ಒಳಮೊಗ್ರು ಕುಕ್ಕುಮುಗೇರು ಉಳ್ಳಾಕುಲು ನೇಮೋತ್ಸವಕ್ಕೆ ಹೊರೆಕಾಣಿಕೆ ಸಮರ್ಪಣೆ

ಪುತ್ತೂರು: ಒಳಮೊಗ್ರು ಗ್ರಾಮದ ಶ್ರೀ ಕುಕ್ಕುಮುಗೇರು ಉಳ್ಳಾಕುಲು ದೈವಸ್ಥಾನದ ಶ್ರೀ ಕುಕ್ಕುಮುಗೇರು ಉಳ್ಳಾಕುಲು ಪರಿವಾರ ದೈವಗಳ ನೇಮೋತ್ಸವವು ಬೊಳ್ಳಾಡಿ ರಾಜಮಾಡದಲ್ಲಿ ಜ.29 ರಿಂದ ಆರಂಭಗೊಂಡು ಫೆ.3 ರವರೇಗೆ ನಡೆಯಲಿದ್ದು, ಇದರ ಅಂಗವಾಗಿ ಜ.29 ರಂದು ಬೆಳಿಗ್ಗೆ ಮುಗೇರು ಕದಿಕೆ ಚಾವಡಿಯಲ್ಲಿ ಉದಯ ನಾರಾಯಣರವರ ಪೌರೋಹಿತ್ಯದಲ್ಲಿ ಮತ್ತು ಕೈಕಾರ ಕಿನ್ನಿಮಾಣಿ ದೈವಸ್ಥಾನದಲ್ಲಿ ದಿನೇಶ್ ಮಡಂಬಡಿತ್ತಾಯರವರು ಪೌರೋಹಿತ್ಯದಲ್ಲಿ ಗಣಪತಿ ಹೋಮ, ಶುದ್ಧ ಕಲಶ ಮತ್ತು ತಂಬಿಲ ಸೇವೆ ನಡೆದು ಮುಗೇರು ಕದಿಕೆ ಚಾವಡಿಯಲ್ಲಿ ಕದಿಕೆ ತುಂಬಿಸುವ ಕಾರ್ಯಕ್ರಮ ನಡೆಯಿತು. ರಾತ್ರಿ ದೈವಗಳ ಕೀರ್ವಾಳು ಭಂಡಾರ ಏರಿಸುವ ಕಾರ್ಯಕ್ರಮ ರಾಜಮಾಡದಲ್ಲಿ ನಡೆಯಿತು.

ಅದ್ಧೂರಿ ಹೊರೆಕಾಣಿಕೆ ಸಮರ್ಪಣೆ
ಬೆಳಿಗ್ಗೆ 8.30 ಕ್ಕೆ ಮುಗೇರು ಕದಿಕೆ ಚಾವಡಿ ಕದಿಕೆ ತುಂಬಿಸಲು ಹೊರೆಕಾಣಿಕೆ ಸಮರ್ಪಣೆ ಕಾರ್ಯಕ್ರಮ ನಡೆಯಿತು. ದರ್ಬೆತ್ತಡ್ಕ ಶಾಲಾ ಬಳಿ ಹೊರೆ ಕಾಣಿಕೆ ಮೆರವಣಿಗೆಯ ಉದ್ಘಾಟನೆ ನಡೆಯಿತು. ದೈವಸ್ಥಾನದ ಆಡಳಿತ ಮೊಕ್ತೇಸರ ಎ.ಜಿ ವಿಜಯ ಕುಮಾರ್ ರೈ ಮುಗೇರುರವರು ತೆಂಗಿನ ಕಾಯಿ ಒಡೆದು, ಆರತಿ ಮಾಡಿ ಹೊರೆಕಾಣಿಕೆ ಮೆರವಣಿಗೆಯನ್ನು ಉದ್ಘಾಟಿಸಿದರು. ಒಳಮೊಗ್ರು ಗ್ರಾಪಂ ಅಧ್ಯಕ್ಷೆ ತ್ರಿವೇಣಿ ಪಲ್ಲತ್ತಾರುರವರು ಆರತಿ ಮಾಡುವ ಮೂಲಕ ಮೆರವಣಿಗೆಗೆ ಚಾಲನೆ ನೀಡಿದರು.

