವೃತ್ತಿ ಬಳಿಕ ನೆಮ್ಮದಿ ಎಂಬುದೇ ಇರುವುದಿಲ್ಲ ಆದರೆ ಡೆಕ್ಕಳ ನಂಜೆ ರಾಮಯ್ಯ ರೈ ದಂಪತಿಯ ನಿವೃತ್ತಿ ಜೀವನ ನೆಮ್ಮದಿಯಿಂದ ಇದೆ, ಅಷ್ಟೊಂದು ನೆಮ್ಮದಿಯ ಜೀವನದ ದಂಪತಿಗಳನ್ನು ಕಾಣಲು ಬಹಳ ಅಪರೂಪ ಇದಕ್ಕೆ ಕಾರಣ ವೃತ್ತಿ ಜೀವನದಲ್ಲಿ ರಾಮಯ್ಯ ರೈ ದಂಪತಿ ಮಾಡಿದ ಪುಣ್ಯದಿಂದ ಸಾಧ್ಯವಾಗಿದೆ ಎಂದು ಪಿ ಬಿ ರೈ ಪ್ರತಿಷ್ಠಾನದ ಅಧ್ಯಕ್ಷರಾದ ದಂಬೆಕ್ಕಾನ ಸದಾಶಿವ ರೈ ಹೇಳಿದರು.
ಜೂ. ೧ ರಂದು ತಿಂಗಳಾಡಿ ‘ಶ್ರೀ ಲಕ್ಷ್ಮೀ ನಿವಾಸ’ದಲ್ಲಿ ನಡೆದ ಕೆದಂಬಾಡಿ ಕೆಯ್ಯೂರು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ನಿವೃತ್ತ ಮುಖ್ಯಕಾರ‍್ಯನಿರ್ವಹಣಾಧಿಕಾರಿ ಡೆಕ್ಕಳ ನಂಜೆ ರಾಮಯ್ಯ ರೈ ತಿಂಗಳಾಡಿ ಮತ್ತು ಮುಂಡಾಳಗುತ್ತು ಲಕ್ಷ್ಮೀ ರಾಮಯ್ಯ ರೈ ದಂಪತಿಯ ವೈವಾಹಿಕ ಜೀವನದ ಸುವರ್ಣಮಹೋತ್ಸವ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ದಂಬೆಕ್ಕಾನ ಸದಾಶಿವ ರೈಯವರಿಂದ ಲಕ್ಷ್ಮೀ ರಾಮಯ್ಯ ರೈ ದಂಪತಿಗೆ ಶುಭ ಹಾರೈಕೆ

ಸಮಾಜ ಸೇವೆ ಮಾಡಿದರೆ ವೃದ್ದಾಪ್ಯ ಕಾಲದಲ್ಲಿ ನಮಗೆ ದೇವರು ಶಕ್ತಿಕೊಡುತ್ತಾನೆ, ಮನಸ್ಸಿಗೆ ನೆಮ್ಮದಿ ಮತ್ತು ಉಲ್ಲಾಸವನ್ನು ನೀಡುತ್ತಾನೆ. ಮನೆಗೆ ಬಂದ ಅತಿಥಿಗಳು ಯಾರೇ ಆದರೂ ಅವರಿಗೆ ಊಟ ಹಾಕಿ ಹೊಟ್ಟೆತುಂಬಿಸಿ ಕಳುಹಿಸುತ್ತಿದ್ದ ರಾಮಯ್ಯ ರೈ ದಂಪತಿಗಳ ನಿರ್ಮಲ ಮನಸ್ಸು ಅವರನ್ನು ಇಂದು ಸಮಾಜದಲ್ಲಿ ಉನ್ನತರನ್ನಾಗಿಸಿದೆ. ತನ್ನ ಬಳಿ ಸಹಾಯ ಕೇಳಿ ಬಂದವರನ್ನು ಬರಿಗೈಯ್ಯಲ್ಲಿ ಕಳುಹಿಸಲು ಗೊತ್ತಿಲ್ಲದ ಕಾರಣ ಇಂದು ರಾಮಯ್ಯ ರೈ ಅವರನ್ನು ಕಂಡರೆ ಜನ ಆದರದಿಂದ ಗೌರವಿಸುವಂತಾಗಿದೆ. ದಂಪತಿಗಳ ಆದರ್ಶ ಜೀವನ ಸಮಾಜಕ್ಕೆ ಪಾಠವಾಗಿದೆ. ಗಳಿಸಿದ್ದಲ್ಲಿ ಸಮಾಜಕ್ಕೆ ನೀಡಬೇಕು ಎಂಬ ಸಂಸ್ಕಾರವನ್ನು ರಾಮಯ್ಯ ರೈ ದಂಪತಿ ಜನರೆಡೆಯಲ್ಲಿ ಬಿತ್ತರಿಸಿದ್ದಾರೆ ಎಂದು ಹೇಳಿದ ದಂಬೆಕ್ಕಾನ, ರಾಮಯ್ಯ ರೈ ದಂಪತಿಯ ಮಕ್ಕಳು, ಅಳಿಯಂದಿರನ್ನು ಸಮಾಜಕ್ಕೆ ಆಸ್ತಿಯನ್ನಾಗಿ ಮಾಡಿದ್ದಾರೆ. ಮಕ್ಕಳು , ಅಳಿಯಂದಿರು ಇಂದು ಸಮಾಜಕ್ಕೆ ಆದರ್ಶರಾಗಿದ್ದಾರೆ ಇದಕ್ಕಿಂತ ದೊಡ್ಡ ಸಂತೋಷ ಇನ್ನೇನಿದೆ ಎಂದು ಹೇಳಿದರು.

 

ಸುಮಂಗಲಿಯರಿಂದ ದೀಪ ಪ್ರಜ್ವಲನೆ

ಓರ್ವ ಪ್ರಗತಿಪರ ಕೃಷಿಕರಾಗಿ, ಕೆದಂಬಾಡಿ ಸಹಕಾರಿ ಸಂಘವನ್ನು ಬೆಳೆಸಿದ ಖ್ಯಾತಿ ರಾಮಯ್ಯ ರೈ ಅವರಿಗಿದೆ. ದೇವಸ್ಥಾನದ ಕಾರ್ಯಕ್ರಮದಲ್ಲಿ ಅನ್ನದಾನವನ್ನು ಮೊದಲಿಗೆ ಆರಂಭಿಸಿದ ಖ್ಯಾತಿಯೂ ಇವರಿಗೆ ಸಲ್ಲುತ್ತದೆ ಎಂದು ಹೇಳಿದ ದಂಬೆಕ್ಕಾನ ಸದಾಶಿವ ರೈ, ವೈವಾಹಿಕ ಜೀವನದ ಸುವರ್ಣ ಮಹೋತ್ಸವ ಸಂಭ್ರಮ ಎಲ್ಲರಿಗೂ ಕೂಡಿಬರುವುದಿಲ್ಲ ಅದು ಸಿಗಬೇಕಾದರೆ ಜೀವನದಲ್ಲಿ ಪುಣ್ಯ ಮಾಡಿರಬೇಕು, ಪುಣ್ಯವಂತರ ಸಾಲಿನಲ್ಲಿ ರಾಮಯ್ಯ ರೈ ದಂಪತಿ ಸೇರಿಕೊಂಡಿರುವುದು ಕೆದಂಬಾಡಿ ಸುತ್ತ ಮುತ್ತಲಿನ ಗ್ರಾಮಸ್ಥರಿಗೆ ಸಂತೋಷದ ವಿಚಾರವಾಗಿದೆ ಎಂದು ಹೇಳಿದರು.

