ಪುತ್ತೂರು: ಜಮೀನಿನಲ್ಲಿ ನೆಟ್ಟ ನೂರಾರು ತೆಂಗಿನ ಮತ್ತು ಕೋಕೊ ಸಸಿಗಳು ಕಳವಾದ ಘಟನೆ ಬೆಟ್ಟಂಪಾಡಿಯ ಕಳೆಂಜಿಲದಲ್ಲಿ ನಡೆರುವ ಬಗ್ಗೆ ಅ.13ರಂದು ಬೆಳಕಿಗೆ ಬಂದಿದೆ. ಘಟನೆ ಕುರಿತು ಸಂಪ್ಯ ಪೊಲೀಸರಿಗೆ ದೂರು ನೀಡಲಾಗಿದೆ.
ಬೆಟ್ಟಂಪಾಡಿ ಕಳೆಂಜಿಲ ನಿವಾಸಿ ದೂಮ ಪೂಜಾರಿ ಮತ್ತು ರಾಕೇಶ್ ಪಿ ಶೆಟ್ಟಿಯವರ ಜಮೀನಲ್ಲಿದ್ದ ತೆಂಗಿನ ಸಸಿ ಮತ್ತು ಕೋಕೋ ಸಸಿಗಳು ಕಳವಾಗಿದೆ. ದೂಮ ಪೂಜಾರಿ ಮತ್ತು ರಾಕೇಶ್ ಶೆಟ್ಟಿಯವರ ಜಮೀನು ಅಕ್ಕಪಕ್ಕದಲ್ಲಿದ್ದು ಇಬ್ಬರು ಸೇರಿ 3 ತಿಂಗಳ ಹಿಂದೆ ತೆಂಗಿನ ಮತ್ತು 4 ದಿನ ಹಿಂದೆ ಕೋಕೋ ಸಸಿಗಳನ್ನು ನೆಟ್ಟಿದ್ದರು. ನೆಟ್ಟಿರುವ ಸಸಿಗಳ ಪೈಕಿ ೭೪ ತೆಂಗಿನ ಸಸಿ ಮತ್ತು 100 ಕೋಕೊ ಸಸಿಗಳು ಕಳವಾಗಿದೆ. ಘಟನೆ ಕುರಿತು ದೂಮ ಪೂಜಾರಿ ಅವರು ನೀಡಿದ ದೂರಿನಂತೆ ಸಂಪ್ಯ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
