ಕಾಣಿಯೂರು: ದೀಪಾ ಸೌಂಡ್ಸ್ , ಲೈಟ್ಸ್ ಮತ್ತು ಡೆಕೋರೇಶನ್ ಪುಣ್ಚತ್ತಾರು, ಕಾಣಿಯೂರು ಇದರ ಮಾಲಕರಾದ ದಿನೇಶ್ ಪೈಕ ಅವರು ಕಾಣಿಯೂರು ಶ್ರೀ ಮಠಕ್ಕೆ ಕೊಡುಗೆಯಾಗಿ ನೀಡಿದ ಧ್ವನಿವರ್ಧಕ ಸೆಟ್ ನ್ನು ಕಾಣಿಯೂರು ಶ್ರೀ ಮಠದ ಶ್ರೀ ವಿದ್ಯಾವಲ್ಲಭ ತೀರ್ಥ ಸ್ವಾಮೀಜಿಯವರಿಗೆ ಹಸ್ತಾಂತರಿಸಿದರು.
ಈ ಸಂದರ್ಭದಲ್ಲಿ ಕಾಣಿಯೂರು ಮಠದ ವ್ಯವಸ್ಥಾಪಕರಾದ ಶ್ರೀನಿಧಿ ಆಚಾರ್ಯ,ಅರ್ಚಕರಾದ ಬಾಲಕೃಷ್ಣ ಅಸ್ರಣ್ಣ, ಅಜಿತ್ ಆಚಾರ್ಯ, ಕಾಣಿಯೂರು ಶ್ರೀ ಭಜನಾ ಮಂಡಳಿ ಪದಾಧಿಕಾರಿಗಳು, ಹರ್ಷಿತ್ ಅನಿಲ ಮತ್ತು ಹರ್ಷನ್ ಕಂಪ ಉಪಸ್ಥಿತರಿದ್ದರು. ಕಳೆದ 9 ವರ್ಷಗಳಿಂದ ಉತ್ತಮ ಗುಣಮಟ್ಟದ ಧ್ವನಿ ಬೆಳಕಿನ ವ್ಯವಸ್ಥೆಯನ್ನು ನೀಡುತ್ತಾ ಬಂದಿರುವ ದಿನೇಶ್ ಪೈಕ ಅವರು ಹಲವು ಧಾರ್ಮಿಕ ಕೇಂದ್ರಗಳಿಗೆ ಉಚಿತವಾಗಿ ಸೇವೆಯನ್ನು ನೀಡುತ್ತಾ ಬಂದಿದ್ದಾರೆ.
