ಪುತ್ತೂರು: ರಾಜ್ಯದ 262 ಸರಕಾರಿ ಪ್ರಾಥಮಿಕ ಶಾಲೆಗಳಲ್ಲಿ ಪೂರ್ವ ಪ್ರಾಥಮಿಕ ಶಾಲೆಗಳನ್ನು ತೆರೆಯಲು ಸರಕಾರ ಆದೇಶ ನೀಡಿದ್ದು ಇದರಂತೆ ದಕ್ಷಿಣ ಕನ್ನಡ ಜಿಲ್ಲೆಯ 10 ಪೂರ್ವ ಪ್ರಾಥಮಿಕ ಶಾಲೆಗಳಲ್ಲಿ ಎಲ್‌ಕೆಜಿ ವಿಭಾಗ ತೆರೆಯಲು ಅನುಮತಿ ನೀಡಿದೆ.
ಇದರಲ್ಲಿ ಪುತ್ತೂರು ತಾಲೂಕಿನ ಇರ್ದೆ ಹಿರಿಯ ಪ್ರಾಥಮಿಕ ಶಾಲೆ ಮತ್ತು ನೆಟ್ಟಣಿಗೆ ಮುಡ್ನೂರು ಹಿರಿಯ ಪ್ರಾಥಮಿಕ ಶಾಲೆ ಒಳಗೊಂಡಿದೆ. 2023-24ನೇ ಶೈಕ್ಷಣಿಕ ವರ್ಷದ ಸಾಲಿನಲ್ಲೇ ಪೂರ್ವ ಪ್ರಾಥಮಿಕ ಶಾಲೆ ಆರಂಭಿಸುವ ನಿಟ್ಟಿನಲ್ಲಿ ಎಲ್ಲಾ ರೀತಿಯ ಅಗತ್ಯ ಸಿದ್ಧತೆ ಕೈಗೊಂಡು ಆಗಸ್ಟ್‌ನಿಂದಲೇ ಆರಂಭಿಸುವಂತೆ ಸರಕಾರ ಸೂಚನೆ ನೀಡಿದೆ. ದ.ಕ. ಜಿಲ್ಲಾ ವ್ಯಾಪ್ತಿಯ ಬಂಟ್ವಾಳ ಬ್ಲಾಕ್‌ನ ಸ. ಹಿ. ಪ್ರಾ. ಶಾಲೆ ಸುರಿಬೈಲು(ಆರ್‌ಎಂಎಸ್ ಉನ್ನತೀಕರಿಸಿದ), ಸ. ಹಿ. ಪ್ರಾ. ಶಾಲೆ ನರಿಕೊಂಬು, ಬೆಳ್ತಂಗಡಿ ಬ್ಲಾಕ್‌ನ ದ.ಕ. ಜಿಲ್ಲಾಪಂ. ಸ. ಹಿ. ಪ್ರಾ. ಶಾಲೆ ಅಂಡಿಂಜೆ, ದ.ಕ. ಜಿಲ್ಲಾ ಪಂ. ಸ. ಹಿ. ಪ್ರಾ. ಶಾಲೆ ಗುರುವಾಯನಕೆರೆ, ಮಂಗಳೂರು ಉತ್ತರ ಬ್ಲಾಕ್‌ನ ದ.ಕ. ಜಿ. ಪಂ. ಸ ಹಿ.ಪ್ರಾ. ಶಾಲೆ ಕೆಂಜಾರು, ಮಂಗಳೂರು ದಕ್ಷಿಣ ಬ್ಲಾಕ್‌ನ ದ.ಕ. ಜಿ. ಪಂ. ಸ. ಹಿ. ಪ್ರಾ. ಶಾಲೆ ನ್ಯೂ ಪಡ್ಪು, ಮೂಡುಬಿದಿರೆ ಬ್ಲಾಕ್‌ನ ದ.ಕ. ಜಿ. ಪಂ. ಸ ಹಿ, ಪ್ರಾ, ಶಾಲೆ ನೀರ್‌ಕೆರೆ, ಪುತ್ತೂರು ಬ್ಲಾಕ್‌ನ ದ.ಕ. ಜಿ. ಪಂ. ಸ. ಹಿ. ಪ್ರಾ. ಶಾಲೆ ಇರ್ದೆ, ದ.ಕ. ಜಿ. ಪಂ. ಸ. ಹಿ. ಪ್ರಾ. ಶಾಲೆ ನೆಟ್ಟಣಿಗೆಮುಡ್ನೂರು, ಸುಳ್ಯ ಬ್ಲಾಕ್‌ನ ದ.ಕ. ಜಿ. ಪಂ. ಸ. ಹಿ. ಪ್ರಾ. ಶಾಲೆ ದೇವಚಳ್ಳ ಶಾಲೆಗಳಲ್ಲಿ ಎಲ್‌ಕೆಜಿ ವಿಭಾಗ ಆರಂಭಗೊಳ್ಳಲಿದೆ.
