ಪುತ್ತೂರು: ಬಳ್ಳಮಜಲುಗುತ್ತು ಬೋಳೋಡಿ ಸೀತಾರಾಮ ಆಳ್ವರ ಪತ್ನಿ ಕುಂಬ್ರ ಲಲಿತಾ ಎಸ್ ಆಳ್ವರವರ ವೈಕುಂಠ ಸಮಾರಾಧನೆ ಮತ್ತು ಶ್ರದ್ಧಾಂಜಲಿ ಸಭೆ ಪುತ್ತೂರು ಎಂ. ಸುಂದರರಾಮ್ ಶೆಟ್ಟಿ ಸ್ಮಾರಕ ಬಂಟರ ಭವನದಲ್ಲಿ ಅ.15ರಂದು ಜರಗಿತು.
ಸರಳ ವ್ಯಕ್ತಿತ್ವ, ಸಜ್ಜನಿಕೆಯ ಬದುಕು- ಎಂ.ಬಿ.ಸದಾಶಿವ
ರಾಜ್ಯ ಜೆಡಿಎಸ್ ವಕ್ತಾರ ಎಂ.ಬಿ.ಸದಾಶಿವ ಸುಳ್ಯರವರು ಮಾತನಾಡಿ ಲಲಿತಾ ಎಸ್ ಆಳ್ವರವರು ಉತ್ತಮ ಗೃಹಿಣಿಯಾಗಿ, ಕೃಷಿಕರಾಗಿ ಮನೆ ಮತ್ತು ಸಮಾಜದಲ್ಲಿ ಗೌರವಕ್ಕೆ ಪಾತ್ರರಾಗಿದ್ದರು. ಅವರು ಮನೆಗೆ ಬಂದವರಿಗೆ ಅತಿಥಿ ಸತ್ಕಾರದಲ್ಲಿ ಹೆಸರುವಾಸಿಯಾಗಿದ್ದರು. ಸರಳ ವ್ಯಕ್ತಿತ್ವ, ಸಜ್ಜನಿಕೆಯನ್ನುಹೊಂದಿದ್ದರು. ಸದಾ ಸಮಾಜದ ಹಿತವನ್ನು ಬಯಸುತ್ತಿದ್ದ ಲಲಿತಾ ಎಸ್ ಆಳ್ವರವರ ಮಗ ಕುಂಬ್ರ ದಯಾಕರ್ ಆಳ್ವರವರೂ ಕೂಡ ತನಾಗಾಗಿ ಎನ್ನನೂ ಬಯಸದೇ ಸಮಾಜಕ್ಕಾಗಿ ದುಡಿಯುತ್ತಿದ್ದಾರೆ. ಇನ್ನೂರ್ವ ಮಗ ದಿವಾಕರ್ ಆಳ್ವರು ಹೊಟೇಲ್ ಉದ್ಯಮಿಯಾಗಿದ್ದು, ಸರಳತೆಯ ಬದುಕನ್ನು ರೂಪಿಸಿಕೊಂಡಿದ್ದಾರೆ, ಲಲಿತಾ ಎಸ್ ಆಳ್ವರ ಪುತ್ರಿ, ಅಳಿಯ, ಸೊಸೆಯಂದಿರು, ಮೊಮ್ಮಕ್ಕಳು ಕೂಡ ಉತ್ತಮ ಸಂಸ್ಕಾರವನ್ನು ಜೀವನದಲ್ಲಿ ಅಳವಡಿಸಿಕೊಂಡಿದ್ದಾರೆ ಎಂದು ಹೇಳಿ, ಲಲಿತಾ ಎಸ್ ಆಳ್ವರವರು ಹಾಕಿಕೊಟ್ಟ ಆದರ್ಶಗಳನ್ನು ಮುಂದಿನ ಪೀಳಿಗೆ ಉಳಿಸಿಕೊಂಡು ಹೋಗಬೇಕು ಎಂದು ನುಡಿನಮನ ಸಲ್ಲಿಸಿದರು.
