ಪುತ್ತೂರು: ಸೀನಿಯರ್ ಚೇಂಬರ್ ಇಂಟರ್ನ್ಯಾಷನಲ್ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ಲಿಜನಿಗೆ ರಾಷ್ಟ್ರ ಅಧ್ಯಕ್ಷ ಚಿತ್ರ ಕುಮಾರ್ ನ.19ರಂದು ಅಧಿಕೃತ ಭೇಟಿ ನೀಡಿದರು.
ಚಿತ್ರ ಕುಮಾರ್ ಅವರನ್ನು ಸುಬ್ರಹ್ಮಣ್ಯ ಸೀನಿಯರ್ ಚೇಂಬರ್ ನ ಅಧ್ಯಕ್ಷ ಡಾ.ರವಿಕಕ್ಕೆ ಪದವು ಸ್ಥಾಪಕ ಅಧ್ಯಕ್ಷ ವಿಶ್ವನಾಥ ನಡುತೋಟ ,ಸದಸ್ಯರುಗಳಾದ ಗೋಪಾಲ ಎಣ್ಣೆ ಮಜಲ್, ಅಶೋಕ್ ಕುಮಾರ್ ಮೂಲೆ ಮಜಲು ,ಪ್ರಭಾಕರ ಪಟ್ರೆ, ಮೋಹನದಾಸ್ ರೈ ,ಮಣಿಕಂಠ, ನಾಗೇಶ್ ನೆಕ್ರಾಜ ಸ್ವಾಗತಿಸಿದರು.
ಆಟೋ ಚಾಲಕ ಮಾಲಕ ಸಂಘದ ಮಾಜಿ ಅಧ್ಯಕ್ಷ ದಿ.ಪುಟ್ಟಣ್ಣ ವಾಲಗದಕೇರಿ ಅವರ ಕುಟುಂಬಕ್ಕೆ ನೂತನವಾಗಿ ನಿರ್ಮಿಸಿಕೊಟ್ಟ ಮನೆಯನ್ನ ಹಸ್ತಾಂತರಿಸಲಾಯಿತು. ಈ ಸಂದರ್ಭದಲ್ಲಿ ದಿ.ಪುಟ್ಟಣ್ಣ ಅವರ ಪತ್ನಿ ಹೇಮಾವತಿ ಹಾಗೂ ಮಕ್ಕಳು, ಕುಕ್ಕೆ ಶ್ರೀ ಆಟೋ ಚಾಲಕ ಮಾಲಕ ಸಂಘದ ಅಧ್ಯಕ್ಷರು ಹಾಗೂ ಸದಸ್ಯರುಗಳು, ಕುಟುಂಬಸ್ಥರು ಉಪಸ್ಥಿತರಿದ್ದರು. ಆಟೋ ಚಾಲಕ ಮಾಲಕ ಸಂಘದ ಗೌರವಾಧ್ಯಕ್ಷ ಉಮೇಶ ಕೆ ಎನ್ ಅವರು ದಿವಂಗತ .ಪುಟ್ಟಣ್ಣ ಅವರ ಕುಟುಂಬಕ್ಕೆ ರೂ.10000ನ್ನು ಹಸ್ತಾಂತರಿಸಿದರು.
ಕುಮಾರಸ್ವಾಮಿ ವಿದ್ಯಾಲಯದಲ್ಲಿ ಸಭಾ ಕಾರ್ಯಕ್ರಮ ನಡೆಯಿತು.ಸಾಧಕರಾದ ಈಶ್ವರ ಗೌಡ ಕಲ್ಪನೆ, ಕುಶಾಲಪ್ಪ ಗೌಡ ನೂಚೀಲ, ನಾಗೇಶ್ ನೆಕ್ರಾಜ, ಕಡಬ ಶ್ರೀನಿವಾಸ ರೈ ಸನ್ಮಾನಿಸಲಾಯಿತು. ಮೀನಾಕ್ಷಿ ನಡುಗಲ್ಲು ಅವರ ಕುಟುಂಬಕ್ಕೆ ಮನೆ ನಿರ್ಮಿಸಲು ನಿವೇಶನ ಪತ್ರವನ್ನು ನೀಡಲಾಯಿತು.
ವೇದಿಕೆಯಲ್ಲಿ ರಾಷ್ಟ್ರ ಅಧ್ಯಕ್ಷ ಚಿತ್ರ ಕುಮಾರ್ ,ರಾಷ್ಟ್ರ ಉಪಾಧ್ಯಕ್ಷ ಕಿಶೋರ್ ಪೆರ್ನಾಂಡಿಸ್ ,ರಾಷ್ಟ್ರ ಅಧ್ಯಕ್ಷರ ಕಾರ್ಯದರ್ಶಿ ಸುಕುಮಾರ್, ಕುಮಾರಸ್ವಾಮಿ ಶಾಲಾ ಸಂಚಾಲಕ ಚಂದ್ರಶೇಖರ ನಾಯರ್, ಸುಬ್ರಹ್ಮಣ್ಯ ಸೀನಿಯರ್ ಚೇಂಬರ್ ಸ್ಥಾಪಕ ಅಧ್ಯಕ್ಷ ವಿಶ್ವನಾಥ ನಡು ತೋಟ ,ಪ್ರಭಾರ ಕಾರ್ಯದರ್ಶಿ ಅಶೋಕ ಕುಮಾರ ಮೂಲೆ ಮಜಲು ಉಪಸ್ಥಿತರಿದ್ದರು. ಸುಬ್ರಹ್ಮಣ್ಯ ಸೀನಿಯರ್ ಚೇಂಬರ್ ಅಧ್ಯಕ್ಷ ಡಾ.ರವಿ ಕಕ್ಕೆ ಪದವು ಸ್ವಾಗತಿಸಿ, ಗೋಪಾಲ ಎಣ್ಣೆ ಮಜಲ್ ನಿರೂಪಿಸಿ ,ವಂದಿಸಿದರು.
