ಫಿಲೋಮಿನಾದಲ್ಲಿ ನವೀಕೃತ ಸಭಾಭವನ, ಧರ್ಮಗುರುಗಳ ವಾಸ್ತವ್ಯ ಕೊಠಡಿ, ದಿವ್ಯಚೇತನಾ ಪ್ರಾರ್ಥನಾ ಮಂದಿರದ ಉದ್ಘಾಟನೆ

Puttur_Advt_NewsUnder_1
Puttur_Advt_NewsUnder_1
Puttur_Advt_NewsUnder_1
Puttur_Advt_NewsUnder_1
Puttur_Advt_NewsUnder_1

ಪುತ್ತೂರು: ಮಾಯಿದೆ ದೇವುಸ್ ಚರ್ಚ್ ಸಮೂಹ ಶಿಕ್ಷಣ ಸಂಸ್ಥೆಗಳಲ್ಲೊಂದಾದ ಸಂತ ಫಿಲೋಮಿನಾ ಕಾಲೇಜಿನಲ್ಲಿ ದುಬೈ/ಯುಎಇ ಇಲ್ಲಿನ ಉದ್ಯಮಿ ಮೈಕಲ್ ಡಿ’ಸೋಜರವರ ಪ್ರಾಯೋಜಕತ್ವದಲ್ಲಿ ನವೀಕರಣಗೊಳಿಸಲಾದ ಸಿಲ್ವರ್ ಜ್ಯುಬಿಲಿ ಸಭಾಭವನ, ಧರ್ಮಗುರುಗಳ ವಾಸ್ತವ್ಯ ಕೊಠಡಿ ಹಾಗೂ ದಿವ್ಯಚೇತನಾ ಪ್ರಾರ್ಥನಾ ಮಂದಿರದ ಉದ್ಘಾಟನೆಯು ಆ.2 ರಂದು ಅಪರಾಹ್ನ ನೆರವೇರಿತು.

ಮಂಗಳೂರು ಕಥೋಲಿಕ್ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷ ಹಾಗೂ ಕಥೋಲಿಕ್ ಬೋರ್ಡ್ ಆಫ್ ಎಜ್ಯುಕೇಶನ್(ಸಿಬಿಇ) ಮಂಗಳೂರು ಇದರ ಅಧ್ಯಕ್ಷರಾದ ಡಾ|ಪೀಟರ್ ಪಾವ್ಲ್ ಸಲ್ದಾನ್ಹಾರವರು ನವೀಕರಣಗೊಳಿಸಲಾಗಿರುವ ಸಿಲ್ವರ್ ಜ್ಯುಬಿಲಿ ಸಭಾಭವನ, ಧರ್ಮಗುರುಗಳ ವಾಸ್ತವ್ಯ ಕೊಠಡಿ ಹಾಗೂ ದಿವ್ಯಚೇತನಾ ಪ್ರಾರ್ಥನಾ ಮಂದಿರವನ್ನು ಪವಿತ್ರ ಜಲ ಸಿಂಪಡಿಸಿ ಉದ್ಘಾಟನೆಯನ್ನು ನೆರವೇರಿಸಿದರು. ಬಳಿಕ ದಿವ್ಯ ಚೇತನಾ ಪ್ರಾರ್ಥನಾ ಮಂದಿರದಲ್ಲಿ ದಿವ್ಯ ಬಲಿಪೂಜೆಯನ್ನು ನೆರವೇರಿಸಿದ ಧರ್ಮಾಧ್ಯಕ್ಷರಾದ ಡಾ|ಪೀಟರ್ ಪಾವ್ಲ್ ಸಲ್ದಾನ್ಹಾರವರು, ಫಿಲೋಮಿನಾ ವಿದ್ಯಾಸಂಸ್ಥೆಗೆ ಅದರದ್ದೇ ಆದ ಇತಿಹಾಸವಿದೆ. ಶಿಕ್ಷಣ ಶಿಲ್ಪಿ ಮೊ|ಪತ್ರಾವೋರವರಿಂದ ಸ್ಥಾಪಿತವಾದ ಈ ವಿದ್ಯಾಸಂಸ್ಥೆಯು ಅಂದಿನಿಂದ ಇಂದಿನವರೆಗೆ ಅನೇಕ ಕ್ಷೇತ್ರಗಳಲ್ಲಿ ಮೈಲಿಗಲ್ಲನ್ನೇ ಸ್ಥಾಪಿಸಿದೆ ಎನ್ನಬಹುದು. ಇದೀಗ ಉದ್ಯಮಿ ಮೈಕಲ್ ಡಿ’ಸೋಜರವರ ಹೃದಯ ಶ್ರೀಮಂತಿಕೆಯಿಂದ ಕಾಲೇಜಿನ ಸಭಾಭವನ, ಧರ್ಮಗುರುಗಳ ವಾಸ್ತವ್ಯ ಕೊಠಡಿ ಹಾಗೂ ದಿವ್ಯ ಚೇತನಾ ಮಂದಿರವು ಹೊಸ ಚೈತನ್ಯವನ್ನು ಪಡೆದು ಕಂಗೊಳಿಸುತ್ತಿದೆ ಎಂದು ಹೇಳಿ ಉದ್ಯಮಿ ಮೈಕಲ್ ಡಿ’ಸೋಜ ಹಾಗೂ ಅವರ ಚಾರಿಟಿ ತಂಡಕ್ಕೆ ಶುಭ ಹಾರೈಸಿದರು.

