ರಾಮಕುಂಜ: ನಾಟಕ ತರಬೇತಿ ಉದ್ಘಾಟನೆ

ರಾಮಕುಂಜ: ಶ್ರೀರಾಮಕುಂಜೇಶ್ವರ ಕನ್ನಡ ಮಾಧ್ಯಮ ಪ್ರೌಢಶಾಲೆಯಲ್ಲಿ ವಿಶ್ವೇಶ ಸೇವಾ ಸಮಿತಿ ಶಿಬಿರದ ಪ್ರಯುಕ್ತ ನಾಟಕ ತರಬೇತಿಯ ಉದ್ಘಾಟನಾ ಕಾರ್ಯಕ್ರಮ ಜರುಗಿತು.
ದ.ಕ.ಜಿ.ಪಂ.ಹಿ.ಪ್ರಾ.ಶಾಲೆ ದೇರಾಜೆ ಇಲ್ಲಿನ ಮುಖ್ಯಗುರು ಜಯಪ್ರಕಾಶ್ ರೈಯವರು ಉದ್ಘಾಟಿಸಿ ಶುಭಹಾರೈಸಿದರು.

ಸಾಮಾಜಿಕ ಧುರೀಣ ರಘುರಾಮ ನಾಯಕ್ ಕೋಡಿಂಬಾಳ, ರಂಗಭೂಮಿ ತರಬೇತುದಾರ ಮೌನೇಶ್ ವಿಶ್ವಕರ್ಮ ಉಪಸ್ಥಿತರಿದ್ದರು. ಸಂಸ್ಥೆಯ ರಕ್ಷಕ-ಶಿಕ್ಷಕ ಸಂಘದ ಅಧ್ಯಕ್ಷ ಮಾಧವ ಭಟ್ ಅಧ್ಯಕ್ಷತೆ ವಹಿಸಿದ್ದರು. ಕಾರ್ಯಕ್ರಮದಲ್ಲಿ ಅತಿಥಿಗಳನ್ನು ಸಂಸ್ಥೆಯ ವತಿಯಿಂದ ಗೌರವಿಸಲಾಯಿತು. ಶಾಲಾ ಮುಖ್ಯಗುರು ಸತೀಶ್ ಭಟ್ ಸ್ವಾಗತಿಸಿದರು. ಶಿಕ್ಷಕ ಪ್ರವೀಣ್ ಕುಮಾರ್ ವಂದಿಸಿದರು. ಶಿಕ್ಷಕಿ ಮೋಕ್ಷ ಕಾರ್ಯಕ್ರಮ ನಿರೂಪಿಸಿದರು. ವಿದ್ಯಾರ್ಥಿಗಳಾದ ಜೀವಿತಾ ಮತ್ತು ಪೂಜಶ್ರೀ ಪ್ರಾರ್ಥಿಸಿದರು. ಶಾಲೆಯಲ್ಲಿ 2 ದಿನದ ನಾಟಕ ತರಬೇತಿ ನಡೆಯಿತು.