ಪುತ್ತೂರು: ಎಸ್‌ಸಿಡಿಸಿಸಿ ಬ್ಯಾಂಕ್‌ನ ಕುಂಬ್ರ ಶಾಖೆಯಲ್ಲಿ ಗ್ರಾಹಕರಿಗೆ ಆರ್ಥಿಕ ಅರಿವು ಜಾಗೃತಿ ಕಾರ್ಯಕ್ರಮ ಕುಂಬ್ರ ಶಾಖೆಯಲ್ಲಿ ನಡೆಯಿತು. ಪುತ್ತೂರು ಸುಳ್ಯ ತಾಲೂಕಿನ ಎಸ್‌ಸಿಡಿಸಿಸಿ ಬ್ಯಾಂಕ್‌ನ ವಸೂಲಾತಿ ಅಧಿಕಾರಿ ರತ್ನಕುಮಾರ್‌ರವರು ಸಂಪನ್ಮೂಲ ವ್ಯಕ್ತಿಯಾಗಿ ಮಾತನಾಡಿ, ಗ್ರಾಹಕರಿಗೆ ಬ್ಯಾಂಕಿನಿಂದ ಸಿಗುವ ಸವಲತ್ತುಗಳ ಬಗ್ಗೆ ಮಾತ್ರವಲ್ಲ ಠೇವಣಾತಿ, ವಿಮೆ, ಕೆವೈಸಿಯ ಅವಶ್ಯಕತೆಯ ಬಗ್ಗೆ ಮಾಹಿತಿ ನೀಡಿದರು.
ಮುಖ್ಯ ಅತಿಥಿಗಳಾಗಿ ಮಾತೃಶ್ರೀ ಅರ್ಥ್‌ಮೂವರ‍್ಸ್‌ನ ಮಾಲಕ, ಉದ್ಯಮಿ ಮೋಹನದಾಸ ರೈ ಕುಂಬ್ರ, ಕುಂಬ್ರ ನ್ಯೂ ಫ್ಯಾಮಿಲಿ ಕಾಂಪ್ಲೆಕ್ಸ್‌ನಲ್ಲಿ ಅಡಿಕೆ ವ್ಯಾಪಾರಸ್ಥ, ಉದ್ಯಮಿ ಡಿ.ಕೆ ಉಮ್ಮರ್ ಉಪಸ್ಥಿತರಿದ್ದರು.
ಕುಂಬ್ರ ಶಾಖಾ ಸಿಬ್ಬಂದಿ ಕಿಶೋರ್ ಕುಮಾರ್ ಸ್ವಾಗತಿಸಿ, ಕುಂಬ್ರ ಶಾಖಾ ವ್ಯವಸ್ಥಾಪಕರಾದ ವಿಶ್ವನಾಥ ಪಿ ವಂದಿಸಿದರು. ಸಿಬ್ಬಂದಿಗಳಾದ ರೋಹಿತ್, ಶುತಿ ಕುಮಾರಿ, ಅನಿಲ್ ರೈ ಸಹಕರಿಸಿದ್ದರು. ಎಲ್‌ಐಸಿ ವಿಮಾ ಮುಖ್ಯ ಸಲಹೆಗಾರ ನಾರಾಯಣ ಕುಕ್ಕುಪುಣಿ ಕಾರ್ಯಕ್ರಮ ನಿರೂಪಿಸಿದರು.