ಹೊರೆಕಾಣಿಕೆ ಮೆರವಣಿಗೆ ಹಾಗೂ ಕದಿಕೆ ತುಂಬಿಸುವ ಕಾರ್ಯಕ್ರಮದಲ್ಲಿ ದೈವಸ್ಥಾನದ ಆಡಳಿತ ಮೊಕ್ತೇಸರರುಗಳಾದ ಎ. ಚಿಕ್ಕಪ್ಪ ನಾಯ್ಕ್ ಅರಿಯಡ್ಕ, ಎ.ಜಿ.ವಿಜಯ ಕುಮಾರ್ ರೈ ಮುಗೇರು, ನಿತ್ಯಾನಂದ ರೈ ಕೈಕಾರ, ಒಳಮೊಗ್ರು ಗ್ರಾಪಂ ಅಧ್ಯಕ್ಷೆ ತ್ರಿವೇಣಿ ಪಲ್ಲತ್ತಾರು, ಸದಸ್ಯರಾದ ವಿನೋದ್ ಶೆಟ್ಟಿ ಮುಡಾಲ ಮತ್ತು ಶೀನಪ್ಪ ನಾಯ್ಕ ಮುಡಾಲ, ಶಾರದಾ, ಚಿತ್ರಾ, ಪ್ರದೀಪ್ ಸೇರ್ತಾಜೆ, ನ್ಯಾಯವಾದಿ ಕುಂಬ್ರ ದುರ್ಗಾಪ್ರಸಾದ್ ರೈ, ರಕ್ಷಿತ್ ರೈ ಮುಗೇರು, ಪ್ರಕಾಶ್ಚಂದ್ರ ರೈ ಕೈಕಾರ, ಮೋಹನದಾಸ ರೈ ಕುಂಬ್ರ, ರಾಜೇಶ್ ರೈ ಪರ್ಪುಂಜ, ರತನ್ ರೈ ಕುಂಬ್ರ, ಅರುಣ್ ರೈ ಬಿಜಳ, ಕರುಣಾ ರೈ ಬಿಜಳ, ರಾಧಾಕೃಷ್ಣ ರೈ ಆಲಂಗೂರು, ದಾಮೋದರ ಗೌಡ ಬೊಳ್ಳಾಡಿ, ವಿಶ್ವನಾಥ ರೈ ಟೈಲರ್, ವಿಶ್ವನಾಥ ಗೌಡ ಬೊಳ್ಳಾಡಿ,ಪ್ರವೀಣ್ ಪಲ್ಲತ್ತಾರು, ಹರೀಶ್ ರೈ ಮುಗೇರು, ವೆಂಕಪ್ಪ ಗೌಡ ಬೊಳ್ಳಾಡಿ, ಶ್ರೀನಿವಾಸ ರೈ, ಗಣೇಶ್ ಕೋಡಿಬೈಲು, ಅಶ್ವಿನ್ ಪಿದಪಟ್ಲ, ನಿತಿನ್ ಶೆಟ್ಟಿ, ಜಗದೀಶ್ ಗೌಡ, ಕಿಶನ್ ಗೌಡ, ಪ್ರವೀಣ್ ಶೆಟ್ಟಿ ತಿಂಗಳಾಡಿ, ಎಸ್.ಮಾಧವ ರೈ ಕುಂಬ್ರ, ರಾಮಯ್ಯ ಗೌಡ ಬೊಳ್ಳಾಡಿ, ಉದಯ ಮಡಿವಾಳ, ಸೋಮಯ್ಯ ಆಚಾರ್ಯ, ಗಣೇಶ್, ಬಾಬು ರೈ ಕೋಡಿಬೈಲ್,ಮೋಹನ್ ಗೌಡ ಬೊಳ್ಳಾಡಿ, ಶ್ರೀನಿವಾಸ ರೈ ಕುಂಬ್ರ, ಸೀತಾರಾಮ ಶೆಟ್ಟಿ ಮುಡಾಲ, ಬಾಬು ಪೂಜಾರಿ ಬಡಕ್ಕೋಡಿ, ಮೇಘರಾಜ್ ಮುಡಾಲ, ಅನಿತ್ ಪೂಜಾರಿ ಮುಡಾಲ, ಉಷಾ ನಾರಾಯಣ್, ಸುಷ್ಮಾ, ವಾರಿಜಾಕ್ಷಿ ಶೆಟ್ಟಿ, ಭವಾನಿ ಬಿ.