ನರಿಮೊಗರು: ಪ್ರಗತಿ ಪ್ಯಾರ ಮೆಡಿಕಲ್ ಮತ್ತು ಅಲೈಡ್ ಹೆಲ್ತ್ ಸೈನ್ಸ್ ಕಾಲೇಜ್ ಬೋಳ್ವಾರ್ ಪುತ್ತೂರು ಇದರ ವತಿಯಿಂದ ಸರಕಾರಿ ಉನ್ನತೀಕರಿಸಿದ ಹಿರಿಯ ಪ್ರಾಥಮಿಕ ಶಾಲೆ ಮುಂಡೂರು ಇಲ್ಲಿನ ವಿದ್ಯಾರ್ಥಿಗಳ ರಕ್ತ ವರ್ಗೀಕರಣ ಶಿಬಿರ ಮುಂಡೂರು ಶಾಲೆಯಲ್ಲಿ ನಡೆಯಿತು.
ಪ್ರಗತಿ ಸಂಸ್ಥೆಯ ಉಪನ್ಯಾಸಕರಾದ ರೇಷ್ಮಾ ಕುಲಾಲ್, ಶಶಿಕುಮಾರ್, ದೀಕ್ಷಾ ಶೆಟ್ಟಿ ಮತ್ತು ಲಹರಿ ಇವರ ಮಾರ್ಗದರ್ಶನದಲ್ಲಿ ಡಿ.ಎಂ.ಎಲ್.ಟಿ ಅಂತಿಮ ವರ್ಷದ ವಿದ್ಯಾರ್ಥಿಗಳಾದ ಅಶ್ವಿತಾ, ಸುಶ್ಮಿತಾ ಮತ್ತು ಲಾವಣ್ಯ ರಕ್ತ ವರ್ಗಿಕರಣ ಪ್ರಕ್ರಿಯೆಯನ್ನು ನಡೆಸಿಕೊಟ್ಟರು.
ಪ್ರಗತಿ ರೋಟಾರಾಕ್ಟ್ ಕ್ಲಬ್ ನ ಸದಸ್ಯರು, ಮುಂಡೂರು ಶಾಲೆಯ ಮುಖ್ಯ ಶಿಕ್ಷಕಿ ವಿಜಯ ಮತ್ತು ಶಿಕ್ಷಕರ ವೃಂದ, ಶಾಲಾಭಿವೃದ್ಧಿ ಸಮಿತಿಯ ಅಧ್ಯಕ್ಷ ಅಶೋಕ್ ಅಂಬಟ ಮತ್ತು ಸದಸ್ಯರು ಹಾಗೂ ಮಾಜಿ ಅಧ್ಯಕ್ಷ ರಮೇಶ್ ಗೌಡ ಪಜಿಮಣ್ಣು ಉಪಸ್ಥಿತರಿದ್ದರು.
