ಪುಣಚ: ಸ್ನೇಹ ಸಂಗಮ ಆಟೋ ಚಾಲಕ ಮಾಲಕರ ಸಂಘ ಪುತ್ತೂರು ಇದರ ಪುಣಚ ಘಟಕದ ಉದ್ಘಾಟನೆ ಹಾಗೂ ನಾಮಫಲಕ ಅನಾವರಣ ನ.30ರಂದು ಪುಣಚ ಪರಿಯಾಲ್ತಡ್ಕ ಜಂಕ್ಷನ್’ನಲ್ಲಿ ನಡೆಯಿತು.
ಪುತ್ತೂರು ಸ್ನೇಹ ಸಂಗಮ ಆಟೋ ಚಾಲಕ ಮಾಲಕರ ಸಂಘದ ಗೌರವಾಧ್ಯಕ್ಷ ಜಗದೀಶ್ ನೆಲ್ಲಿಕಟ್ಟೆ ನಾಮಫಲಕ ಉದ್ಘಾಟಿಸಿ ಮಾತನಾಡಿ ಜಾತಿ, ಪಕ್ಷ, ಗುಂಪುಗಾರಿಕೆ, ರಾಜಕೀಯ ರಹಿತವಾಗಿ ಸಂಘಟನೆ ಬೆಳೆಯುತ್ತಾ ಬಂದಿದೆ. ಕಷ್ಟಕಾಲದಲ್ಲಿ ಯಾವುದಾದರೂ ಒಂದು ರೀತಿಯಲ್ಲಿ ಸಹಕಾರ ಮಾಡುವ ಮುಖಾಂತರ ಸಂಘಟನೆ ಬೆಳೆಸಲು ಸಾಧ್ಯ. ಉತ್ತಮ ರೀತಿಯಲ್ಲಿ ಸಹಕರಿಸುತ್ತಾ ಸಂಘಟನೆ ಬೆಳೆಯಲಿ ಎಂದರು.
ಕೆ.ಪಿ.ಸಿ.ಸಿ ಪ್ರಧಾನ ಕಾರ್ಯದರ್ಶಿ ಎಂ.ಎಸ್ ಮಹಮ್ಮದ್ ಮಾತನಾಡಿ ಸಮಾಜ ಸೇವೆಯಲ್ಲಿ ತೊಡಗಿಸಿಕೊಂಡಿರುವ ರಿಕ್ಷಾ ಚಾಲಕರು ಶ್ರಮಜೀವಿಗಳು. ಜಾತಿ, ಮತ, ಧರ್ಮ, ರಾಜಕೀಯ ವ್ಯತ್ಯಾಸವನ್ನು ಬಿಟ್ಟು ಒಗ್ಗಟ್ಟಾಗಿ ನಡೆದುಕೊಂಡರೆ ಸಂಘಟನೆ ಬೆಳೆಯುತ್ತಾ ಬರಲಿದೆ. ನಿಮ್ಮ ಸಮಸ್ಯೆಗಳಿಗೆ ನಾವು ಸದಾ ಸ್ಪಂದನೆ ನೀಡಲಿದ್ದೇವೆ ಎಂದರು.
ಮಹಿಷಮರ್ದಿನಿ ದೇವಸ್ಥಾನದ ಆಡಳಿತ ಸಮಿತಿ ಅಧ್ಯಕ್ಷ ಮಾರಪ್ಪ ಶೆಟ್ಟಿ ಬೈಲುಗುತ್ತು, ಪುಣಚ ಗ್ರಾ.ಪಂ.ಅಧ್ಯಕ್ಷೆ ಬೇಬಿ ಪಟಿಕಲ್ಲು, ಉಪಾಧ್ಯಕ್ಷ ಮಹೇಶ್ ಶೆಟ್ಟಿ ಬೈಲುಗುತ್ತು, ಅಭಿವೃದ್ಧಿ ಅಧಿಕಾರಿ ಸೃಜನ್ ಎ.ಜಿ, ಮಾಜಿ ಅಧ್ಯಕ್ಷ ಉದಯಕುಮಾರ್ ದಂಬೆ, ಸೂಪರ್ ಬಜಾರ್’ನ ಮಾಲಕ ಉದ್ಯಮಿ ಮಹಮ್ಮದ್ ಆಲಿ, ಪುತ್ತೂರು ಸ್ನೇಹ ಸಂಗಮ ಆಟೋ ಚಾಲಕ ಮಾಲಕರ ಸಂಘದ ಅಧ್ಯಕ್ಷ ತಾರಾನಾಥ ಗೌಡ ಬನ್ನೂರು, ಸಂಚಾಲಕ ಇಸ್ಮಾಯಿಲ್ ಬೊಳುವಾರು, ಮಾಜಿ ಅಧ್ಯಕ್ಷ ರೋಹಿತ್ ಬನ್ನೂರು, ಪುಣಚ ಘಟಕದ ಅಧ್ಯಕ್ಷ ಶ್ರೀಧರ್ ಗೌಡ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ರಿಕ್ಷಾ ಚಾಲಕ ಮಾಲಕರು ಅತಿಥಿಗಳಿಗೆ ಹೂ ನೀಡಿ ಸ್ವಾಗತಿಸಿದರು. ಪುತ್ತೂರು ಘಟಕದ ಕಾರ್ಯದರ್ಶಿ ಹರೀಶ್ ಕುಮಾರ್ ತೆಂಕಿಲ ಸ್ವಾಗತಿಸಿ, ಪುಣಚ ಘಟಕದ ಕಾರ್ಯದರ್ಶಿ ಆಲ್ಬರ್ಟ್ ಡಿ ಸೋಜ ವಂದಿಸಿದರು. ಪುಣಚ ರಿಕ್ಷಾ ಚಾಲಕ ಮಾಲಕರು ಸಹಕರಿಸಿದರು.