ಆರ್, ವೀಣಾ ಆರ್ ರೈ, ವಿಶ್ವನಾಥ ಮೂಲ್ಯ, ಉದ್ಭವ್ ಅಜಲಡ್ಕ, ಶ್ರೀನಿವಾಸ ನಾಯ್ಕ ಮುಡಾಲ, ಸಂಕಪ್ಪ ಆಳ್ವ ಕಲ್ಲಡ್ಕ, ವೀರಪ್ಪ ಮೂಲ್ಯ ಬೈರಮೂಲೆ, ಹರಿಪ್ರಸಾದ್ ಬೊಳ್ಳಾಡಿ, ರವೀಂದ್ರ ಬಿಜತ್ರೆ, ಜಗನ್ನಾಥ ಪೂಜಾರಿ ಮುಡಾಲ, ಶಿವರಾಮ ಗೌಡ ಬೊಳ್ಳಾಡಿ, ರಾಜಶೇಖರ ಶೆಟ್ಟಿ ಮುಡಾಲ, ಪುರಂದರ ಶೆಟ್ಟಿ ಮುಡಾಲ, ಸೋಮಪ್ಪ ಪೂಜಾರಿ, ಚಂದ್ರಶೇಖರ ರೈ ಕಲ್ಲಡ್ಕ, ದಿವಾಕರ ಪೂಜಾರಿ ಪಲ್ಲತ್ತಾರು, ವಿಜಯಲಕ್ಷ್ಮೀ ವಿ.ರೈ ಮುಗೇರು, ಗಿರೀಶ್ ನಾಯ್ಕ ಮುಡಾಲ, ಸಂಕಪ್ಪ ರೈ ಕಲ್ಲಡ್ಕ, ಬಾಬು ಪ್ರಸಾದ್, ರಮೇಶ್ ಪೂಜಾರಿ, ವೆಂಕಪ್ಪ ಪೂಜಾರಿ ದರ್ಬೆತ್ತಡ್ಕ, ಸಂದೇಶ್ ಪೂಜಾರಿ ಬೊಳ್ಳಾಡಿ, ರವೀಂದ್ರ ಮಣಿಯಾಣಿ ದರ್ಬೆತ್ತಡ್ಕ, ಶಿವಪ್ಪ ಮುಡಾಲಮೂಲೆ,ಬಾಳಪ್ಪ ನಾಯ್ಕ ಮುಡಾಲಮೂಲೆ, ನಾರಾಯಣ ನಾಯ್ಕ ದರ್ಬೆತ್ತಡ್ಕ ಸೇರಿದಂತೆ ನೂರಾರು ಭಕ್ತಾಧಿಗಳು ಉಪಸ್ಥಿತರಿದ್ದರು.‌

ಹೊರೆಕಾಣಿಕೆ ಮೆರವಣಿಗೆಯು ದರ್ಬೆತ್ತಡ್ಕ ಶಾಲೆ, ನೀರ್ಪಾಡಿ, ಅಜಲಡ್ಕ ವಿಠಲ ಪೂಜಾರಿ ಅಂಗಡಿ, ಉಪ್ಪಳಿಗೆ, ಗುಮ್ಮಟೆಗದ್ದೆ, ಸಾಹೇಬರ ಅಂಗಡಿ ಹತ್ತಿರ, ಶ್ರೀ ದೇವಿ ಭಜನಾ ಮಂದಿರ ಮುಂಡೋವುಮೂಲೆ, ಅಜ್ಜಿಕಲ್ಲು, ಬೈರೋಡಿ, ಕಾಪಿಕಾಡು, ತೊಟ್ಲ, ಕೈಕಾರ ಹಾಲಿನ ಸೊಸೈಟಿ, ಕೈಕಾರ ಜುಮಾದಿ ದೈವಸ್ಥಾನದ ಹತ್ತಿರ, ರಾಜ್ ಕಾಂಪ್ಲೆಕ್ಸ್ ಪರ್ಪುಂಜ, ಸದಾಶಿವ ಭಜನಾ ಮಂದಿ, ಕೊಲತ್ತಡ್ಕ ಶಿವಕೃಪಾ, ಕುಂಬ್ರ ಶ್ರೀ ರಾಮ ಭಜನಾ ಮಂದಿರ, ಶೇಖಮಲೆ ಹಾಗೂ ಮುಡಾಲ ಮರಾಟಿ ಮಂದಿರ ಇಲ್ಲಿಂದ ಹೊರಟು ಮುಗೇರು ಕದಿಕೆ ಚಾವಡಿಗೆ ಬಂದು ಸೇರಿತು. ನೂರಾರು ಭಕ್ತರು ಹೊರೆಕಾಣಿಕೆ ಮೆರವಣಿಗೆಯಲ್ಲಿ ಪಾಲ್ಗೊಂಡು ಶ್ರೀ ದೈವಗಳ ಕೃಪೆಗೆ ಪಾತ್ರರಾದರು.

