ಪುತ್ತೂರು: ಸರಕಾರಿ ಪ್ರೌಢಶಾಲೆ ನೆಟ್ಟಣಿಗೆ ಮುಡ್ನೂರು ಇಲ್ಲಿ ಧ್ವಜಾರೋಹಣವನ್ನು ಶಾಲಾ ಅಭಿವೃದ್ಧಿ ಸಮಿತಿಯ ಕಾರ್ಯಾಧ್ಯಕ್ಷರಾದ ಶ್ರೀರಾಮ್ ಪಕ್ಕಳ ಕರ್ನೂರು ಗುತ್ತು ನೆರವೇರಿಸಿ ಮಾತನಾಡಿ ಭಾರತ ದೇಶದ ಸ್ವಾತಂತ್ರ್ಯಕ್ಕೆ ಹೋರಾಟ ಮಾಡಿ ಹುತಾತ್ಮರಾದ ದೇಶಭಕ್ತರ ಸಾಧನೆಯನ್ನು ನೆನಪಿಸಿದರು.
ನಮ್ಮ ದೇಶವನ್ನು ರಕ್ಷಣೆ ಮಾಡುವ ವೀರ ಯೋಧರ ಬಲಿದಾನವನ್ನು ಸ್ಮರಿಸಿದರು. ನಾವೆಲ್ಲ ನಮ್ಮ ದೇಶ. ನೆಲ .ಜಲ. ಇವುಗಳ ವಿಚಾರ ಬಂದಾಗ ಒಗ್ಗಟ್ಟಾಗಿರಬೇಕು ಎಂದು ಹೇಳಿದರು. ಧ್ವಜಾರೋಹಣ ಕಾರ್ಯಕ್ರಮದಲ್ಲಿ ಮಹಮ್ಮದ್ ಪಳ್ಳತೂರು, ಅಬ್ದುಲ್ ಖಾದರ್ ಸುರುಳಿ ಮೂಲೆ, ಹನೀಫ್ ಹಾಜಿ ಗಾಳಿ ಮುಖ, ಮುಸ್ತಾಫ ಸುರಳಿ ಮೂಲೆ,
ಮಹಾಬಲ ರೈ ಕರ್ನೂರು ಉಪಸ್ಥಿತರಿದ್ದರು.. ಮುಖ್ಯ ಗುರುಗಳಾದ ಪ್ರೇಮ್ ಕುಮಾರ್ ಸ್ವಾಗತಿಸಿದರು, ಶಿಕ್ಷಕರಾದ ಪುರುಷೋತ್ತಮ, ಉದಯ ಎಸ್. ಇಂದಿರಾ, ಅಮೃತವಳ್ಳಿ. ಯಶೋದ , ಪೋಷಕರು ವಿದ್ಯಾರ್ಥಿಗಳು ಸಹಕರಿಸಿದರು. ದೇವಿ ಪ್ರಕಾಶ್ ಶೆಟ್ಟಿ ವಂದಿಸಿದರು.