ಮಾಯಿದೆ ದೇವುಸ್ ಚರ್ಚ್‌ನ ಹಿಂದಿನ ಪ್ರಧಾನ ಧರ್ಮಗುರು ಪ್ರಸ್ತುತ ಉದ್ಯಮಿ ಮೈಕಲ್ ಡಿ’ಸೋಜರವರ ಚ್ಯಾರಿಟಿ ತಂಡದಲ್ಲಿರುವ ವಲೇರಿಯನ್ ಡಿ’ಸೋಜ, ಕಥೋಲಿಕ್ ಬೋರ್ಡ್ ಆಫ್ ಎಜ್ಯುಕೇಶನ್ ಕಾರ್ಯದರ್ಶಿ ಆಂಟನಿ ಮೈಕಲ್ ಶೆರಾ, ಮಾಯಿದೆ ದೇವುಸ್ ಚರ್ಚ್ ಪ್ರಧಾನ ಧರ್ಮಗುರು ಲಾರೆನ್ಸ್ ಮಸ್ಕರೇನ್ಹಸ್, ಸಹಾಯಕ ಧರ್ಮಗುರು ಕೆವಿನ್ ಲಾರೆನ್ಸ್ ಡಿ’ಸೋಜ, ಫಿಲೋಮಿನಾ ಕಾಲೇಜು ಪ್ರಾಂಶುಪಾಲ ಆಂಟನಿ ಪ್ರಕಾಶ್ ಮೊಂತೇರೋ, ಕ್ಯಾಂಪಸ್ ನಿರ್ದೆಶಕ ಸ್ಟ್ಯಾನಿ ಪಿಂಟೋ, ಫಿಲೋಮಿನಾ ಪದವಿ ಪೂರ್ವ ಕಾಲೇಜು ಪ್ರಾಂಶುಪಾಲ ಅಶೋಕ್ ರಾಯನ್ ಕ್ರಾಸ್ತಾ, ಮರೀಲ್ ಸೆಕ್ರೇಡ್ ಹಾರ್ಟ್ ಚರ್ಚ್ ಪ್ರಧಾನ ಧರ್ಮಗುರು ವಲೇರಿಯನ್ ಫ್ರ್ಯಾಂಕ್, ಬನ್ನೂರು ಸಂತ ಅಂತೋನಿ ಚರ್ಚ್ ಪ್ರಧಾನ ಧರ್ಮಗುರು ಪ್ರಶಾಂತ್ ಫೆರ್ನಾಂಡೀಸ್, ಉಜಿರೆ ಅನುಗ್ರಹ ಪದವಿ ಪೂರ್ವ ಕಾಲೇಜು ಪ್ರಾಂಶುಪಾಲ ವಿಜಯ್ ಲೋಬೊರವರು ಭಕ್ತಾಧಿಗಳೊಂದಿಗೆ ಸಹ ದಿವ್ಯ ಬಲಿಪೂಜೆಯಲ್ಲಿ ಪಾಲ್ಗೊಂಡರು.

