ಪ್ರತಿಭಾ ಕಾರಂಜಿ: ಇಂಡಿಯನ್ ಸ್ಕೂಲ್‌ಗೆ ಹಲವು ಬಹುಮಾನ

ಉಪ್ಪಿನಂಗಡಿ: ಇಲ್ಲಿನ ಸೈಂಟ್ ಮೇರಿಸ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ನಡೆದ ಉಪ್ಪಿನಂಗಡಿ ವಲಯ ಮಟ್ಟದ ಪ್ರತಿಭಾ ಕಾರಂಜಿ ಸ್ಪರ್ಧೆಯಲ್ಲಿ ಉಪ್ಪಿನಂಗಡಿಯ ಇಂಡಿಯನ್ ಸ್ಕೂಲ್‌ನ ವಿದ್ಯಾರ್ಥಿಗಳು ಹಲವು ಬಹುಮಾನಗಳನ್ನು ಪಡೆದುಕೊಂಡಿದ್ದಾರೆ.

ಇಲ್ಲಿನ ಫಾತಿಮಾ ಸಾರಾ ಶಾಜಿಯಾ (4ನೇ ತರಗತಿ) ಅಭಿನಯಗೀತೆ ಪ್ರಥಮ ಮತ್ತು ದೇಶಭಕ್ತಿಗೀತೆ ದ್ವಿತೀಯ, ಫಾತಿಮತ್ ಸೈಬಾ (6ನೇ ತರಗತಿ) ಅಭಿನಯಗೀತೆ ಪ್ರಥಮ, ಫಾತಿಮತ್ ಸುಹಾ (7ನೇ ತರಗತಿ) ಕಥೆ ಹೆಳುವ ಸ್ಪರ್ಧೆ ಪ್ರಥಮ, ಮಹಮ್ಮದ್ ಅಜ್ಮಲ್ ಅರಾಫತ್ (10ನೇ ತರಗತಿ) ಗಝಲ್ ಪ್ರಥಮ , ಬಿ.ಮಹಮ್ಮದ್ ಸಲೀತ್ (10ನೇ ತರಗತಿ) ಧಾರ್ಮಿಕ ಪಠಣ ಪ್ರಥಮ, ಆಯಿಷಾ ಸಿಮ್ರಾ (4ನೇ ತರಗತಿ) ಕಥೆ ಹೆಳುವ ಸ್ಪರ್ಧೆ ದ್ವಿತೀಯ, ನಜುಮುನ್ನಿಶಾ (4ನೇ ತರಗತಿ) ಧಾರ್ಮಿಕ ಪಠಣ ದ್ವಿತೀಯ, ನಫೀಸಾ ಸನ (6ನೇ ತರಗತಿ) ಹಿಂದಿ ಕಂಠಪಾಠ ತೃತೀಯ, ರಫಾ ಫಾತಿಮಾ ಯು. (7ನೇ ತರಗತಿ) ಧಾರ್ಮಿಕ ಪಠಣ ದ್ವಿತೀಯ, ಮರಿಯಮ್ ಸಫಾ (10ನೇ ತರಗತಿ) ಪ್ರಬಂಧ ದ್ವಿತೀಯ, ಝೈನಬತ್ ರಾಶಿದಾ (4ನೇ ತರಗತಿ) ಕ್ಲೇಮಾಡೆಲಿಂಗ್ ದ್ವಿತೀಯ, ಕೆ.ಮೊಹ್ಮದ್ ಸಾಬಿತ್ (4ನೇ ತರಗತಿ) ಆಶುಭಾಷಣ ತೃತೀಯ ಸ್ಥಾನವನ್ನು ಪಡೆದುಕೊಂಡಿರುತ್ತಾರೆ. ಇವರಲ್ಲಿ ಫಾತಿಮಾ ಸಾರಾ ಶಾಜಿಯಾ, ಫಾತಿಮತ್ ಸೈಬಾ, ಫಾತಿಮತ್ ಸುಹಾ, ಮಹಮ್ಮದ್ ಅಜ್ಮಲ್ ಅರಾಫತ್, ಬಿ.ಮಹಮ್ಮದ್ ಸಲೀತ್, ಮರಿಯಮ್ ಸಫಾ ತಾಲೂಕು ಮಟ್ಟದ ಪ್ರತಿಭಾ ಕಾರಂಜಿ ಸ್ಪರ್ಧೆಗೆ ಆಯ್ಕೆಯಾಗಿರುತ್ತಾರೆ. ಇವರಿಗೆ ಶಿಕ್ಷಕಿಯರಾದ ಅನ್ನಪೂರ್ಣ ಮತ್ತು ಪುಷ್ಪಾವತಿಯವರು ತರಬೇತಿಯನ್ನು ನೀಡಿರುತ್ತಾರೆ ಎಂದು ಶಾಲೆಯ ಪ್ರಕಟಣೆ ತಿಳಿಸಿದೆ.