 

ಲಕ್ಷ್ಮೀರಾಮಯ್ಯ ರೈ ದಂಪತಿ ಮತ್ತು ಅನಿತಾ ಹೇಮನಾಥ ಶೆಟ್ಟಿ ದಂಪತಿ

ಅನಿತಾ ಹೇಮನಾಥ ಶೆಟ್ಟಿ ದಂಪತಿಯ ವೈವಾಹಿಕ ಬೆಳ್ಳಿ ಹಬ್ಬ ಸಂಭ್ರಮ: ರಾಮಯ್ಯ ರೈ ದಂಪತಿಯ ಹಿರಿಯ ಪುತ್ರಿ ಅನಿತಾ ಹೇಮನಾಥ ಶೆಟ್ಟಿಯವರ ವೈವಾಹಿಕ ಜೀವನದ ಬೆಳ್ಳಿ ಹಬ್ಬ ಸಂಭ್ರಮವೂ ಇದೇ ವೇದಿಕೆಯಲ್ಲಿ ನಡೆಯಿತು. ಅನಿತಾ ಹೇಮನಾಥ ಶೆಟ್ಟಿಯವರ ತಂದೆ, ತಾಯಿಯ ವೈವಾಹಿಕ ಜೀವನದ ಸುವರ್ಣಮಹೋತ್ಸವ ಸಂಭ್ರಮ ಒಂದೆಡೆಯಾದರೆ ಇತ್ತ ಮಗಳ ದಾಂಪತ್ಯದ ಬೆಳ್ಳಿ ಹಬ್ಬ ಸಂಭ್ರಮವನ್ನು ರಾಮಯ್ಯ ರೈ ದಂಪತಿ ಆಚರಿಸುವ ಮೂಲಕ ಕಣ್ತುಂಬಿಕೊಂಡರು. ರಾಮಯ್ಯ ರೈ ದಂಪತಿಯ ವೈವಾಹಿಕ ಜೀವನದ ಬೆಳ್ಳಿ ಹಬ್ಬದಂದು ಅನಿತಾ ಹೇಮನಾಥ ಶೆಟ್ಟಿಯವರ ವಿವಾಹ ಕಾರ್ಯ ನಡೆದಿರುವುದು ಇಲ್ಲಿ ವಿಶೇಷವಾಗಿದೆ.

ದಂಪತಿಯನ್ನು ಮೆರವಣಿಗೆಯಲ್ಲಿ ಕರೆ ತರುತ್ತಿರುವುದು

ಮದುಮಗ, ಮದುಮಗಳಂತೆ ಶೃಂಗಾರ: ರಾಮಯ್ಯ ರೈ-ಲಕ್ಷ್ಮೀ ದಂಪತಿ ಹಾಗೂ ಅನಿತಾ ಹೇಮನಾಥ ಶೆಟ್ಟಿ ದಂಪತಿಗಳನ್ನು ವಧುವರರಂತೆ ಶೃಂಗಾರಗೊಳಿಸಲಾಗಿತ್ತು. ಮೆರವಣಿಗೆ ಮೂಲಕ ವೇದಿಕೆಗೆ ಕರೆತರಲಾಯಿತು. ಮಕ್ಕಳು, ಅಳಿಯಂದಿರು ಹಾಗೂ ಮೊಮ್ಮಕ್ಕಳು ದಂಪತಿಗಳನ್ನು ವೇದಿಕೆಗೆ ಕರೆ ತಂದರು. ವೇದಿಕೆಯಲ್ಲಿ ರಾಮಯ್ಯ ರೈ ದಂಪತಿ ಹಾಗೂ ಅನಿತಾ ಹೇಮನಾಥ ಶೆಟ್ಟಿ ದಂಪತಿಗಳು ಪರಸ್ಪರ ಹಾರ ಬದಲಾಯಿಸಿಕೊಂಡರು. ರಾಮಯ್ಯ ರೈ ದಂಪತಿ ಮೊಮ್ಮಕ್ಕಳು ವೇದಿಕೆಯಲ್ಲೇ ಪಾದಪೂಜೆ ಮಾಡಿದರು. ಬಳಿಕ ಕೇಕ್ ಕತ್ತರಿಸಿ ಸುವರ್ಣ ಹಾಗೂ ಬೆಳ್ಳಿ ಹಬ್ಬವನ್ನು ಸಂಭ್ರಮಿಸಿದರು. ರಾಮಯ್ಯ ರೈ ದಂಪತಿ ಮಕ್ಕಳು, ಅಳಿಯಂದಿರು ವೇದಿಕೆಯಲ್ಲಿ ದೀಪವನ್ನು ಬೆಳಗಿಸುವ ಮೂಲಕ ಸಭಾ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.

