ಪುತ್ತೂರು: ಬಡಗನ್ನೂರು ಪಟ್ಟೆ ವಿದ್ಯಾ ಸಂಸ್ಥೆಗಳಲ್ಲಿ ನಡೆದ ಸವಣೂರು ವಲಯ ಮಟ್ಟದ ಕ್ರೀಡಾಕೂಟದಲ್ಲಿ ಆನಡ್ಕ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಕ್ರೀಡಾಪಟುಗಳು ಹಲವು ಬಹುಮಾನ ಪಡೆದು ಬಾಲಕಿಯರ ವಿಭಾಗದಲ್ಲಿ ಸಮಗ್ರ ಪ್ರಶಸ್ತಿ ಮುಡಿಗೇರಿಸಿಕೊಂಡಿರುತ್ತಾರೆ.
ಬಾಲಕಿಯರ ವಿಭಾಗದ 6೦೦ ಮೀ. ಓಟದಲ್ಲಿ ಪ್ರಗತಿ ಪ್ರಥಮ ಸ್ಥಾನ, ಕೌಶಿತ ದ್ವಿತೀಯ ಸ್ಥಾನ, 4೦೦ ಮೀ. ಓಟದಲ್ಲಿ ಕೃತಿ ಪ್ರಥಮ ಸ್ಥಾನ, ಪ್ರಗತಿ ದ್ವಿತೀಯ ಸ್ಥಾನ, ಎತ್ತರ ಜಿಗಿತದಲ್ಲಿ ಕೃತಿ ಪ್ರಥಮ ಸ್ಥಾನ ಹಾಗೂ 4*1೦೦ ರಿಲೇನಲ್ಲಿ ಬಾಲಕಿಯರ ತಂಡ ಪ್ರಥಮ ಸ್ಥಾನ ಮತ್ತು ಬಾಲಕರ ವಿಭಾಗದಲ್ಲಿ 6೦೦ ಮೀ.ಓಟದಲ್ಲಿ ವಿವೇಕ್ ತೃತೀಯ ಸ್ಥಾನ ಮತ್ತು 4೦೦ ಮೀ. ಓಟದಲ್ಲಿ ದ್ವಿತೀಯ ಸ್ಥಾನವನ್ನು ಪಡೆದಿರುತ್ತಾರೆ. ಇವರಿಗೆ ಶಿಕ್ಷಕಿ ಮಾಲತಿ ಹಾಗೂ ಹಿರಿಯ ವಿದ್ಯಾರ್ಥಿಗಳಾದ ಗುರುಪ್ರಸಾದ್ ಮತ್ತು ಶರತ್ ತರಬೇತಿ ನೀಡಿರುತ್ತಾರೆ. ಶಾಲಾ ಎಸ್‌ಡಿಎಂಸಿ, ಪೋಷಕರು ಹಾಗೂ ಶಿಕ್ಷಕ ವೃಂದ ಸಹಕರಿಸಿದರು.