ನಾಳೆ(ಜ.30) ರಾಜಮಾಡದಲ್ಲಿ ನೇಮೋತ್ಸವ ಸಂಭ್ರಮ
ಜ.30 ರಂದು ಬೆಳಿಗ್ಗೆ ಶ್ರೀ ಕಿನ್ನಿಮಾಣಿ ದೈವದ ನೇಮ, ಗಂಧಪ್ರಸಾದ ವಿತರಣೆ ನಡೆದು ಮಧ್ಯಾಹ್ನ ಸಾರ್ವಜನಿಕ ಅನ್ನಸಂತರ್ಪಣೆ ಬಳಿಕ ಶ್ರೀ ಪೂಮಾಣಿ ದೈವದ ನೇಮ, ಗಂಧ ಪ್ರಸಾದ ವಿತರಣೆ ನಡೆಯಲಿದೆ. ರಾತ್ರಿ ಸಾರ್ವಜನಿಕ ಅನ್ನಸಂತರ್ಪಣೆ ನಡೆದು ಸುಡುಮದ್ದು ಸೇವೆ ನಡೆಯಲಿದೆ. ಬಳಿಕ ಶ್ರೀ ಮಲರಾಯ ದೈವದ ನೇಮ, ಗಂಧ ಪ್ರಸಾದ ವಿತರಣೆ, ವರ್ಣರ ಪಂಜುರ್ಲಿ ದೈವದ ನೇಮ, ಗಂಧ ಪ್ರಸಾದ ವಿತರಣೆ ನಡೆಯಲಿದೆ. ಭಕ್ತಾಧಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುವಂತೆ ಕ್ಷೇತ್ರದ ಪ್ರಕಟಣೆ ತಿಳಿಸಿದೆ.

ನೂತನ ಕುದುರೆ ಬಂಡಿ ಹಾಗೂ ಪಲ್ಲಕ್ಕಿಯ ಪುರ ಪ್ರವೇಶ, ವೈಭವದ ಮೆರವಣಿಗೆ
ಕುಕ್ಕುಮುಗೇರು ಶ್ರೀ ಉಳ್ಳಾಕುಲು ದೈವಗಳಿಗೆ ಅರ್ಪಣೆಯಾಗಲಿರುವ ನೂತನ ಕುದುರೆ ಬಂಡಿ ಹಾಗೂ ಪಲ್ಲಕ್ಕಿಯ ಪುರಪ್ರವೇಶ ಹಾಗೂ ವೈಭವದ ಮೆರವಣಿಗೆ ನಡೆಯಿತು. ಸುಮಾರು 7 ಲಕ್ಷಕ್ಕಿಂತಲೂ ಹೆಚ್ಚು ವೆಚ್ಚದಲ್ಲಿ ಈ ಕುದುರೆ ಬಂಡಿ ಹಾಗೂ ಪಲ್ಲಕ್ಕಿ ನಿರ್ಮಾಣವಾಗಿದೆ. ಕೇರಳ ಮಾಗಾಂಡ್‌ನ ಶಿಲ್ಪಿ ಮೋಹನ್ ಮತ್ತು ಮುಳ್ಳೇರಿಯದ ಶಿಲ್ಪಿ ಅನಿಲ್‌ರವರು ಇದನ್ನು ಕೆತ್ತನೆಯ ಮೂಲಕ ನಿರ್ಮಾಣ ಮಾಡಿದ್ದಾರೆ. ಮೆರವಣಿಗೆಯು ಕೈಕಾರ ಶ್ರೀ ಕಿನ್ನಿಮಾಣಿ ದೈವಸ್ಥಾನದಿಂದ ಹೊರಟು ಮಿನಿಪದವು, ಸಂಟ್ಯಾರು, ಪರ್ಪುಂಜ, ಒಳಮೊಗ್ರು ಗ್ರಾಮ ಪಂಚಾಯತ್, ಕುಂಬ್ರ ಜಂಕ್ಷನ್, ಬೊಳ್ಳಾಡಿ, ಶೇಖಮಲೆ, ಮುಡಾಲ ರಾಜ ರಸ್ತೆಯಲ್ಲಿ ಸಾಗಿ ಮುಗೇರು ಕದಿಕೆ ಚಾವಡಿ ತಲುಪಿ ಅಲ್ಲಿಂದ ಮಾತೆಯರ ಪೂರ್ಣಕುಂಭ ಸ್ವಾಗತದೊಂದಿಗೆ ರಾಜಮಾಡಕ್ಕೆ ತಲುಪಿತು. ಮೆರವಣಿಗೆಯಲ್ಲಿ ನಾರಾಯಣ್ ದರ್ಬೆತ್ತಡ್ಕ ತಂಡದವರ ಮಾರ್ನೆಮಿ ವೇಷ, ಕೇರಳದ ಚೆಂಡೆ, ಗೊಂಬೆ ವಿಶೇಷ ಆಕರ್ಷಣೆಯಾಗಿತ್ತು. ಅಲ್ಲಲ್ಲಿ ಪಾನೀಯ, ಸಿಹಿ ತಿಂಡಿಯ ವ್ಯವಸ್ಥೆ ಮಾಡಲಾಗಿತ್ತು.

ಅದ್ಧೂರಿ ಸ್ವಾಗತ
ನೂತನ ಕುದುರೆ ಬಂಡಿ ಹಾಗೂ ಪಲ್ಲಕ್ಕಿ ಮೆರವಣಿಗೆಗೆ ಅಲ್ಲಲ್ಲಿ ಅದ್ಧೂರಿ ಸ್ವಾಗತ ನೀಡಲಾಯಿತು. ವಿಶೇಷವಾಗಿ ಹಿಂದೂ, ಮುಸ್ಲೀಂ ಸೇರಿದಂತೆ ಪ್ರತಿಯೊಬ್ಬರು ರಸ್ತೆ ಬದಿಯಲ್ಲಿ ನಿಂತು ಮಾಲಾರ್ಪಣೆ ಮಾಡುವ ಮೂಲಕ ಸ್ವಾಗತಿಸಿದರು. ಒಳಮೊಗ್ರು ಗ್ರಾ.ಪಂ ಬಳಿ ಗ್ರಾ.ಪಂ ಅಧ್ಯಕ್ಷೆ ತ್ರಿವೇಣಿ ಪಲ್ಲತ್ತಾರು ಮಾಲಾರ್ಪಣೆ ಮಾಡಿದರು ಅಲ್ಲದೆ ನಾರಿಯರು ಸೇರಿಕೊಂಡು ಆರತಿ ಬೆಳಗಿಸಿ ಪುಷ್ಪಾರ್ಚನೆ ಸಲ್ಲಿಸಿದರು. ಈ ಸಂದರ್ಭದಲ್ಲಿ ಗ್ರಾ.ಪಂ ಉಪಾಧ್ಯಕ್ಷ ಅಶ್ರಫ್ ಉಜಿರೋಡಿ, ಪಂಚಾಯತ್ ಅಭಿವೃದ್ದಿ ಅಧಿಕಾರಿ ಮನ್ಮಥ ಅಜಿರಂಗಳ, ಕಾರ್ಯದರ್ಶಿ ಜಯಂತಿ, ಸದಸ್ಯರುಗಳಾದ ವಿನೋದ್ ಶೆಟ್ಟಿ ಮುಡಾಲ, ಮಹೇಶ್ ರೈ ಕೇರಿ, ರೇಖಾ ಯತೀಶ್, ಸುಂದರಿ, ವರ್ತಕರ ಸಂಘದ ನಿಕಟಪೂರ್ವ ಅಧ್ಯಕ್ಷ ರಫೀಕ್ ಅಲ್‌ರಾಯ, ಮಹಮ್ಮದ್ ಬೊಳ್ಳಾಡಿ, ಸಂಜೀವಿನಿ ಒಕ್ಕೂಟದ ಎಂಬಿಕೆ ಚಂದ್ರಿಕಾ ಸೇರಿದಂತೆ ಗ್ರಾಪಂ ಸಿಬ್ಬಂದಿ ವರ್ಗದವರು ಸಾರ್ವಜನಿಕರು ಉಪಸ್ಥಿತರಿದ್ದರು.