ಪುತ್ತೂರು: ಇಲ್ಲಿನ ಕೆಎಸ್‌ಆರ್‌ಟಿಸಿ ಬಸ್ ನಿಲ್ದಾಣದ ನಿಲ್ದಾಣಾಧಿಕಾರಿ ಸುರೇಶ್ ತೋಟದಮೂಲೆ ಅವರು ಕೆಎಸ್‌ಆರ್‌ಟಿಸಿ ಸಂಸ್ಥೆಯಲ್ಲಿ 36 ವರ್ಷಗಳ ಸುದೀರ್ಘ ಸೇವೆ ಸಲ್ಲಿಸಿ ನ.30ರಂದು ವಯೋ ನಿವೃತ್ತಿ ಹೊಂದಲಿದ್ದಾರೆ.
1989ರ ಡಿ.20ರಂದು ಕೆಎಸ್‌ಆರ್‌ಟಿಸಿ ಸಂಸ್ಥೆಯಲ್ಲಿ ಕರ್ತವ್ಯಕ್ಕೆ ಸೇರ್ಪಡೆಗೊಂಡ ಸುರೇಶ್ ಅವರು, ನಿರ್ವಾಹಕರಾಗಿ, ಸಹಾಯಕ ಸಂಚಾರ ನಿರೀಕ್ಷಕರಾಗಿ, ಸಂಚಾರ ನಿಯಂತ್ರಕರಾಗಿ ಉತ್ತಮವಾಗಿ ಕಾರ್ಯನಿರ್ವಹಿಸಿದ್ದರು. ಬಳಿಕ ಪುತ್ತೂರಿನ ಕೋಟಿ ಚೆನ್ನಯ ಬಸ್ ನಿಲ್ದಾಣದ ನಿಲ್ದಾಣಾಧಿಕಾರಿಯಾಗಿ ಭಡ್ತಿ ಹೊಂದಿ ಇದೀಗ ಸೇವೆಯಿಂದ ನಿವೃತ್ತರಾಗಲಿದ್ದಾರೆ.
ಸುರೇಶ್ ಅವರು ಪತ್ನಿ ಮಾಲಿನಿ ಹಾಗೂ ಕಬಕದಲ್ಲಿ ಕೃಪಾ ಹೋಮಿಯೋಪತಿಕ್ ಹೊಂದಿರುವ ಮಗಳು ಡಾ.ಚೈತ್ರ ಟಿ.ಎಸ್. ಹಾಗೂ ಮತ್ತೋರ್ವ ಪುತ್ರಿ ಕೃಪಾ ಟಿಎಸ್ B.Arch. ಅವರೊಂದಿಗೆ ವಾಸ್ತವ್ಯವಿದ್ದಾರೆ
