ಉಪ್ಪಿನಂಗಡಿ: ಗೃಹ ರಕ್ಷಕದಳದ ಪ್ರಭಾರ ಘಟಕಾಧಿಕಾರಿಯಾಗಿ ಸುಖಿತಾ ಎ. ಶೆಟ್ಟಿಯವರನ್ನು ನೇಮಿಸಿ ಗೃಹ ರಕ್ಷಕದಳದ ಜಿಲ್ಲಾ ಸಮಾದೇಷ್ಟರಾದ ಡಾ. ಮುರಳಿ ಮೋಹನ್ ಚೂಂತಾರು ಅವರು ಆದೇಶ ಪತ್ರ ಹಸ್ತಾಂತರ ಮಾಡಿದರು.
ಸುಖಿತಾ ಶೆಟ್ಟಿಯವರು ಘಟಕಾಧಿಕಾರಿ ತರಬೇತಿ, ಪ್ರಥಮ ಚಿಕಿತ್ಸೆ ತರಬೇತಿ, ನಿಸ್ತಂತು ತರಬೇತಿಯನ್ನು ಕೇಂದ್ರ ಗೃಹ ರಕ್ಷಕ ತರಬೇತಿ ಅಕಾಡಮಿ ಬೆಂಗಳೂರು ಹಾಗೂ ಮೂಲ ತರಬೇತಿಯನ್ನು ಮಂಗಳೂರಿನಲ್ಲಿ ಪೂರೈಸಿದ್ದಾರೆ.
ಗೃಹ ರಕ್ಷಕದಳದ ಸಮಾದೇಷ್ಠರು ಉಪ್ಪಿನಂಗಡಿಯ ಘಟಕಕ್ಕೆ ಆಗಮಿಸಿ ಆದೇಶ ಪತ್ರ ಹಸ್ತಾಂತರ ಮಾಡುವ ಸಂದರ್ಭದಲ್ಲಿ ಜಿಲ್ಲಾ ಗೃಹ ರಕ್ಷಕದಳದ ಸಿಬ್ಬಂದಿ ಚಂದ್ರಶೇಖರ, ಸಂಜಯ್ ಶೆಣೈ, ಉಪ್ಪಿನಂಗಡಿ ಘಟಕದ ಸೆಕ್ಷನ್ ಲೀಡರ್ ದಿನೇಶ್ ಬಿ., ಗೃಹರಕ್ಷಕ ಆರೀಸ್ ಉಪಸ್ಥಿತರಿದ್ದರು.
