ಪುತ್ತೂರು: ಗ್ರಾಮೀಣಾಭಿವೃದ್ಧಿ ಮಂತ್ರಾಲಯ ಭಾರತ ಸರ್ಕಾರ ದೀನ್ ದಯಾಳ್ ಅಂತ್ಯೋದಯ ಯೋಜನೆ ರಾಷ್ಟ್ರೀಯ ಗ್ರಾಮೀಣ ಜೀವನೋಪಾಯ ಅಭಿಯಾನ, ಕೌಶಲ್ಯಾಭಿವೃದ್ಧಿ ಉದ್ಯಮಶೀಲತೆ ಮತ್ತು ಜೀವನೋಪಾಯ ಇಲಾಖೆ ಸಂಜೀವಿನಿ ಕೆ ಎಸ್ ಆರ್ ಎಲ್ ಪಿ ಎಸ್ ಅಡಿಯಲ್ಲಿ ಮಹಿಳಾ ಕಿಸಾನ್‌ ಸಶಕ್ತೀಕರಣ ಪರಿಯೋಜನೆ ಸಮಗ್ರ ಕೃಷಿ ಸಮೂಹದ ಜೀವನೋಪಾಯ ಸೇವಾ ಕೇಂದ್ರ ನರಿಮೊಗರು ಗ್ರಾಮ ಪಂಚಾಯತ್, ತಾಲೂಕು ಪಂಚಾಯತ್ ಪುತ್ತೂರು ಇವರ ಮೂಲಕ ಭಾರತೀಯ ಕೃಷಿ ಅನುಸಂಧಾನ ಪರಿಷತ್ತು-ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ ಬೆಂಗಳೂರು, ಐ.ಸಿ.ಎ.ಆರ್-ಕೃಷಿ ವಿಜ್ಞಾನ ಕೇಂದ್ರ ದಕ್ಷಿಣ ಕನ್ನಡ ಜಿಲ್ಲೆ ಸಹಭಾಗಿತ್ವದಲ್ಲಿ, ಅನುಷ್ಠಾನ ಸಂಸ್ಥೆ ಮತ್ತು ಸಹಕಾರವನ್ನು ಶ್ರೀ ದುರ್ಗಾ ಸಂಜೀವಿನಿ ಗ್ರಾಮ ಪಂಚಾಯತ್ ಮಟ್ಟದ ಒಕ್ಕೂಟ(ರಿ.) ಹಾಗೂ ಪುಡ್ ಚೈನ್ ಕ್ಯಾಂಪೇನ್ ಸ್ಥಾಪಕರು ಯತೀಶ್ ತುಕಾರಾಂ ಸಹಕಾರದಿಂದ ಸಮಗ್ರ ಕೃಷಿ ವಲಯದ ಗ್ರಾಮಗಳ ಪರಿಶಿಷ್ಟ ಜಾತಿಯ ರೈತರಿಗೆ ಹಣ್ಣಿನ ಗಿಡಗಳ ವಿತರಣೆ ಕಾರ್ಯಕ್ರಮ ನಡೆಯಿತು.
ಈ ಸಂದರ್ಭದಲ್ಲಿ ಟಿ.ಜೆ ರಮೇಶ್ ಹಿರಿಯ ವಿಜ್ಞಾನಿ ಹಾಗೂ ಮುಖ್ಯಸ್ಥರು ಕೆ.ವಿ.ಕೆ ಹಣ್ಣಿನ ಮಹತ್ವ ಹಾಗೂ ಕೃಷಿ ಮಾಡುವ ಬಗ್ಗೆ ತರಬೇತಿಯನ್ನು ನೀಡಿದರು. ಶಿವಪ್ರಕಾಶ್ ಹಿರಿಯ ತೋಟಗಾರಿಕಾ ಸಹಾಯಕ ನಿರ್ದೇಶಕರು ತೋಟಗಾರಿಕಾ ಇಲಾಖೆ ಪುತ್ತೂರು ಇವರು ತೋಟಗಾರಿಕಾ ಬೆಳೆಗಳು ಮತ್ತು ಸರ್ಕಾರದ ಯೋಜನೆಯ ಬಗ್ಗೆ ರೈತರಿಗೆ ತರಬೇತಿಯನ್ನು ಮಾಡಿದರು.
