ಕಾಣಿಯೂರು: ಶ್ರೀ ಕಟೀಲು ಪ್ರತಿಷ್ಠಾನ(ರಿ) ಇದರ ವತಿಯಿಂದ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಕಟೀಲಿನ ಸರಸ್ವತಿ ಸದನದಲ್ಲಿ ನಡೆದ ಅಂತರ್ ಜಿಲ್ಲಾ ಮಟ್ಟದ ಭಜನಾ ಸ್ಪರ್ಧೆಯಲ್ಲಿ ಸಾಕ್ಷಾತ್ ಶಿವ ಭಜನಾ ಮಂಡಳಿ ಚಾರ್ವಾಕ ತಂಡವು ತೃತೀಯ ಸ್ಥಾನದೊಂದಿಗೆ 8000 ರೂಪಾಯಿ ನಗದು ಮತ್ತು ಪ್ರಶಸ್ತಿ ಫಲಕವನ್ನು ಪಡೆಯಿತು. ಉಡುಪಿ ಪೇಜಾವರ ಮಠದ ಶ್ರೀ ಶ್ರೀ ಶ್ರೀ ವಿಶ್ವಪ್ರಸನ್ನ ಸ್ವಾಮೀಜಿಯವರು ಬಹುಮಾನ ವಿತರಣೆ ಮಾಡಿದರು.
ಈ ಸಂದರ್ಭದಲ್ಲಿ ಉಪ್ಪಳದ ಕೊಂಡೆವೂರು ಮಠಾಧೀಶರು, ಮೂಡುಬಿದಿರೆ ಶಾಸಕರಾದ ಉಮಾನಾಥ ಕೋಟ್ಯಾನ್, ಮಾಜಿ ಸಚಿವರಾದ ಅಭಯಚಂದ್ರ ಜೈನ್, ಕರ್ನಾಟಕ ಸರ್ಕಾರದ ಮಾಜಿ ಅಡ್ವೊಕೇಟ್ ಜನರಲ್ ಅಶೋಕ್, ಹಾರನಹಳ್ಳಿ ಕಟೀಲು ದೇವಳದ ತಂತ್ರಿಗಳು ಅನುವಂಶಿಕ ಮೊಕ್ತೇಸರರಾದ ಅನಂತ ಪದ್ಮನಾಭ ಆಸ್ರಣ್ಣ ಮೊದಲಾದವರು ಉಪಸ್ಥಿತರಿದ್ದರು. ಈ ಭಜನಾ ತಂಡದಲ್ಲಿ ಸಾಕ್ಷಾತ್ ವೈ ಜೆ ವೀಕ್ಷ ಚಿತ್ತಾರ ಶಿವನ್ ಪ್ರತೊಶ್ ಕೆ ಎಲ್ ಮತ್ತು ತಬಲಾವಾದಕರಾಗಿ ಶಿವಜಿತ್ ವೈ ಜೆ ಭಾಗವಹಿಸಿದ್ದರು. ಜಿಲ್ಲಾ ಪ್ರಶಸ್ತಿ ಪುರಸ್ಕೃತ ಸವಣೂರು ಕ್ಲಸ್ಟರ್ ಸಿ ಆರ್ ಪಿ ಜಯಂತ್ ವೈ ತರಬೇತಿ ನೀಡಿದ್ದರು.
