ಪುತ್ತೂರು: ದ.ಕ.ಜಿ.ಪಂ.,ಪಶುಪಾಲನಾ ಮತ್ತು ಪಶು ವೈದ್ಯಕೀಯ ಸೇವಾ ಇಲಾಖೆ ,ಪಶು ಆಸ್ಪತ್ರೆ ಕಡಬ ಇದರ ವತಿಯಿಂದ ಕಡಬ ಪಶು ಆಸ್ಪತ್ರೆಯ ರೈತರ ತರಬೇತಿ ಕೇಂದ್ರದಲ್ಲಿ ರೈತರಿಗೆ ತರಬೇತಿ ಕಾರ್ಯಕ್ರಮದ ಉದ್ಘಾಟನೆ ಜ.28ರಂದು ನಡೆಯಿತು. ತರಬೇತಿ ಕಾರ್ಯಾಗಾರವನ್ನು ಕೃಷಿಕ ಧರ್ಮಪಾಲ ಗೌಡ ಅವರು ಉದ್ಘಾಟಿಸಿದರು.
ತರಬೇತಿ ಕಾರ್ಯಗಾರದಲ್ಲಿ ಸಂಪನ್ಮೂಲ ವ್ಯಕ್ತಿಗಳಾಗಿ ,ಕೊಯಿಲ ಪಶುವೈದ್ಯ ಕೇಂದ್ರದ ಹಂದಿ ಸಂವರ್ಧನಾ ಕೇಂದ್ರದ ಡಾ.ಪುನೀತ್ ಅವರು ಹಂದಿ ಸಾಕಾಣಿಕೆ ಕುರಿತು, ಡಾ.ಚೇತನ್ ಅವರು ಕೋಳಿ ಸಾಕಾಣಿಕೆ ಕುರಿತು, ಕಲ್ಲುಗುಡ್ಡೆ ಪಶುವೈದ್ಯ ಕೇಂದ್ರದ ಡಾ.ಮಲ್ಲಿಕಾ ಅವರು ಜಾನುವಾರು ಕೊಟ್ಟಿಗೆಗಳ ನಿರ್ಮಾಣ ಹಾಗೂ ನಿರ್ವಹಣೆ ಕುರಿತು ತರಬೇತಿ ನೀಡಿದರು.
ಕಡಬ ಪಶು ಆಸ್ಪತ್ರೆಯ ಮುಖ್ಯ ಪಶು ವೈದ್ಯಾಧಿಕಾರಿ ಡಾ.ಅಜಿತ್ ಅವರು ಸ್ವಾಗತಿಸಿ, ಸರಕಾರದ ವಿವಿಧ ಯೋಜನೆಗಳ ಮಾಹಿತಿ ಮತ್ತು ಯೋಜನೆ ಪಡೆಯಲು ಬೇಕಾದ ಅರ್ಹತೆ ಕುರಿತು ಮಾಹಿತಿ ನೀಡಿದರು.
ತರಬೇತಿಯಲ್ಲಿ ಕಡಬ ತಾಲೂಕಿನ ವಿವಿಧ ಗ್ರಾಮಗಳ ಹೈನುಗಾರರು,ಪಶು ಸಖಿಗಳು ಭಾಗವಹಿಸಿದರು. ತರಬೇತಿಯಲ್ಲಿ ಭಾಗವಹಿಸಿದವರಿಗೆ ಪ್ರಮಾಣ ಪತ್ರ ವಿತರಿಸಲಾಯಿತು.
