ರಾಮಕುಂಜ: ಕರ್ನಾಟಕ ರಾಜ್ಯ ಡಾ| ಗಂಗೂಬಾಯಿ ಹಾನಗಲ್ ಮ್ಯೂಸಿಕ್ ಮತ್ತು ಪರ್ಫಾಮಿಂಗ್ ಆರ್ಟ್ಸ್ ಯೂನಿವರ್ಸಿಟಿ ಸ್ಪೆಷಲ್ ಎಕ್ಸಾಮ್ ಬೋರ್ಡ್ ಮೇ ತಿಂಗಳಿನಲ್ಲಿ ನಡೆಸಿದ 2024-25ನೇ ಸಾಲಿನ ಜೂನಿಯರ್ ವಿಭಾಗದ ಸಂಗೀತ ಪರೀಕ್ಷೆಯಲ್ಲಿ ಮೊಗ್ರು ಗ್ರಾಮದ ಪ್ರಜ್ವಲ್ ಪಿ.ಎನ್. ವಿಶಿಷ್ಟಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ.
ಈತ ಉಪ್ಪಿನಂಗಡಿಯ ಗಾನಭಾರತಿ ಸಂಗೀತ ಶಾಲೆಯಲ್ಲಿ ವಿದೂಷಿ ಸ್ವರ್ಣ ಎನ್. ಭಟ್ ಇವರಿಂದ ಸಂಗೀತ ವ್ಯಾಸಾಂಗ ಮಾಡುತ್ತಿದ್ದಾರೆ. ಶ್ರೀ ರಾಮಕುಂಜೇಶ್ವರ ಆಂಗ್ಲ ಮಾಧ್ಯಮ ಶಾಲೆಯ 10ನೇ ತರಗತಿ ವಿದ್ಯಾರ್ಥಿಯಾಗಿರುವ ಈತ ಬೆಳ್ತಂಗಡಿ ತಾಲೂಕಿನ ಮೊಗ್ರು ಗ್ರಾಮದ ನಾಮಾರ್ ನಿವಾಸಿ ಪುರಂದರ ಎನ್. ಗೌಡ ಮತ್ತು ಶೋಭಾ ಪಿ.ಎನ್. ದಂಪತಿಯ ಪುತ್ರ.