ಈ ಸಂದರ್ಭದಲ್ಲಿ ಜಗತ್ ಕೆ ತಾಲೂಕು ಕಾರ್ಯಕ್ರಮ ವ್ಯವಸ್ಥಾಪಕರು ಡೇ-ಎನ್ ಆರ್ ಎಲ್ ಎಮ್ ಯೋಜನೆ ತಾಲೂಕು ಪಂಚಾಯತ್ ಪುತ್ತೂರು ಇವರು ಜೀವನೋಪಾಯ ಸೇವಾ ಕೇಂದ್ರದ ಮೂಲಕ ರೈತರಿಗೆ ಹಲವು ತರಬೇತಿ ಮಾಡುವುದು ಜೀವನೋಪಾಯ ಚಟುವಟಿಕೆಗಳ ಬಗ್ಗೆ ಮಾಹಿತಿಯನ್ನು ನೀಡಿದರು. ಉಮೇಶ್ ಉಪಾಧ್ಯಕ್ಷರು ನರಿಮೊಗರು ಗ್ರಾಮ ಪಂಚಾಯತ್ ಅಧ್ಯಕ್ಷತೆಯನ್ನು ವಹಿಸಿ ಎಲ್ಲಾ ಪರಿಶಿಷ್ಟ ಜಾತಿ ರೈತರುಗಳಿಗೆ ಸ್ಥಳೀಯವಾಗಿ ಕೃಷಿ ಮಾಡಿ ಉತ್ತಮ ಆದಾಯ ಗಳಿಸುವುದು ಹಾಗೂ ಮಾರುಕಟ್ಟೆ ಕಲ್ಪಿಸುವ ಬಗ್ಗೆ ಮಾತನಾಡಿದರು.
ಪೂರ್ಣಿಮಾ ಅಧ್ಯಕ್ಷರು,ಶ್ರೀ ದುರ್ಗಾ ಸಂಜೀವಿನಿ ಗ್ರಾಮ ಪಂಚಾಯತ್ ಮಟ್ಟದ ಒಕ್ಕೂಟ (ರಿ.) ಮೋಹನ್ ಕೆರುಟಗಿ ಬ್ಲಾಕ್ ಮ್ಯಾನೇಜರ್ ಕೃಷಿ ಚಟುವಟಿಕೆ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ನರಿಮೊಗರು, ಮುಂಡೂರು, ಕೊಳ್ತಿಗೆ, ಕೆದಂಬಾಡಿ, ಒಳಮೊಗ್ರು ಕೃಷಿ ಸಖಿಗಳ ಮೂಲಕ ಐ.ಎಫ್.ಸಿಗೆ ಒಳಗೊಂಡ 100 ರೈತರಿಗೆ ಮಾವು, ನೇರಳೆ, ಲಿಂಬೆ, ಹುಣಿಸೆ ಹಣ್ಣು, ಗಿಡಗಳನ್ನು ವಿತರಣೆ ಮಾಡಲಾಯಿತು. ಕಾರ್ಯಕ್ರಮದ ನಿರೂಪಣೆಯನ್ನು ಮುಖ್ಯ ಪುಸ್ತಕ ಬರಹಗಾರರಾದ ಅನುರಾಧಾ ಪ್ರಭು ನಿರ್ವಹಿಸಿದರು. ಕೃಷಿ ಸಖಿ ಭಾರತಿ ಪ್ರಾರ್ಥಿಸಿ, ವಂದಿಸಿದರು. ಸೌಮ್ಯ ಪಶು ಸಖಿ ಸಹಕರಿಸಿದರು.
