ಪುತ್ತೂರು: ಕುಂಬ್ರ ಬಿಎಮ್‌ಎಸ್ ಕಟ್ಟಡ ಕಾರ್ಮಿಕ ಸಂಘದ ಸದಸ್ಯರಿಗೆ ತರಬೇತಿ ಕಾರ್ಯಕ್ರಮ ನ.19ರಂದು ಕುಂಬ್ರ ಅಕ್ಷಯ ಆರ್ಕೇಡ್‌ನಲ್ಲಿ ನಡೆಯಿತು. ಎ.ಸಿ.ಸಿ.ಪಿ.ಎಲ್ ಟ್ರೈನಿಂಗ್ ಡಿವಿಜನ್ ಪ್ರೈವೇಟ್ ಲಿಮಿಟೆಡ್ ಬೆಂಗಳೂರು ಹಾಗೂ ಕಾರ್ಮಿಕ ಇಲಾಖೆ ಇದರ ವತಿಯಿಂದ ನಡೆದ ಆರ್‌ಪಿಎಲ್ ತರಬೇತಿ ಕಾರ್ಯಕ್ರಮದಲ್ಲಿ 92 ಕಾರ್ಮಿಕರು ತರಬೇತಿ ಪಡೆದುಕೊಂಡರು. ಬಿಎಮ್‌ಎಸ್ ಕಟ್ಟಡ ಕಾರ್ಮಿಕರ ಸಂಘದ ರಾಜ್ಯ ಉಪಾಧ್ಯಕ್ಷರೂ, ಕುಂಬ್ರ ವಲಯದ ಅಧ್ಯಕ್ಷರು ಆಗಿರುವ ಪುರಂದರ ಶೆಟ್ಟಿ ಮುಡಾಲರವರು ಮಾತನಾಡಿ, ಪ್ರತಿಯೊಬ್ಬರು ಸೂಕ್ತವಾದ ತರಬೇತಿಗಳನ್ನು ಪಡೆದುಕೊಂಡು ಕೆಲಸ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳುವಂತೆ ತಿಳಿಸಿ ಶುಭ ಹಾರೈಸಿದರು. ಖಾದರ್ ಭಾಷಾ, ವಿಜಾಜ್ ಮತ್ತು ಸಮೀರ್‌ರವರುಗಳು ತರಬೇತಿ ನೀಡಿದರು. ಸಂಘಟನಾ ಕಾರ್ಯದರ್ಶಿ ಜಯಂತ ಪೂಜಾರಿ ಸ್ವಾಗತಿಸಿ, ಪ್ರಧಾನ ಕಾರ್ಯದರ್ಶಿ ದಿವಾಕರ ಆಚಾರ್ಯ ವಂದಿಸಿದರು. ಈಶ್ವರಮಂಗಲ ವಲಯದ ದಯಾನಂದ ಗೌಡ, ಕೇಶವ ನಾಯ್ಕ, ಪಾಣಾಜೆ ವಲಯದ ದಿವಾಕರ ಉಪಸ್ಥಿತರಿದ್ದರು.
