ಪುತ್ತೂರು: ಶಾರದಾ ವಿದ್ಯಾಲಯ, ಮಂಗಳೂರು ಇವರು ಪ್ರತಿ ವರ್ಷವೂ “ಶಾರದಾ ಮಹೋತ್ಸವ”ವನ್ನು ವೈಭವದಿಂದ ಆಚರಿಸುವ ಹಿನ್ನೆಲೆಯಲ್ಲಿ, ದಕ್ಷಿಣ ಕನ್ನಡ ಹಾಗೂ ಉಡುಪಿ ಜಿಲ್ಲಾ ವ್ಯಾಪ್ತಿಯ ವಿದ್ಯಾರ್ಥಿಗಳಿಗೆ ಹಲವಾರು ಸಾಂಸ್ಕೃತಿಕ ಸ್ಪರ್ಧೆಗಳನ್ನು ಇದೇ ಆ.5ರಂದು ನೆರವೇರಿಸಲಾಗಿತ್ತು.
ತದಂಗವಾಗಿ, ನೆಹರುನಗರದ ವಿವೇಕಾನಂದ ಸೆಂಟ್ರಲ್ ಸ್ಕೂಲ್ ನ ಸುಮಾರು 30ಕ್ಕೂ ಅಧಿಕ ವಿದ್ಯಾರ್ಥಿಗಳು ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಿದ್ದು, ಏಕಪಾತ್ರಾಭಿನಯದಲ್ಲಿ 8ನೇ ತರಗತಿ ವಿದ್ಯಾರ್ಥಿನಿಗಳಾದ ಕು.ಆಪ್ತ ಚಂದ್ರಮತಿ ಮುಳಿಯ ಮತ್ತು ಕು.ಧನ್ಯಶ್ರೀ ಎಚ್. ಪಿ. ಅವರು ಕ್ರಮವಾಗಿ ಪ್ರಥಮ ಹಾಗೂ ದ್ವಿತೀಯ ಬಹುಮಾನಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ ಎಂದು ಶಾಲಾ ಪ್ರಕಟಣೆ ತಿಳಿಸಿದೆ.
