ಪೆರ್ನಾಜೆ: ಪೆರ್ನಾಜೆಯಲ್ಲಿ ಒಂಟಿ ಸಲಗವೊಂದು ತೋಟಕ್ಕೆ ನುಗ್ಗಿ ಕೃಷಿ ಹಾನಿ ಮಾಡಿದ ಘಟನೆ ಜ.3ರಂದು ನಡೆದಿದೆ. ಕುಮಾರ್‌ ಪೆರ್ನಾಜೆಯವರ ಕೃಷಿ ತೋಟಕ್ಕೆ ಪುತ್ತೂರು ಸುಳ್ಯ ಕೇರಳ ಗಡಿಭಾಗ ಆನೆಗುಂಡಿ ರಕ್ಷಿತಾರಣ್ಯದಿಂದ ಒಂಟಿ ಸಲಗವೊಂದು ಕೃಷಿ ತೋಟಕ್ಕೆ ದಾಳಿ ಮಾಡಿ ಕೃಷಿ ಹಾಳುಗೆಡವಿದೆ.
ಈ ಮೊದಲು ಮಂಡೆಕೋಲು,ಮೂರೂರು,ಬೆಳ್ಳಿಪ್ಪಾಡಿ ಹಾಗೂ ಪಂಜಿಕಲ್ಲು ಪರಿಸರದಲ್ಲಿ ಆನೆ ಲಗ್ಗೆಯಿಟ್ಟು ದಾಳಿ ಮಾಡಿತ್ತು.ಈ ಮತ್ತೆ ಆನೆ ಕಾಣಿಸಿಕೊಂಡಿರುವುದು ಸಾರ್ವಜನಿಕರಲ್ಲಿ ಆತಂಕ ಸೃಷ್ಟಿ ಮಾಡಿದೆ. ಅರಣ್ಯ ಇಲಾಖೆಯು ಸ್ಥಳೀಯರಿಗೆ ರಾತ್ರಿ ತೋಟಕ್ಕೆ ತೆರಳದಂತೆ, ಜಾಗೃತಿಯಿಂದ ಇರುವಂತೆ ತಿಳಿಸಿದ್ದಾರೆ.ಸಾರ್ವಜನಿಕರು ಇದರಿಂದ ಮುಕ್ತಿ ದೊರಕಿಸಿಕೊಡಬೇಕೆಂದು ಮನವಿ ಮಾಡಿದ್ದಾರೆ
