ಉಪ್ಪಿನಂಗಡಿ: ಇತ್ತೀಚೆಗೆ ನಿಧನರಾದ ಗಿರಿಯಪ್ಪ ಆಚಾರ್ಯ ಅವರಿಗೆ ಇಲ್ಲಿನ ಶ್ರೀ ಗುರು ಸುಧೀಂದ್ರ ಕಲಾ ಮಂದಿರದಲ್ಲಿ ನುಡಿನಮನ ಕಾರ್ಯಕ್ರಮ ನಡೆಯಿತು.
ನುಡಿನಮನ ಸಲ್ಲಿಸಿದ ನಾಗೇಶ್ ಮಾಸ್ಟರ್ ನೇಂಜ ಮತ್ತು ಗೋಪಾಲ ಶೆಟ್ಟಿ ಕಳೆಂಜ, ಪ್ರಗತಿ ಪರ ಕೃಷಿಕರಾಗಿದ್ದ ಗಿರಿಯಪ್ಪ ಆಚಾರ್ಯ ಅವರು ಭತ್ತ ಮತ್ತು ತೆಂಗಿನ ಕೃಷಿಯಲ್ಲಿ ಮಾದರಿ ಕೃಷಿಕರಾಗಿದ್ದರು. ಕೃಷಿಯೊಂದಿಗೆ ಜೀವನ ನಿರ್ವಹಣೆಗೆ ಕಬ್ಬಿಣದ ಕೆಲಸವನ್ನು ಮಾಡುತ್ತಿದ್ದ ಇವರು ಗದ್ದೆ ನಾಟಿಗಾಗಿ ಕಬ್ಬಿಣದ ನೇಗಿಲನ್ನು ಪ್ರಥಮ ಬಾರಿಗೆ ಪರಿಚರಿಯಸಿದವರು. ಇನ್ನೊಬ್ಬರ ನೋವನ್ನು ಬಯಸದೇ ಸದಾ ಎಲ್ಲರೊಂದಿಗೆ ಸಂತಸದಿಂದ ಬೆರೆಯುತ್ತಿದ್ದರು ಎಂದರು.
ಕಾರ್ಯಕ್ರಮದಲ್ಲಿ ಮಕ್ಕಳಾದ ರುದ್ರಯ್ಯ ಆಚಾರ್ಯ, ರಾಘವ ಆಚಾರ್ಯ, ಸುಂದರ ಆಚಾರ್ಯ, ಮೀನಾಕ್ಷಿ ಬಲ್ಲಮಂಜ ಉಪಸ್ಥಿತರಿದ್ದರು. ಹರೀಶ ಆಚಾರ್ಯ ಬಾರ್ಯ ಕಾರ್ಯಕ್ರಮ ನಿರ್ವಹಿಸಿದರು.
