ಪುತ್ತೂರು: ಎಸ್ಕೆಎಸ್ಸೆಸ್ಸೆಫ್ ಕುಂಬ್ರ ವಲಯದ ಆಶ್ರಯದಲ್ಲಿ ಇಬಾದ್ ವತಿಯಿಂದ ರಂಝಾನ್ ಸಂದೇಶ ಕಾರ್ಯಕ್ರಮ ಮಾ.15ರಂದು ಪಾಳ್ಯತ್ತಡ್ಕದಲ್ಲಿ ನಡೆಯಿತು.
ಪವಿತ್ರವಾದ ರಂಝಾನ್ ನಮ್ಮ ಜೀವನದಲ್ಲಿ ಬದಲಾವಣೆ ಉಂಟು ಮಾಡುವ ತಿಂಗಳಾಗಬೇಕು ಎಂದು ರಂಝಾನ್ ಸಂದೇಶ ನೀಡಿದ ಕೆಲಿಂಜ ಮಸೀದಿಯ ಖತೀಬ್ ಅಬ್ಬಾಸ್ ದಾರಿಮಿ ಹೇಳಿದರು.
ಎಸ್ಕೆಎಸ್ಸೆಸ್ಸೆಫ್ ಕುಂಬ್ರ ವಲಯ ಅದ್ಯಕ್ಷ ಮನ್ಸೂರ್ ಅಸ್ಲಮಿ ಅಧ್ಯಕ್ಷತೆ ವಹಿಸಿದ್ದರು. ಪಾಳ್ಯತ್ತಡ್ಕ ಖತೀಬ್ ನಝೀರ್ ಅಝ್ಹರಿ ಉದ್ಘಾಟಿಸಿದರು.ಅಬ್ದುಲ್ ರಹ್ಮಾನ್ ಹೈತಮಿ ಪ್ರಾಸ್ತಾವಿಕವಾಗಿ ಮಾತನಾಡಿ ಸ್ವಾಗತಿಸಿದರು. ಜಮಾಅತ್ ಅಧ್ಯಕ್ಷ ಎನ್.ಎಸ್ ಅಬ್ದುಲ್ಲ ಹಾಜಿ, ವಲಯ ಕೋಶಾಧಿಕಾರಿ ಕೆ.ಎಚ್ ಮಹಮ್ಮದ್ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಸಭೆಯಲ್ಲಿ ವಲಯ ಸಂಘಟನಾ ಕಾರ್ಯದರ್ಶಿ ಇಬ್ರಾಹಿಂ ಹಾಜಿ, ವಲಯ ವಿಖಾಯ ಚೇರ್‌ಮೆನ್ ಶಕೀಲ್ ಅಹ್ಮದ್, ಕಾರ್ಯಕಾರಿ ಸಮಿತಿ ಸದಸ್ಯರಾದ ಸಲಾಂ ಮೇನಾಲ, ಸಂಶುದ್ದೀನ್ ಇಂದುಮೂಲೆ, ಮೀಡಿಯಾ ವಿಂಗ್‌ನ ಸಾಜಿದ್ ಓಲೆಮುಂಡೋವು, ಶರೀಫ್ ಅರ್ಶದಿ, ಬಶೀರ್ ಕೌಡಿಚ್ಚಾರ್ ಉಪಸ್ಥಿತರಿದ್ದರು. ಎಸ್ಕೆಎಸ್ಸೆಸ್ಸೆಫ್ ಕುಂಬ್ರ ವಲಯ ಪ್ರಧಾನ ಕಾರ್ಯದರ್ಶಿ ಸಿದ್ದೀಕ್ ಸುಲ್ತಾನ್ ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.
