ಪುತ್ತೂರು: ಜಾಲ್ಸೂರು ಗ್ರಾಮದ ಕಾಳಮ್ಮನೆ ದಿ. ಚಿನ್ನಪ್ಪ ಮಾಸ್ತರ್‌ರವರ ಹಿರಿಯ ಪುತ್ರ, ಪ್ರಸ್ತುತ ಪುತ್ತೂರು ತಾಲೂಕಿನ ಕುಂಬ್ರದ ಉರ್ವದಲ್ಲಿ ನೆಲೆಸಿರುವ ಜೆ.ಕೆ. ವಸಂತ ಗೌಡ(77ವ.)ರವರು ಅಸೌಖ್ಯದಿಂದಾಗಿ ಅ.31ರಂದು ಸಂಜೆ ನಿಧನರಾದರು.
ಕೆಲ ದಿನಗಳ ಹಿಂದೆ ಜ್ವರದ ಹಿನ್ನೆಲೆಯಲ್ಲಿ ಇದ್ದ ಅವರು ಅ.31ರಂದು ಸುಳ್ಯದ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ ಅಪರಾಹ್ನ ಉಸಿರಾಟದ ಸಮಸ್ಯೆ ಹೆಚ್ಚಾದಾಗ ಅವರನ್ನು ಆಂಬ್ಯುಲೆನ್ಸ್ ಮೂಲಕ ಮಂಗಳೂರಿನ ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ ದಾರಿ ಮಧ್ಯೆ ಅವರು ಕೊನೆಯುಸಿರೆಳೆದರೆಂದು ತಿಳಿದುಬಂದಿದೆ.
ವಾಯುಸೇನೆಯಲ್ಲಿ ಹಲವಾರು ವರ್ಷಗಳ ಕಾಲ ಸೇವೆ ಸಲ್ಲಿಸಿ ನಿವೃತ್ತರಾದ ಬಳಿಕ ಪ್ರಗತಿಪರ ಕೃಷಿಕರಾಗಿದ್ದ ವಸಂತ ಗೌಡರು ಪತ್ನಿ ರುಕ್ಮಾವತಿ, ಪುತ್ರರಾದ ರವಿರಾಜ್, ಯೋಗೇಂದ್ರ, ಪುತ್ರಿ ಮಂಜುಳ ಚೇತನ್, ಸಹೋದರರಾದ ಜೆ.ಕೆ. ರಮೇಶ್ ಗೌಡ ಕಾಳಮ್ಮನೆ, ಜೆ.ಕೆ. ಜಯಂತ ಗೌಡ ಕಾಳಮ್ಮನೆ, ಸಹೋದರಿಯರಾದ ನಿವೃತ್ತ ಶಿಕ್ಷಕಿ ಪಾವನದೇವಿ ಕೊಯಿಲ, ಲೇಖಕಿ ಜಯಮ್ಮ ಚೆಟ್ಟಿಮಾಡ ಸೇರಿದಂತೆ ಸೊಸೆಯಂದಿರು ಹಾಗೂ ಮೊಮ್ಮಕ್ಕಳನ್ನು ಅಗಲಿದ್ದಾರೆ.
ನ.2ರಂದು ಅಂತ್ಯಕ್ರಿಯೆ:
ಮೃತದೇಹವನ್ನು ಸುಳ್ಯದ ಕೆವಿಜಿ ಆಸ್ಪತ್ರೆಯ ಶವಾಗಾರದಲ್ಲಿರಿಸಲಾಗಿದೆ. ಮೃತರ ಪುತ್ರಿ ಆಸ್ಟ್ರೇಲಿಯಾದಲ್ಲಿದ್ದು ಅವರು ಹುಟ್ಟೂರಿಗೆ ಬರಬೇಕಾಗಿರುವುದರಿಂದ ಮೃತರ ಅಂತ್ಯಕ್ರಿಯೆ ನ.2ರಂದು ಬೆಳಿಗ್ಗೆ ಕುಂಬ್ರದ ಉರ್ವ ಮನೆಯಲ್ಲಿ ನಡೆಯಲಿದೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.
