ಉಪ್ಪಿನಂಗಡಿ : ಸಾರ್ವಜನಿಕ ಶಿಕ್ಷಣ ಇಲಾಖೆ ವತಿಯಿಂದ ಸಂತ ಪಾವ್ಲರ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ ನಾರಾವಿ ಬೆಳ್ತಂಗಡಿ ಇಲ್ಲಿ ನಡೆದ ಜಿಲ್ಲಾ ಮಟ್ಟದ ತ್ರೋ ಬಾಲ್ ಪಂದ್ಯಾಟದಲ್ಲಿ ಇಂದ್ರಪ್ರಸ್ಥ ವಿದ್ಯಾಲಯದ 14ರ ವಯೋಮಾನದ ಬಾಲಕರ ವಿಭಾಗದಲ್ಲಿ ಪ್ರಥಮ ಸ್ಥಾನವನ್ನು ಪಡೆಯುವುದರೊಂದಿಗೆ ಮೈಸೂರು ವಿಭಾಗೀಯ ಮಟ್ಟಕ್ಕೆ ಆಯ್ಕೆಯಾಗಿದೆ.
ತಂಡದಲ್ಲಿ 7ನೇ ತರಗತಿಯ ಚಿಂತನ್ ಕೆ.ಸಿ, ಕವೀಶ್ ಬಿ.ಕೆ, ಸಮೃದ್ಧ್ ರೈ, ಶ್ರೀಹಾನ್, ಕೌಶಲ್. ಎ, ಎಂ . ಕೆ ಮೊಹಮ್ಮದ್ ಅರ್ಫಾದ್, ಇಮಾಮ್ ಅಹಮದ್, 6ನೇ ತರಗತಿಯ ಸಮೃದ್ಧ ಜೈನ್, ಆಯತ್ತುಲ್ಲಾ ಸಲೀಂ, 8ನೇ ತರಗತಿಯ ಅಕ್ಷಜ್ ಶೆಟ್ಟಿ, ಆಕಾಶ್ ತಂಡದಲ್ಲಿ ಭಾಗವಹಿಸಿರುತ್ತಾರೆ. ಸವ್ಯಸಾಚಿ ಆಟಗಾರರಾಗಿ 8ನೇ ತರಗತಿಯ ಅಕ್ಷಜ್ ಶೆಟ್ಟಿ ಹಾಗೂ 7 ನೇ ತರಗತಿಯ ಚಿಂತನ್ ಆಯ್ಕೆಯಾಗಿರುತ್ತಾರೆ. ಇವರಿಗೆ ಸಂಸ್ಥೆಯ ದೈಹಿಕ ಶಿಕ್ಷಣ ಶಿಕ್ಷಕರು, ರಾಷ್ಟ್ರಮಟ್ಟದ ತ್ರೋಬಾಲ್ ಆಟಗಾರರಾದ ಗೋಪಿನಾಥ್ ಹಾಗೂ ದೈಹಿಕ ಶಿಕ್ಷಣ ಶಿಕ್ಷಕಿ ರಂಜಿನಿ ತರಬೇತಿ ನೀಡಿರುತ್ತಾರೆ ಎಂದು ಸಂಸ್ಥೆಯ ಮುಖ್ಯಸ್ಥರು ಪತ್ರಿಕಾ ಪ್ರಕಟಣೆಗೆ ತಿಳಿಸಿದ್ದಾರೆ.