ಅದರ್ಶ ಜೀವನ ಸಮಾಜಕ್ಕೆ ಮಾದರಿ- ಅಗ್ರಾಳ ಮನೋಹರ್ ರೈ
ವಿಜಯ ಬ್ಯಾಂಕ್‌ನ ನಿವೃತ್ತ ಎಜಿಎಂ ಅಗ್ರಾಳ ಮನೋಹರ್ ಆಳ್ವ ರವರು ಮಾತನಾಡಿ ಲಲಿತಾ ಆಳ್ವರವರು ಮನೆ, ಕುಟುಂಬ ಹಾಗೂ ಸಮಾಜವನ್ನು ಅಕ್ಕರೆಯಿಂದ ಕಂಡವರು, ಅವರ ಜೀವನ ಶೈಲಿ, ಅತ್ಮೀಯತೆಯ ಜೀವನ ಇಂದಿನ ಯುವ ಪೀಳಿಗೆಗೆ ಅನುಕರಣೀಯ. ಅವರ ಆದರ್ಶ ಜೀವನ ಸಮಾಜಕ್ಕೆ ಮಾದರಿಯಾಗಿದೆ ಎಂದು ಹೇಳಿ ನುಡಿನಮನ ಸಲ್ಲಿಸಿದರು.
ಲಲಿತಾ ಎಸ್ ಆಳ್ವರ ಮಕ್ಕಳಾದ ಚಿತ್ರಾಲೇಖಾ ಆರ್ ಅಡಪ, ಕುಂಬ್ರ ದಯಾಕರ್ ಆಳ್ವ,ಕುಂಬ್ರ ದಿವಾಕರ್ ಆಳ್ವ, ಸೊಸೆಯಂದಿರು, ಅಳಿಯ, ಮೊಮ್ಮಕ್ಕಳು, ಕುಂಬ್ರ ಜನನ ಮತ್ತು ಬಳ್ಳಮಜಲುಗುತ್ತು ಬೋಳೋಡಿ ಕುಟುಂಬಸ್ಥರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಸಮಾರಂಭದಲ್ಲಿ ಮಾಜಿ ಸಂಸದ ನಳಿನ್ ಕುಮಾರ್ ಕಟೀಲ್, ಮಾಜಿ ಶಾಸಕ ಸಂಜೀವ ಮಠಂದೂರು, ಸುದ್ದಿ ಸಮೂಹ ಸಂಸ್ಥೆಗಳ ಆಡಳಿತ ನಿರ್ದೇಶಕ ಡಾ.ಯು.ಪಿ.ಶಿವಾನಂದ, ಪುತ್ತೂರು ತಾಲೂಕು ಬಂಟರ ಸಂಘದ ಅಧ್ಯಕ್ಷ ಕಾವು ಹೇಮನಾಥ ಶೆಟ್ಟಿ, ಬಂಟರ ಯಾನೆ ನಾಡವರ ಮಾತೃ ಸಂಘದ ಪುತ್ತೂರು ತಾಲೂಕು ಸಮಿತಿ ಸಂಚಾಲಕ ಕುಂಬ್ರ ದುರ್ಗಾಪ್ರಸಾದ್ ರೈ, ಸಹಸಂಚಾಲಕ ಸಾಜ ರಾಧಾಕೃಷ್ಣ ಆಳ್ವ, ದ.ಕ.ಜಿಲ್ಲಾ ಸಹಕಾರಿ ಯೂನಿಯನ್ ಅಧ್ಯಕ್ಷ ಶಶಿಕುಮಾರ್ ರೈ ಬಾಲ್ಯೊಟ್ಟು, ಮಂಗಳೂರು ಶ್ರೀರಾಮಕೃಷ್ಣ ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ ಅಧ್ಯಕ್ಷ ಜೈರಾಜ್ ಬಿ. ರೈ, ನಿರ್ದೆಶಕರಾದ ಅರಿಯಡ್ಕ ಚಿಕ್ಕಪ್ಪ ನಾೖಕ್, ಬೆಳ್ಳಿಪ್ಪಾಡಿ ಪ್ರಸಾದ್ ಕೌಶಲ್ ಶೆಟ್ಟಿ, ದಿವಾಕರ್ ರೈ ಪೆರಾಜೆ, ಡಾ. ಬೂಡಿಯಾರ್ ಸಂಜೀವ ರೈ, ತಾಲೂಕು ಬಂಟರ ಸಂಘದ ಮಾಜಿ ಅಧ್ಯಕ್ಷರಾದ ಬೂಡಿಯಾರ್ ರಾಧಾಕೃಷ್ಣ ರೈ, ಅರಿಯಡ್ಕ ಲಕ್ಷ್ಮೀನಾರಾಯಣ ಶೆಟ್ಟಿ, ಜಿಲ್ಲಾ ಬಿಜೆಪಿ ಉಪಾಧ್ಯಕ್ಷರಾದ ರಾಕೇಶ್ ರೈ ಕೆಡೆಂಜಿ, ಪ್ರಸನ್ನ ಕುಮಾರ್ ಮಾರ್ತ, ಪುತ್ತೂರು ತಾಲೂಕು ಅಡಿಕೆ ವರ್ತಕರ ಸಂಘದ ಅಧ್ಯಕ್ಷ ರವೀಂದ್ರನಾಥ್ ರೈ ಬಳ್ಳಮಜಲುಗುತ್ತು, ಪುತ್ತೂರು ತಾಲೂಕು ಬಂಟರ ಸಂಘದ ಪ್ರಧಾನ ಕಾರ‍್ಯದರ್ಶಿ ನಿತ್ಯಾನಂದ ಶೆಟ್ಟಿ ಮನವಳಿಕೆ, ಕೋಶಾಧಿಕಾರಿ ಸಂತೋಷ್ ಶೆಟ್ಟಿ ಸಾಜ, ಪ್ರಮುಖರಾದ ಅರಿಯಡ್ಕ ಕೃಷ್ಣ ರೈ ಪುಣ್ಚಪ್ಪಾಡಿ ತಳಮನೆ, ಕಡಮಜಲು ಸುಭಾಸ್ ರೈ, ಕೆದಂಬಾಡಿಬೀಡು ಚಂದ್ರಹಾಸ್ ಬಲ್ಲಾಳ್, ಸವಣೂರು ಎನ್ ಸುಂದರ ರೈ, ಉಮೇಶ್ ಕೆಎಂಬಿ, ನಾರಾಯಣ ಗೌಡ ಕೊಂಡೆಪ್ಪಾಡಿ, ಗಣೇಶ್ ಶೆಟ್ಟಿ ಕುಂಜಾಡಿ, ಸುರೇಶ್ ರೈ ಸೂಡಿಮುಳ್ಳು, ಶಿವರಾಮ್ ಆಳ್ವ ಬಳ್ಳಮಜಲುಗುತ್ತು, ಸಂತೋಷ್ ಕುಮಾರ್ ರೈ ನಳೀಲು,ಕರುಣಾಕರ್ ರೈ ದೇರ್ಲ, ಉದ್ಯಮಿ ಪ್ರದೀಪ್ ರೈ ಅಜಿರಂಗಳ, ಕೇನ್ಯ ರವೀಂದ್ರನಾಥ ಶೆಟ್ಟಿ, ನಾರಾಯಣ ರೈ ಬಾರಿಕೆ, ಜೈರಾಜ್ ಭಂಡಾರಿ ಡಿಂಬ್ರಿ, ಎ.ಕೆ.ಜಯರಾಮ ರೈ ಕೆಯ್ಯೂರು, ರವಿಕಿರಣ್ ಶೆಟ್ಟಿ ಬೆದ್ರಾಡಿ, ರಾಮ್ ಪ್ರಸಾದ್ ಆಳ್ವ ಮೇನಾಲ, ಶ್ಯಾಮ್ ಸುಂದರ ರೈ ಪೆರ್ಲಂಪಾಡಿ, ರಾಮಯ್ಯ ರೈ ತಿಂಗಳಾಡಿ, ಸುಧಾಕರ್ ರೈ ಮುಂಡಾಳ, ಚಂದ್ರಹಾಸ್ ಶೆಟ್ಟಿ ಎನ್, ಸುಧಾಕರ್ ರೈ ಪೆರಾಜೆ, ಶಶಿಕಿರಣ್ ರೈ ನೂಜಿಬೈಲು, ಗಣೇಶ್ ಶೆಟ್ಟಿ ನೆಲ್ಲಿಕಟ್ಟೆ, ಕುಂಬ್ರ ದೋಳ್ತೋಡಿ ವೆಂಕಪ್ಪ ರೈ, ನ್ಯಾಯವಾದಿ ಆರಂತನಡ್ಕ ಬಾಲಕೃಷ್ಣ ರೈ, ಶ್ರೀಧರ್ ಶೆಟ್ಟಿ ಬೈಲುಗುತ್ತು, ಯತೀಂದ್ರನಾಥ ರೈ ಅಲೆಕ್ಕಾಡಿ ಸಹಿತ ಸಾವಿರಾರು ಮಂದಿ ಭಾಗವಹಿಸಿ ಶ್ರದ್ಧಾಂಜಲಿ ಸಲ್ಲಿಸಿದರು.
