ಪುತ್ತೂರು: ಹಿಂದೂ ಧರ್ಮದಲ್ಲಿ ತುಳಸಿ ಪೂಜೆಗೆ ಅದರದ್ದೇ ಮಹತ್ವವಿದೆ. ವಿಷ್ಣುವಿಗೆ ಬಹಳ ಪ್ರಿಯವಾದ, ಮೋಕ್ಷದಾಯಕವಾದ ಪೂಜನೀಯ ಗಿಡ ಶ್ರೀ ತುಳಸಿ. ದ್ವಾದಶ ತಿಥಿಯ ಬುಧವಾರದಂದು ಪರ್ಲಡ್ಕದ ಶಿವಪೇಟೆಯಲ್ಲಿರುವ ವಿವೇಕಾನಂದ ಶಿಶುಮಂದಿರದಲ್ಲಿ ತುಳಸಿ ಪೂಜೆ ಹಾಗೂ ದೀಪಾವಳಿಯನ್ನು ಆಚರಿಸಲಾಯಿತು.
ಮಾತೃಭಾರತಿಯ ಅಧ್ಯಕ್ಷೆ ಯಕ್ಷಿತಾ ತುಳಸಿ ಪೂಜೆಯನ್ನು ನೆರವೇರಿಸಿದರು. ದೀಪಾವಳಿಯ ಅರಿವು ಮೂಡಿಸುವ ಸಲುವಾಗಿ ಮಕ್ಕಳ ಕೈಯಿಂದ ಹಣತೆಯನ್ನು ಹಚ್ಚಿಸಲಾಯಿತು. ಕಾರ್ಯಕ್ರಮದಲ್ಲಿ ಮಕ್ಕಳು, ಪಾಲಕರು, ಮಾತಾಜಿಯವರು ಉಪಸ್ಥಿತರಿದ್ದರು.
