ನೆಲ್ಯಾಡಿ: ಜೇಸಿಐ ವಲಯ 15ರ ವಲಯ ಸಮ್ಮೇಳನ ಕಾಪು ಪ್ಯಾಲೇಸ್ ಗಾರ್ಡನ್ ರೆಸಾರ್ಟ್‌ನಲ್ಲಿ ಅ.26 ಮತ್ತು ಅ.27ರಂದು ನಡೆಯಿತು.
ಜೇಸಿ ಅಧ್ಯಕ್ಷೆ ಸುಚಿತ್ರ.ಜೆ ಬಂಟ್ರಿಯಾಲ್ ಅವರ ಅಧಿಕಾರ ಅವಧಿಯಲ್ಲಿ ಘಟಕದಲ್ಲಿ ನಡೆಸಿದ ಕ್ರೀಡಾ ತರಬೇತಿ, ಕಮ್ಯುನಿಟಿ ಡೆವಲಪ್ ಮೆಂಟ್, ರಕ್ತದಾನ ಶಿಬಿರ, ಬೇಸಿಗೆ ಶಿಬಿರ, ಸ್ವಚ್ಛತಾ ಅಭಿಯಾನ, ಶಾಲಾ ಕಾಲೇಜುಗಳಲ್ಲಿ ತರಬೇತಿ, ಉಚಿತ ಆರೋಗ್ಯ ತಪಾಸಣೆ ಶಿಬಿರ ಮುಂತಾದ ಹತ್ತು ಹಲವು ಕಾರ್ಯಕ್ರಮಗಳನ್ನು ನಡೆಸಿದ್ದು. ಇದಕ್ಕಾಗಿ ವಲಯ್ಯಾಧ್ಯಕ್ಷರಿಂದ ಮನ್ನಣೆ ಹಾಗೂ ಏಳು ದಿನಗಳ ಕಾಲ ನಡೆದ ಜೇಸಿ ಸಪ್ತಾಹಕ್ಕೆ ರಾಷ್ಟ್ರಾಧ್ಯಕ್ಷರಿಂದ ಎರಡು ಚಿನ್ನದ ಪದಕ ಪಡೆದಿದ್ದಾರೆ.
ವಲಯ 15ರ ವಲಯ ಅಧ್ಯಕ್ಷ ಅಡ್ವೋಕೇಟ್ ಗಿರೀಶ್.ಎಸ್.ಪಿ ಹಾಗೂ ರಾಷ್ಟ್ರೀಯ ಪ್ರಶಸ್ತಿಯನ್ನು ರಾಷ್ಟ್ರೀಯ ಕಾರ್ಯಕ್ರಮ ನಿರ್ದೇಶಕಿ ಸ್ವಾತಿ ಜಗನ್ನಾಥ ಅವರು ವಲಯ ಸಮ್ಮೇಳನದಲ್ಲಿ ಪ್ರಶಸ್ತಿಯನ್ನು ನೀಡಿ ಗೌರವಿಸಿದರು.
ನೆಲ್ಯಾಡಿ ಜೇಸಿಐಯ ಪೂರ್ವ ಅಧ್ಯಕ್ಷರುಗಳಾದ ಪುರಂದರ ಗೌಡ ಡೆಂಜ, ಜಯಂತಿ.ಬಿ.ಎಂ., ಜಯಾನಂದ ಬಂಟ್ರಿಯಾಲ್. ವಲಯಾಧಿಕಾರಿ ದಯಕರ್.ರೈ ಕಾರ್ಯದರ್ಶಿ ಜಾಹ್ನವಿ ಪುರಂದರ, ಕೋಶಾಧಿಕಾರಿ ಸುಪ್ರಿತಾ ರವಿಚಂದ್ರ, ಜೆಜೇಸಿ ಅಧ್ಯಕ್ಷೆ ವೈಷ್ಣವಿ. ಮಹಿಳಾ ಜೇಸಿ ಸಂಯೋಜಕಿ ರೇಷ್ಮಾ ದಯಕರ್.ರೈ, ಜೇಸಿ ವಿನ್ಯಾಸ್ ಬಂಟ್ರಿಯಾಲ್ ಉಪಸ್ಥಿತರಿದ್ದರು.
