ನೆಲ್ಯಾಡಿ: ಶಾಸ್ತಾರ ಫ್ರೆಂಡ್ಸ್ ಕುತ್ರಾಡಿ ಹಾರ್ಪಳ, ನೆಲ್ಯಾಡಿ ಇದರ ವತಿಯಿಂದ ಊರವರ ಸಹಕಾರದೊಂದಿಗೆ ಹಾಗೂ ಹಿಂದೂ ಪರ ಸಂಘಟನೆಗಳ ಸಹಭಾಗಿತ್ವದಲ್ಲಿ ಬೊಣ್ಯಸಾಗು ದೈವಗಿರಿ ಶ್ರೀ ಕ್ಷೇತ್ರ ದೈಯೆರ ಮಜಲುನಲ್ಲಿ 2025ರ ಜ.26ರಂದು ನಡೆಯಲಿರುವ ’ಹಿಂದೂ ಕ್ರೀಡೊತ್ಸವ-2025’ರ ಕರಪತ್ರ ಬಿಡುಗಡೆ ಕಾರ್ಯಕ್ರಮ ಶ್ರೀ ಕ್ಷೇತ್ರ ದೈಯೇರ ಮಜಲುನಲ್ಲಿ ನಡೆಯಿತು.
ಶ್ರೀ ಶಾಸ್ತಾರೇಶ್ವರ ದೇವಸ್ಥಾನ ಕುತ್ರಾಡಿ ಹಾರ್ಪಳದ ಆಡಳಿತ ಸಮಿತಿ ಅಧ್ಯಕ್ಷ ಸುಂದರ ಗೌಡ ಅತ್ರಿಜಾಲು ಅವರು ಕರಪತ್ರ ಬಿಡುಗಡೆಗೊಳಿಸಿದರು. ದೈವಸ್ಥಾನದ ಅಧ್ಯಕ್ಷ ಸತೀಶ್ಚಂದ್ರ ಗೌಡ ಅತ್ರಿಜಾಲು ಅವರು ಕ್ರೀಡಾ೦ಗಣದ ಕೆಲಸ ಕಾರ್ಯಗಳಿಗೆ ಚಾಲನೆ ನೀಡಿದರು. ಹಿರಿಯರಾದ ಕೊರಗಪ್ಪ ಗೌಡ ಬಾಯ್ತ್ರೋಡಿ, ಶೀನಪ್ಪ ಗೌಡ ಬರಮೇಲು ಶುಭ ಹಾರೈಸಿದರು.
ದೇವಸ್ಥಾನದ ಕೋಶಾಧಿಕಾರಿ ಸೀತಾರಾಮ ಗೌಡ ಕಾನಮನೆ, ಶ್ರೀ ಕ್ಷೇತ್ರ ಧ.ಗ್ರಾ.ಯೋಜನೆ ಕಡಬ ಕೇಂದ್ರ ಒಕ್ಕೂಟದ ಅಧ್ಯಕ್ಷರಾದ ಬಾಲಕೃಷ್ಣ ಗೌಡ ಹಾರ್ಪಳ, ದೈವಸ್ಥಾನದ ಪರಿಚಾರಕರಾದ ಕುಶಾಲಪ್ಪ ಗೌಡ ಮರ್ವೊಡಿ, ಕುಶಾಲಪ್ಪ ಗೌಡ ರಕ್ಷಾ, ಪಮ್ಮಣ್ಣ ಗೌಡ ಬೊಣ್ಯಸಾಗು, ಸುಂದರ ಗೌಡ ಬಾಯ್ತ್ರೋಡಿ, ಹಿರಿಯರಾದ ರುಕ್ಮಯ ಗೌಡ ದಗ್ಗೋಡಿ, ಶಾಸ್ತಾರ ಫ್ರೆಂಡ್ಸ್ ಅಧ್ಯಕ್ಷರಾದ ಶಿವಪ್ರಸಾದ್ ದುಗ್ಗಲ, ಪದಾಧಿಕಾರಿಗಳಾದ ನಾಗೇಶ್ ಗಡಿಕಲ್ಲು, ದಿನೇಶ್ ನಾಯ್ಕ್ ಹಾಗೂ ಶಾಸ್ತಾರ ಫ್ರೆಂಡ್ಸ್‌ನ ಸದಸ್ಯರು, ಗ್ರಾಮಸ್ಥರು ಈ ಸಂಧರ್ಭದಲ್ಲಿ ಉಪಸ್ಥಿತರಿದ್ದರು. ಸಂಕಷ್ಟದಲ್ಲಿರುವ ಕುಟುಂಬಗಳಿಗೆ ಸಹಾಯ ಮಾಡುವ ಉದ್ದೇಶ ಹಾಗೂ ಹಿಂದೂ ಸಮಾಜವನ್ನು ಕ್ರೀಡಾ ಕೂಟದ ಮೂಲಕ ಒಂದು ಗೂಡಿಸುವ ಪ್ರಯತ್ನದ ಅಂಗವಾಗಿ ಈ ಕ್ರೀಡಾ ಕೂಟ ನಡೆಯಲಿದೆ ಎಂದು ಸಂಘಟಕರು ತಿಳಿಸಿದ್ದಾರೆ.