ಕಾರ್ಯಕ್ರಮದಲ್ಲಿ ಉದ್ಯಮಿ ಮೈಕಲ್ ಡಿ’ಸೋಜರವರ ಕುಟುಂಬ ಸದಸ್ಯರು, ಮಾಯಿದೆ ದೇವುಸ್ ಚರ್ಚ್ ಪಾಲನಾ ಸಮಿತಿಯ ಉಪಾಧ್ಯಕ್ಷ ಮೌರಿಸ್ ಮಸ್ಕರೇನ್ಹಸ್, ಕಾರ್ಯದರ್ಶಿ ಫೆಬಿಯನ್ ಗೋವಿಯಸ್, ಆರ್ಥಿಕ ಸಮಿತಿ ಸದಸ್ಯರಾದ ಜೆ.ಪಿ ರೊಡ್ರಿಗಸ್, ವಿನ್ಸೆಂಟ್ ತಾವ್ರೋ, ಝೇವಿಯರ್ ಡಿ’ಸೋಜ, ಜೆರೋಮಿಯಸ್ ಪಾಸ್, ಓಸ್ವಾಲ್ಡ್ ಲೋಬೊ, ವಿ.ಜೆ ಫೆರ್ನಾಂಡೀಸ್, ಫಿಲೋಮಿನಾ ಕಾಲೇಜಿನ ಉಪ ಪ್ರಾಂಶುಪಾಲ ಉದಯ ಕಾನ, ರಕ್ಷಕ-ಶಿಕ್ಷಕ ಸಂಘದ ಅಧ್ಯಕ್ಷ ಕೃಷ್ಣಪ್ರಸಾದ್ ಆಳ್ವ, ಹಿರಿಯ ವಿದ್ಯಾರ್ಥಿ ಸಂಘದ ಅಧ್ಯಕ್ಷ ಎ.ಜೆ ರೈ, ಫಿಲೋಮಿನಾ ಪ್ರೌಢಶಾಲೆಯ ಮುಖ್ಯ ಶಿಕ್ಷಕಿ ಕಾರ್ಮಿನ್ ಪಾಸ್, ಫಿಲೋಮಿನಾ ಆಂಗ್ಲ ಮಾಧ್ಯಮ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕಿ ಸಿಸ್ಟರ್ ಲೋರಾ ಪಾಸ್, ವಿಕ್ಟರ್ ಬಾಲಿಕಾ ಪ್ರೌಢಶಾಲೆಯ ಮುಖ್ಯ ಶಿಕ್ಷಕಿ  ರೋಸ್ಲಿನ್ ಲೋಬೊ, ವಿಕ್ಟರ್ ಆಂಗ್ಲ ಮಾಧ್ಯಮ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕ ಹೆರಿ ಡಿ’ಸೋಜ, ಮಾಯಿದೆ ದೇವುಸ್ ಹಿರಿಯ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕಿ  ಜಾನೆಟ್ ಡಿ’ಸೋಜ, ಧರ್ಮಭಗಿನಿಯರು ಸಹಿತ ಹಲವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು. ಕಾಲೇಜಿನ ಕ್ಯಾಂಪಸ್ ನಿರ್ದೇಶಕ ಸ್ಟ್ಯಾನಿ ಪಿಂಟೋರವರು ವಂದಿಸಿದರು.

ಉದ್ಯಮಿ ಮೈಕಲ್ ಡಿ’ಸೋಜ ಚ್ಯಾರಿಟಿ ತಂಡಕ್ಕೆ ಸನ್ಮಾನ..

 

ಕಾಲೇಜಿನ ಸಭಾಭವನ, ಧರ್ಮಗುರುಗಳ ವಾಸ್ತವ್ಯ ಕೊಠಡಿ, ದಿವ್ಯಚೇತನಾ ಪ್ರಾರ್ಥನಾ ಮಂದಿರದ ನವೀಕರಣಕ್ಕೆ ಕಾರಣರ್ಕರಾದ ಉದ್ಯಮಿ ಮೈಕಲ್ ಡಿ’ಸೋಜರವರ ಅನುಪಸ್ಥಿತಿಯಲ್ಲಿ ಉದ್ಯಮಿ ಮೈಕಲ್ ಡಿ’ಸೋಜರವರ ಚ್ಯಾರಿಟಿ ತಂಡದ ಸದಸ್ಯರಾದ ವಂ|ವಲೇರಿಯನ್ ಡಿ’ಸೋಜ, ಸ್ಟೀವನ್ ಪಿಂಟೋ, ನಾಸಿರ್ ಹಾಗೂ ಓಸ್ವಾಲ್ಡ್ ರೊಡ್ರಿಗಸ್‌ರವರನ್ನು ಈ ಸಂದರ್ಭದಲ್ಲಿ ಗುರುತಿಸಿ ಸನ್ಮಾನಿಸಲಾಯಿತು.

Puttur_Advt_NewsUnder_2
Puttur_Advt_NewsUnder_2
Puttur_Advt_NewsUnder_2
Puttur_Advt_NewsUnder_2

About The Author

Related posts

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.