ಆಲಂಕಾರು: ಪೆರಾಬೆ ಗ್ರಾಮದ ಪರಾರಿಗುತ್ತು ದೈವಂಕುಲು ಕೊಡಮಣಿತ್ತಾಯ, ಮೈಸಂದಾಯ ಸಪರಿವಾರ ದೈವಸ್ಥಾನದಲ್ಲಿ ಡಿ.27,ಡಿ 28 ರಂದು ಧಾರ್ಮಿಕ ಕಾರ್ಯಕ್ರಮ ಹಾಗು ನೇಮೋತ್ಸವ ನಡೆಯಲಿದೆ.
ಬ್ರಹ್ಮಶ್ರೀ ವೇದಮೂರ್ತಿ ತಂತ್ರಿ ಕೆಮ್ಮಿಂಜೆ ಸುಬ್ರಹ್ಮಣ್ಯ ಬಳ್ಳಕ್ಕುರಾಯ ರವರ ನೇತೃತ್ವದಲ್ಲಿ ಡಿ.27ರಂದು ಬೆಳಿಗ್ಗೆ ನಾಗತಂಬಿಲ,ದೈವಂಕುಲು, ಮೈಸಂದಾಯ ,ಕೊಡಮಣಿತ್ತಾಯ ದೈವಗಳಿಗೆ ಕಲಶ ಪರ್ವ ಶಿರಾಡಿ ಪರಿವಾರ ದೈವಗಳಿಗೆ ತಂಬಿಲ ಮದ್ಯಾಹ್ನ ಅನ್ನಸಂತರ್ಪಣೆ ನಡೆಯಲಿದೆ.
ಡಿ. 28 ರಂದು ಶನಿವಾರ ಬೆಳಿಗ್ಗೆ ಗಣಹೋಮ,ಹರಿಸೇವೆ,ಶ್ರೀ ಸತ್ಯನಾರಾಯಣ ಪೂಜೆ, ಮಧ್ಯಾಹ್ನ ಅನ್ನಸಂತರ್ಪಣೆ ನಡೆದು ಸಂಜೆ ಕುಟುಂಬ ದೈವಗಳ ಭಂಡಾರ ತೆಗೆದು ನೇಮೋತ್ಸವ ನಡೆಯಲಿದೆ.ಆ ಪ್ರಯುಕ್ತ ತಾವೆಲ್ಲರೂ ಅಗಮಿಸಿ ದೇವರ ಹಾಗೂ ದೈವದ ಗಂಧ ಪ್ರಸಾದ ಸ್ವೀಕರಿಸುವಂತೆ ಪರಾರಿಗುತ್ತು ಯಜಮಾನ ಜನಾರ್ಧನ ರೈ.ಬಿ
ಮತ್ತು ಕುಟುಂಬಸ್ಥರು, ವ್ಯವಸ್ಥಾಪಕರಾದ ಸುನಂದ ರೈ ಮತ್ತು ಮಕ್ಕಳು,ಶ್ರೀಮತಿ ಮತ್ತು ಶ್ರೀ ಕೆ.ಸದಾಶಿವ ರೈ ಮತ್ತು ಮಕ್ಕಳು ಪರಾರಿಗುತ್ತು ರವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