ಗಣ್ಯರಿಂದ ಶುಭಾಶಯ: ಕಾರ್ಯಕ್ರಮದಲ್ಲಿ ನೂರಾರು ಮಂದಿ ಭಾಗವಹಿಸಿದ್ದರು. ವೇದಿಕೆಗೆ ಬಂದು ರಾಮಯ್ಯ ರೈ ದಂಪತಿಯನ್ನು ಹಾರೈಸಿದರು. ಹೂಗುಚ್ಚ, ಶಾಲು ಹೊದಿಸಿ ಅತಿಥಿಗಳು ದಂಪತಿಗಳನ್ನು ಸನ್ಮಾನಿಸಿದರು.ಕಾರ್ಯಕ್ರಮದಲ್ಲಿ ಅದ್ದೂರಿ ಭೋಜನದ ವ್ಯವಸ್ಥೆ ಮಾಡಲಾಗಿತ್ತು. ರಾಮಯ್ಯ ರೈ ದಂಪತಿಗಳ ಸುವರ್ಣ ಮಹೋತ್ಸವ ಊರಿಗೆ ಹಬ್ಬದ ವಾತಾವರಣದಂತೆ ಕಂಡು ಬಂತು. ಜಾತಿ, ಮತ, ಧರ್ಮಗಳ ಭೇದವಿಲ್ಲದೆ ಎಲ್ಲರೂ ಕಾರ್ಯಕ್ರಮದಲ್ಲಿ ಭಾಗಿಯಾದರು. ಮೊಮ್ಮಕ್ಕಳು ಪಟಾಕಿ ಸಿಡಿಸಿ ಸಂಭ್ರಮಿಸಿದರು.

