ಕಾವು: ಇತ್ತೀಚೆಗೆ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರಾದ ಪಾಕತಜ್ಞ ಹರೀಶ್ ರಾವ್ ಕೇಪುಳುರವರಿಗೆ ನನ್ಯ ಮೂಡೆತ್ತಾಯ ಮನೆಯವರಿಂದ ಅಭಿನಂದನೆ ಸಲ್ಲಿಸಿ ಸನ್ಮಾನ ಮಾಡಲಾಯಿತು.
ನ.22ರಂದು ನನ್ಯ ಅಚ್ಚುತ ಮೂಡೆತ್ತಾಯರವರ ಮನೆಯಲ್ಲಿ ನಡೆದ ಪೂಜಾ ಕಾರ್ಯಕ್ರಮದ ಬಳಿಕ ನನ್ಯ ಮೂಡೆತ್ತಾಯ ಮನೆಯವರು ಸೇರಿ ಹರೀಶ್ ರಾವ್ ಕೇಪುಳುರವರಿಗೆ ಸನ್ಮಾನ ನೆರವೇರಿಸಿದರು.
ವೇ.ಮೂ ವೇಣುಗೋಪಾಲ ಕೆದಿಲಾಯರವರು ಆಶೀರ್ವದಿಸಿ ಮಾತನಾಡಿದರು. ನನ್ಯ ಅಚ್ಚುತ ಮೂಡೆತ್ತಾಯರವರು ಅಭಿನಂದನೆ ಸಲ್ಲಿಸಿ ಮಾತನಾಡಿದರು. ಬಳಿಕ ಹರೀಶ್ ರಾವ್ ದಂಪತಿಗಳನ್ನು ಕುಳ್ಳಿರಿಸಿ ಶಾಲು ಹೊದಿಸಿ, ಹೂವಿನ ಹಾರ ಹಾಕಿ, ಪೇಟ ತೊಡಿಸಿ, ಫಲಪುಷ್ಪ ಕಾಣಿಕೆ, ಸ್ಮರಣಿಕೆ ನೀಡಿ ಅಭಿನಂದಿಸಲಾಯಿತು. ಈ ಸಂದರ್ಭದಲ್ಲಿ ನನ್ಯ ಮೂಡೆತ್ತಾಯ ಮನೆಯವರು, ಬಂಧು ಮಿತ್ರರು ಪಾಲ್ಗೊಂಡಿದ್ದರು.
