ಪುತ್ತೂರು: ರೋಟರಿ ಜಿಲ್ಲೆ 3181ರ ಸಾರ್ವಜನಿಕ ಚಿತ್ರಣ ಉಪಕ್ರಮ, ಮತದಾನ ಸಾಕ್ಷರತೆ ಮತ್ತು ರಸ್ತೆ ಸುರಕ್ಷತೆಯನ್ನು ಉತ್ತೇಜಿಸುವ ರ‍್ಯಾಲಿಯನ್ನು ರೋಟರಿ ಡಿಜಿಇ ವಿಕ್ರಮ್ ದತ್ತಾ ಉದ್ಘಾಟಿಸಿದರು. ಮತದಾನ ಜಾಗೃತಿ ಕರಪತ್ರಗಳನ್ನು ಪಿಡಿಜಿ ರಂಗನಾಥ ಭಟ್ ಬಿಡುಗಡೆಗೊಳಿಸಿದರು, ಸುರಕ್ಷಿತ ಚಾಲನಾ ಅಭ್ಯಾಸಗಳ ಕರಪತ್ರಗಳನ್ನು ಐಪಿಡಿಜಿ ಪ್ರಕಾಶ್ ಕಾರಂತ್ ಬಿಡುಗಡೆ ಮಾಡಿದರು, ರಸ್ತೆ ಸುರಕ್ಷತೆಯ ಸ್ಟಿಕ್ಕರ್‌ಗಳನ್ನು ಸಹ ತರಬೇತುದಾರ ಶೇಖರ್ ಶೆಟ್ಟಿ ಬಿಡುಗಡೆ ಮಾಡಿದರು. ಕಾರ್ಯಕ್ರಮದಲ್ಲಿ ಪುತ್ತೂರು ತಾ.ಪಂ ಕಾರ್ಯನಿರ್ವಾಹಕ ಅಧಿಕಾರಿ ಹನಮ ರೆಡ್ಡಿರವರು ಮೌನೇಶ್ ವಿಶ್ವಕರ್ಮ ತಂಡದ ಬೀದಿ ನಾಟಕ ಉದ್ಘಾಟಿಸಿದರು. ಕಾರ್ಯಕ್ರಮಕ್ಕೆ ಹಿಂದಿನ, ಪ್ರಸ್ತುತ ಮತ್ತು ಭವಿಷ್ಯದ ಅಸಿಸ್ಟೆಂಟ್ ಗವರ್ನರ್, ವಲಯ ಸೇನಾನಿ, ಅಧ್ಯಕ್ಷರು, ಜಿಲ್ಲಾ ಕಾರ್ಯದರ್ಶಿಗಳು ಮತ್ತು ಇನ್ನರ್‌ವೀಲ್, ರೋಟರ್ಯಾಕ್ಟ್, ಇಂಟರ್ಯಾಕ್ಟ್, ಪ್ರಾಂಶುಪಾಲರು, ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳು ಕಾರ್ಯಕ್ರಮಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಉಪಸ್ಥಿತರಿದ್ದರು.