ಕಾರ್ಯಕ್ರಮದಲ್ಲಿ ಸವಣೂರು ವಿದ್ಯಾರಶ್ಮಿ ವಿದ್ಯಾಲಯದ ಸಂಚಾಲಕ ಸವಣೂರು ಕೆ ಸೀತಾರಾಮ ರೈ, ಕಿಲ್ಲೆ ಪ್ರತಿಷ್ಟಾನ ಅಧ್ಯಕ್ಷ ಕಡಮಜಲು ಸುಭಾಸ್ ರೈ, ಡಿಸಿಸಿ ಬ್ಯಾಂಕ್ ನಿರ್ದೇಶಕ ಎಸ್ ಬಿ ಜಯರಾಮ ರೈ, ನಿವೃತ್ತ ವೈದ್ಯಾಧಿಕಾರಿ ಡಾ. ರಾಜಾರಾಂ ಚಡಗ, ರಾಷ್ಟ್ರಪ್ರಶಸ್ತಿ ವಿಜೇತ ಶಿಕ್ಷಕ ಬಿ ವಿ ಶಗ್ರಿತ್ತಾಯ, ವೆಂಕಟ್ರಮಣ ಭಟ್, ಆನಂದ ಭಟ್, ಡಿಸಿಸಿ ಬ್ಯಾಂಕ್ ನಿವೃತ್ತ ವ್ಯವಸ್ಥಾಪನಾ ನಿದೇರ್ಶಕ ಅಣ್ಣಯ್ಯ ಶೇರಿಗಾರ್, ಅಜಿತ್ ಹೆಗ್ಡೆ ಅರ್ಕುಳ, ಪುತ್ತೂರು ಸರಕಾರಿ ಆಸ್ಪತ್ರೆಯ ವೈದ್ಯಾಧಿಕಾರಿ ಡಾ. ಅಶೋಕ್, ಮೋಹನ್ ರೈ ಓಲೆಮುಂಡೋವು, ಅರಿಯಡ್ಕ ಚಿಕ್ಪಪ್ಪ ನಾಕ್, ಕಲ್ಲಾಡಿ ಬೋಜ ಶೆಟ್ಟಿ,, ಜಾಕೆ ಮಾಧವ ಗೌಡ, ಕೇನ್ಯ ರವೀಂದ್ರನಾಥ ಶೆಟ್ಟಿ, ನಿವೃತ್ತ ಡಿವೈಎಸ್‌ಪಿಗಳಾದ ಜಗನ್ನಾಥ ರೈ ನುಳಿಯಾಲು, ಮುಂಡಾಲ ಶಾಂತಾರಾಮ ರೈ, ಭಾಸ್ಕರ್ ರೈ, ಏನೆಕಲ್ ಶಿವರಾಂ ಗೌಡ, ಉದ್ಯಮಿ ಸುಂದರ್ ರೈ ಸವಣೂರು, ಸಜಿತ್ ರೈ ಸವಣೂರು, ನಿವೃತ್ತ ಇಂಜನಿಯರ್ ಸೀತಾರಾಮ ಶೆಟ್ಟಿ, ಅರಿಯಡ್ಕ ಲಕ್ಷ್ಮೀ ನಾರಾಯಣ ಶೆಟ್ಟಿ, ಮನವಳಿಕೆ ದಯಾನಂದ ರೈ, ಪುತ್ತೂರು ತಾಲೂಕು ಬಂಟರ ಸಂಘದ ಅಧ್ಯಕ್ಷ ಶಶಿಕುಮಾರ್ ರೈ ಬಾಲ್ಯೊಟ್ಟು, ಪ್ರಸನ್ನ ಕುಮಾರ್ ರೈ ಮಜಲುಗದ್ದೆ, ರವೀಂದ್ರ ರೈ ನುಳಿಯಾಲು, ಮಿತ್ರಂಪಾಡಿ ಪುರಂದರ ರೈ, ಬಾರಿಕೆ ನಾರಾಯಣ ರೈ, ಜಗದೀಶ್ ಶೆಟ್ಟಿ ಇರಾ, ಎ ಕೆ ಜಯರಾಮ ರೈ, ಆಲಡ್ಕ ಸದಾಶಿವ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಅರುಣ್ ಆಳ್ವ ಬೋಳೋಡಿಗುತ್ತು, ಚಂದ್ರಹಾಸ ರೈ ಬೋಳೋಡಿ, ನಿತ್ಯಾನಂದ ಶೆಟ್ಟಿ ಹಿರೆಬಂಡಾಡಿ, ಸದಾನಂದ ಶೆಟ್ಟಿ ಮಂಗಳೂರು, ಚಂದ್ರಹಾಸ ರೈ ಸುರತ್ಕಲ್, ಕಯ್ಯಾರ್ ನಾರಾಯಣ ಶೆಟ್ಟಿ, ಶಶಿಧರ್ ರಾವ್ ಬೊಳಿಕ್ಕಲ, ಜಯಪ್ರಕಾಶ್ ರೈ ಸುಳ್ಯ, ಮಂಜುನಾಥ ರೈ ಬೆಳ್ತಂಗಡಿ, ಜೆ ಕೆ ರೈ ಸುಳ್ಯ, ಬಾಪೂ ಸಾಹೇಬ್ ಸುಳ್ಯ, ಇಳಂತಾಜೆ ಸಂತೋಷ್ ರೈ, ಅರಿಯಡ್ಕ ಅಶ್ವಿನಿ ರೈ, ಅರಿಯಡ್ಕ ಕುಂಞಣ್ಣ ರೈ, ಶ್ಯಾಂಸುಂದರ್ ರೈ ಕೊಪ್ಪಳ, ಮಿತ್ರದಾಸ ರೈ ಡೆಕ್ಕಳ, ಉದಯ ರೈ ಮಾದೋಡಿ, ರವೀಂದ್ರ ರೈ ಮಾದೋಡಿ, ಉಪನ್ಯಾಸಕ ಡಾ| ನರೇಂದ್ರ ರೈ ದೇರ್ಲ, ಭಾಸ್ಕರ್ ರೈ ಕೆದಂಬಾಡಿಗುತ್ತು, ದಯಾಕರ್ ಆಳ್ವ ಮುಕ್ಕೂರು, ಚಂದ್ರಶೇಖರ್ ರೈ ಮಾದೋಡಿ, ಕಸ್ಟಮ್ ಸುಪರಿಟೆಂಡೆಂಟ್ ಮಂಜುನಾಥ , ಸಚ್ಚಿದಾನಂದ ಬೊಂಡಾಲ, ಇಡ್ಯಾಡಿ ಶಿವಣ್ಣ ಗೌಡ, ಕಯ್ಯಾರ ಕುಂಞಣ್ಣ ರೈ, ವಿಜಯಾ ಬ್ಯಾಂಕ್ ನಿವೃತ್ತ ಮೆನೇಜರ್ ಜಗನ್ನಾಥ ರೈ, ಬೆಟ್ಟಂಪಾಡಿ ರಂಗನಾಥ ರೈ, ಬೆಟ್ಟಂಪಾಡಿ ಸಂತೋಷ್ ರೈ, ನಿವೃತ್ತ ಸಬ್ ಇನ್ಸ್‌ಪೆಕ್ಟರ್ ಬಾಲಕೃಷ್ಣ ಶೆಟ್ಟಿ, ಶಿವರಾಂ ರೈ ಸೊರಕೆ, ನಾಯಿಲ ಕೃಷ್ಣ ರೈ ಮುಂಡಾಲ, ಪುಲಸ್ಯಾ ರೈ ಕಲ್ಲುಗುಂಡಿ, ಮಿತ್ರಂಪಾಡಿ ಜಯಕುಮಾರ್ ರೈ, ಪಾಲ್ತಾಡ್ ಸುನಿಲ್ ರೈ, ರಮೇಶ್ ರೈ ದಿನೇಶ್ ಭವನ್, ಉದ್ಯಮಿ ಕರುಣಾಕರ್ ರೈ ದೇರ್ಲ, ಶಶಿಕುಮಾರ್ ಚಿಲ್ಮೆತ್ತಾರ್, ರಮೇಶ್ ರೈ ಬೋಳೋಡಿ, ಚಂಧ್ರಹಾಸ ರೈ ಬೋಳೋಡಿ, ದಿವಾಕರ ರೈ ದೇರ್ಲ, ಆನಂದ ಗೌಡ ಬೆಳಿಯೂರುಗುತ್ತು, ಉದಯ ಚೌಟ ಬೆಳಿಯೂರುಗುತ್ತು, ಕ್ಯಾಂಪ್ಕೋ ನಿರ್ದೇಶಕ ಬಾಲಕೃಷ್ಣ ಪೈವಳಿಕೆ, ಸವಣೂರು ಸಿ ಎಬ್ಯಾಂಕ್ ಸಿಇಒ ಚಂದ್ರಶೇಖರ್, ಕಲ್ಮಡ್ಕ ಸಿ ಎ ಬ್ಯಾಂಕ್ ಸಿಇಒ ಪುರುಷೋತ್ತಮ ರೈ, ದೇರ್ಲ ಚೆನ್ನಪ್ಪ ರೈ, ನಡುಬೈಲು ಗುಡ್ಡಪ್ಪ ರೈ, ಜಯಂತಿ ಮಿತ್ರಂಪಾಡಿ, ಲ್ಯಾನ್ಸಿ ಮಸ್ಕರೇನಸ್, ಹನೀಫ್ ಪುಣ್ಚತ್ತಾರು, ಪ್ರಶಾಂತ ರೈ ಮನವಳಿಕೆ, ಲಲಿತಾ ಸೊರಕೆ, ಪವನ್ ರಾಮ್ ಕಾವು, ಗಣೇಶ್ ಶೆಟ್ಟಿ ನೆಲ್ಲಿಕಟ್ಟೆ, ಜಯಪ್ರಕಾಶ್ ರೈ ನೂಜಿಬೈಲು, ರವಿಪ್ರಸಾದ್ ಶೆಟ್ಟಿ ಬನ್ನೂರು, ಶ್ರೀಪ್ರಸಾದ್ ಪಾಣಾಜೆ, ಯುವ ಬಂಟರ ಸಂಘದ ಅಧ್ಯಕ್ಷ ಶಶಿರಾಜ್ ರೈ, ಕಾರ್ಯದರ್ಶಿ ಪ್ರಜ್ವಲ್ ರೈ, ಮಹಿಳಾ ಬಂಟರ ಸಂಘದ ಅಧ್ಯಕ್ಷೆ ಸಬಿತಾ ಭಂಡಾರಿ, ಯುವ ಬಂಟರ ಸಂಘದ ಕೋಶಾಧಿಕಾರಿ ಕೆ ಸಿ ಅಶೋಕ್ ಶೆಟ್ಟಿ, ಕಾಂಗ್ರೆಸ್ ಸಾಮಾಜಿಕ ಜಾಲತಾಣ ಜಿಲ್ಲಾಧ್ಯಕ್ಷ ಸಚಿನ್‌ರಾಜ್ ಶೆಟ್ಟಿ ಪೆರುವಾಜೆ, ಬಂಟರ ಸಂಘದ ಕಾರ್ಯದರ್ಶಿ ರಮೇಶ್ ರೈ ಡಿಂಬ್ರಿ, ನೆಟ್ಟಣಿಗೆ ಮುಡ್ನೂರು ಗ್ರಾಪಂ ಅಧ್ಯಕ್ಷ ರಮೇಶ್ ರೈ ಸಾಂತ್ಯ, ಕೆ ಪಿ ಆಳ್ವ, ಜಯಂತಿ ಶೆಟ್ಟಿ ಬೆಂಗಳೂರು , ಮೋಹನ್ ದಾಸ್ ಶೆಟ್ಟಿ ನೂಜಿಬೈಲು, ರಮೇಶ್ ಆಳ್ವ ಅಲೆಕ್ಕಾಡಿ, ದಿವ್ಯನಾಥ ಶೆಟ್ಟಿ ಕಾವು, ಗುತ್ತು ಜಗನ್ನಾಥ ರೈ, ವಿಕ್ರಂ ಶೆಟ್ಟಿ, ಪ್ರಸನ್ನಕುಮಾರ್ ಶೆಟ್ಟಿ ಸಾಮೆತ್ತಡ್ಕ, ಸತೀಶ್ ಶೆಟ್ಟಿ ಹಿರೆಬಂಡಾಡಿ, ಡಾ. ಮಿಥುನ್ ಶೆಟ್ಟಿ, ನಿತ್ಯಾನಂದ ಶೆಟ್ಟಿ ಮನವಳಿಕೆ ಹರಿಣಾಕ್ಷಿ ಜೆ ಶೆಟ್ಟಿ, ಕೇಶವ ಪೂಜಾರಿ ಬೆದ್ರಾಳ, ಮಹೇಶ್ಚಂದ್ರ ಸಾಲಿಯಾನ್, ಅಶೋಕ್ ಸಂಪ್ಯ, ನೇಮಾಕ್ಷ ಸುವರ್ಣ, ನಾಗೇಶ್ ಆಚಾರ್ಯ ಕೃಷ್ಣ ನಗರ, ಹಂಝ ಹಾಜಿ ಬೊಳುವಾರು, ಮೋನು ಬಪ್ಪಳಿಗೆ, ಬಶೀರ್ ಪರ್ಲಡ್ಕ, ರಹಿಮಾನ್ ಸಂಪ್ಯ, ಜಗದೀಶ್ ಕಜೆ, ಹಂಝತ್ ಸಾಲ್ಮರ, ಅಸ್ಪಕ್ ಬನ್ನೂರು, ಚಂಧ್ರಶೇಖರ್ ರೈ ನಡುಬೈಲು, ಐ ಸಿ ಕೈಲಾಸ್, ಎಂ ಆರ್ ಜಯಕುಮಾರ್ ರೈ, ವಿಶ್ವನಾಥ ರೈ ಕುಕ್ಕುಂಜೋಡು, ಜಯರಾಜ್ ಭಂಡಾರಿ, ಜಗನ್ನಾಥ ರೈ ನುಳಿಯಾಲು, ಅರಿಯಡ್ಕ ಕೃಷ್ಣ ರೈ, ಸಂದೀಪ್ ರೈ ಚಿಲ್ಮೆತ್ತಾರು, ಸಂತೋಷ್‌ಕುಮಾರ್ ರೈ ಚಿಲ್ಮೆತ್ತಾರು, ಶಶಿ ಕುಮಾರ್ ನೂಜಿಬೈಲು, ಸಂತೋಷ್ ಜಾಕೆ, ನಂಜೆ ಚಂದ್ರಶೇಖರ್ ರೈ, ಪ್ರವೀಣ್ ರೈ ಪಾಲ್ತಾಡಿ, ಸೇರಿದಂತೆ ಹಲವು ಮಂದಿ ಉಪಸ್ಥಿತರಿದ್ದರು.

