ಕಾವು:2023-24 ನೇ ಸಾಲಿನ ಎಸ್. ಎಸ್ .ಎಲ್.ಸಿ ಫಲಿತಾಂಶ ಪ್ರಕಟಗೊಂಡಿದ್ದು ಕಾವು ಬುಶ್ರಾ ಅಂಗ್ಲ ಮಾಧ್ಯಮ ಪ್ರೌಢ ಶಾಲೆಗೆ ಶೇ.100ಫಲಿತಾಂಶ ಲಭಿಸಿದೆ. ಸಂಸ್ಥೆಯಿಂದ ಪರೀಕ್ಷೆಗೆ ಹಾಜರಾದ 32 ವಿದ್ಯಾರ್ಥಿಗಳ ಪೈಕಿ 20 ವಿದ್ಯಾರ್ಥಿಗಳು ಪ್ರಥಮ ಶ್ರೇಣಿಯಲ್ಲಿ ಮತ್ತು7 ವಿದ್ಯಾರ್ಥಿಗಳು ದ್ವಿತೀಯ ಶ್ರೇಣಿಯಲ್ಲಿ ಹಾಗೂ 5 ವಿದ್ಯಾರ್ಥಿಗಳು ತೃತೀಯ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ. 518 ಅಂಕ ಪಡೆದಿರುವ ಇಯಾಜ್ ವಿದ್ಯಾಸಂಸ್ಥೆಗೆ ಪ್ರಥಮ ಸ್ಥಾನಿಯಾಗಿದ್ದು, ಪಿ. ಯಂ ನಮಶಿಮ್ 517 ಅಂಕ ಪಡೆದು ದ್ವಿತೀಯ ಸ್ಥಾನ ಹಾಗೂ ಮಹಮದ್ ಅಫ್ರ ತೃತೀಯ ಸ್ಥಾನ ಹಾಗೂ ಫಸ್ನ ಮತ್ತು ಆಶ್ಪಾನ ಅತ್ಯುತ್ತಮ ಸಾಧನೆ ಮಾಡಿ ತೇರ್ಗಡೆಗೊಂಡಿದ್ದಾರೆ ಎಂದು ಬುಶ್ರಾ ವಿದ್ಯಾಸಂಸ್ಥೆಯ ಅಧ್ಯಕ್ಷರಾದ ಅಬ್ದುಲ್ ಆಜೀಜ್ ಹಾಗೂ ಮುಖ್ಯಗುರು ದೀಪಿಕಾ ಚಾಕೋಟೆ ತಿಳಿಸಿದ್ದಾರೆ.
