ಪುತ್ತೂರು: ಸರ್ವೆ ಗ್ರಾಮದ ಕಲ್ಲಮ ಶ್ರೀ ಗುರು ರಾಘವೇಂದ್ರ ಸ್ವಾಮಿ ಮಠದಲ್ಲಿ 37ನೇ ವಾರ್ಷಿಕೋತ್ಸವ ಹಾಗೂ ರಥೋತ್ಸವ ಫೆ.2ರಂದು ನಡೆಯಲಿದೆ.
ವಿವಿಧ ತಂಡಗಳಿಂದ ಅರ್ಧ ಏಕಾಹ ಭಜನೆ, ಪ್ರಾತಃ ಕಾಲದಿಂದ ಪ್ರಧಾನ ಹವನ ಪಂಚಾಮೃತ ಮತ್ತು ಕಲಶಾಭಿಷೇಕ, ಮಹಾಪೂಜೆ, ಅನ್ನಸಂತರ್ಪಣೆ ನಡೆಯಲಿದ್ದು, ಸಂಜೆ ಗಂಟೆ 5-೦೦ರಿಂದ ಶ್ರೀರಾಮ ಕಲ್ಲೂರಾಯ ಪ್ರಾಯೋಜಕತ್ವದಲ್ಲಿ, ಭಾಸ್ಕರ ಬಾರ್ಯ ನಿರ್ದೇಶನದಲ್ಲಿ ಶ್ರೀ ಆಂಜನೇಯ ಮಹಿಳಾ ಯಕ್ಷಗಾನ ಸಂಘ ಪುತ್ತೂರು ಇವರಿಂದ ಭೀಷ್ಮ ಪ್ರತಿಜ್ಞೆ(ತಾಳ ಮದ್ದಳೆ) ನಡೆಯಲಿದೆ.
ರಾತ್ರಿ ಗಂಟೆ 8-00ರಿಂದ ರಂಗಪೂಜೆ, ಉತ್ಸವ, ರಥೋತ್ಸವ, ವಸಂತ ಕಟ್ಟೆಪೂಜೆ, ಅಷ್ಟಾವಧಾನ, ತೊಟ್ಟಿಲು ಪೂಜೆ, ಅನ್ನಸಂತರ್ಪಣೆ ಎಂದು ಕಲ್ಲಮ ಶ್ರೀ ಗುರು ರಾಘವೇಂದ್ರ ಸ್ವಾಮಿ ಮಠದ ವ್ಯವಸ್ಥಾಪಕರಾದ ಡಾ.ಸೀತರಾಮ ಭಟ್ ಕಲ್ಲಮ ತಿಳಿಸಿದ್ದಾರೆ.