ರಾಮಯ್ಯ ರೈ ಮತ್ತು ಲಕ್ಷ್ಮೀ ರಾಮಯ್ಯ ರೈ ದಂಪತಿಯ ಪುತ್ರಿಯರಾದ ಅನಿತಾ ಹೇಮನಾಥ ಶೆಟ್ಟಿ, ಡಾ. ವನಿತಾ ಎಸ್ ಶೆಟ್ಟಿ, ಸರಿತಾ ರೈ, ಪುತ್ರ ಹರಿಪ್ರಸಾದ್ ರೈ, ಅಳಿಯಂದಿರಾದ ಕಾವು ಹೇಮನಾಥ ಶೆಟ್ಟಿ, ಸುಧಾಕರ ಶೆಟ್ಟಿ, ಸಂದೀಪ್ ರೈ, ಸೊಸೆ ಶಿಲ್ಪಾ ಹೆಚ್. ರೈ, ಮೊಮ್ಮಕ್ಕಳಾದ ಡಾ. ವಾಸ್ತವಿ ರಂಜಿತಾ, ವೈಶಾಖ್, ಧ್ಯಾನದೀಪ್ , ರಿಷಿಕಾ ರೈ ಅತಿಥಿಗಳನ್ನು ಸ್ವಾಗತಿಸಿದರು.

ಸುವರ್ಣ ಸಂಭ್ರಮದ ಪ್ರಯುಕ್ತ ಬೆಳಿಗ್ಗೆ ಧನ್ವಂತರಿ ಹೋಮ ನಡೆಯಿತು. ಶ್ರೀವತ್ಸ ಕೆದಿಲಾಯರವರ ನೇತೃತ್ವದಲ್ಲಿ ಹೋಮ ಕಾರ್ಯಕ್ರಮ ನಡೆಯಿತು. ಪ್ರಶಾಂತ್ ರೈ ಮುಂಡಾಲಗುತ್ತು ನೇತೃತ್ವದಲ್ಲಿ ಯಕ್ಷಗಾನ ತಾಳಮದ್ದಲೆ ನಡೆಯಿತು. ಸಭಾ ಕಾರ್ಯಕ್ರಮದ ಬಳಿಕ ಅಖಿಲಾ ಪಜಿಮಣ್ಣು ತಂಡದಿಂದ ಗಾನಲಹರಿ ಕಾರ್ಯಕ್ರಮ ನಡೆಯಿತು.

 

 

 

 

 

LEAVE A REPLY

Please enter your comment!
Please enter your name here