ಪುತ್ತೂರು: ಪುತ್ತೂರು ನಗರಸಭಾ ವ್ಯಾಪ್ತಿಯ ಕೆಲವು ಕಡೆಯ ರಸ್ತೆಗಳಲ್ಲಿ ಹೊಂಡಗಳು ಸೃಷ್ಟಿಯಾಗಿದ್ದು, ಅವುಗಳನ್ನು ಮುಚ್ಚುವಂತೆ ಕಳೆದ ಒಂದು ವಾರದ ಹಿಂದೆ ಶಾಸಕ ಅಶೋಕ್ ರೈ ಅವರು ನಗರಸಭಾ ಕಮಿಷನರ್ ಗೆ ಸೂಚನೆ ನೀಡಿದ್ದರು. ವಾರ ಕಳೆದರೂ ಇನ್ನೂ ಗುಂಡಿ‌ಮುಚ್ಚದೇ ಇರುವುದನ್ನು ಕಂಡು ಅಸಮಾಧಾನಗೊಂಡ ಶಾಸಕರು ಕಮಿಷನರ್ ಅವರನ್ನು ತರಾಟೆಗೆತ್ತಿಕೊಂಡರು ಎಂದು ವರದಿಯಾಗಿದೆ.
ಪುತ್ತೂರು ನಗರದ ದರ್ಬೆ, ಕಲ್ಲಾರೆ, ಬೊಳುವಾರು, ಪರ್ಲಡ್ಕ ಸೇರಿದಂತೆ ಕೆಲವು ಕಡೆಗಳಲ್ಲಿ ರಸ್ತೆ ಹೊಂಡ ಬಿದ್ದಿದ್ದು, ಮಳೆ ಇರುವ ಕಾರಣ ಪ್ಯಾಚ್ ವರ್ಕ್‌ ಕಾಮಗಾರಿ ನಡೆಸಲು ಸಾಧ್ಯವಾಗಿರಲಿಲ್ಲ. ಮಳೆ ಮುಗಿದ ತಕ್ಷಣ ಹೊಂಡ ಮುಚ್ಚುವಂತೆ ಶಾಸಕರು ಸೂಚನೆಯನ್ನು ನೀಡಿದ್ದರು. ಕಳೆದ ಒಂದು ವಾರದ ಹಿಂದೆ ಗಡುವನ್ನು ನೀಡಿದ್ದರು.
ನಾಳೆ ಲಾಸ್ಟ್ ಗಡು
ಡಿ.1 ನಾಳೆ ಹೊಂಡ ಮುಚ್ಚುವ ಕೆಲಸ ಆರಂಭ ಮಾಡಬೇಕು. ಇನ್ನು ಹೇಳುವುದಿಲ್ಲ, ಏನು ಮಾಡಬೇಕೆಂದು ನನಗೆ ಗೊತ್ತಿದೆ ಎಂದು ಅಸಮಾಧಾನಗೊಂಡ ಶಾಸಕರು ನಾಳೆಯ ಗಡುವು ನೀಡಿದ್ದಾರೆ.
