ಮಂಗಳೂರು:2023 ಹೊಸ ವರ್ಷದ ಆರಂಭದ ಹತ್ತು ದಿನಗಳ ಅವಧಿಯಲ್ಲಿ 7 ಎನ್‌ಡಿಪಿಎಸ್(ನಾರ್ಕೋಟಿಕ್ ಡ್ರಗ್ಸ್ ಮತ್ತು ಸೈಕೋಟ್ರೋಪಿಕ್ ಸಬ್ಸ್ಟೆನ್ಸಸ್)ಪ್ರಕರಣಗಳು ಪತ್ತೆಯಾಗಿದ್ದು, 1.90 ಲಕ್ಷ ಮೌಲ್ಯದ ಮಾದಕ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಸಂಬಂಧ 7 ಮಂದಿ ಆರೋಪಿಗಳನ್ನು ಬಂಧಿಸಲಾಗಿದೆ. 60 ಸಾವಿರ ರೂ. ಮೌಲ್ಯದ ಎಂಡಿಎಂಎ(ಮೀಥೈಲೆನೆಡಿಯಾಕ್ಸಿ ಮೆಥಾಂಫೆಟಮೈನ್),90 ಸಾವಿರ ರೂ.ಮೌಲ್ಯದ 4 ಕೆ.ಜಿ.ಗಾಂಜಾ,40 ಸಾವಿರ ರೂ. ಮೌಲ್ಯದ 8 ಗ್ರಾಮ್ ಮೆಥಾಂಫೆಟಮೈನ್ ವಶಪಡಿಸಿಕೊಳ್ಳಲಾಗಿದೆ.
59,59,280 ರೂ.ಮೌಲ್ಯದ ಮಾದಕ ವಸ್ತುಗಳ ವಶ: 2022ರಲ್ಲಿ ಒಟ್ಟು 398 ಎನ್‌ಡಿಪಿಎಸ್ ಪ್ರಕರಣಗಳು ದಾಖಲಾಗಿದ್ದು, 511 ಮಂದಿ ಆರೋಪಿಗಳನ್ನು ಬಂಽಸಲಾಗಿದೆ.ಅವರಿಂದ 59,59,280 ರೂ.ಮೌಲ್ಯದ ಮಾದಕ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ.19,50,160 ರೂ.ಮೌಲ್ಯದ 596 ಗ್ರಾಮ್ 010 ಎಂಎಲ್ ಎಂಡಿಎಂಎ (ಮೀಥೈಲೆನೆಡಿಯಾಕ್ಸಿ ಮೆಥಾಂ-ಫೆಟಮೈನ್), 7 ಸಾವಿರ ರೂ.ಮೌಲ್ಯದ 67 ಗ್ರಾಮ್ ಅಫೀಮ್, 37,68,120 ರೂ.ಮೌಲ್ಯದ 192 ಕೆ.ಜಿ. ಮತ್ತು 48 ಗ್ರಾಮ್ ಗಾಂಜಾ, 2,34,000 ರೂ. ಮೌಲ್ಯದ 57 ಗ್ರಾಮ್ ಮೆಥಾಂಫೆಟಮೈನ್ ಪತ್ತೆ ಹಚ್ಚಿ ವಶಕ್ಕೆ ಪಡೆಯಲಾಗಿದೆ ಎಂದು ಮಂಗಳೂರು ಪೊಲೀಸ್ ಕಮಿಷನರ್ ಎನ್.ಶಶಿಕುಮಾರ್ ಮಾಹಿತಿ ನೀಡಿದ್ದಾರೆ.
