ಪುತ್ತೂರು: ಇಲ್ಲಿನ ಜವುಳಿ ಮಳಿಗೆ ಎಂ.ಸಂಜೀವ ಶೆಟ್ಟಿಯಿಂದ ಶಾಂತಿಗೋಡು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ಯೂನಿಫಾರಂ ಬಟ್ಟೆಯನ್ನು ಕೊಡುಗೆಯಾಗಿ ನೀಡಲಾಯಿತು. ಶಾಲೆಯ 45 ವಿದ್ಯಾರ್ಥಿಗಳಿಗೆ ಸುಮಾರು 25 ಸಾವಿರ ರೂ.ವೆಚ್ಚದ ಯೂನಿಫಾರಂ ಬಟ್ಟೆಯನ್ನು ಕೊಡುಗೆಯಾಗಿ ನೀಡಿದ್ದಾರೆ. ಈ ಸಂದರ್ಭದಲ್ಲಿ ಶಾಲಾ ಮುಖ್ಯಗುರು ಸವಿತಾ ಕುಮಾರಿ, ಎಸ್‌ಡಿಎಂಸಿ ಅಧ್ಯಕ್ಷ ಯೋಗೀಶ್ ಪಿ.ನಾಯ್ಕ, ಶಿಕ್ಷಕ ಸುನಿಲ್ ಎಂ.ಆರ್, ಅತಿಥಿ ಶಿಕ್ಷಕಿಯರಾದ ಕೃಷ್ಣವೇಣಿ ಭಟ್, ಲೀಲಾವತಿ, ಮುಖ್ಯ ಅಡುಗೆಯವರಾದ ಸ್ವರ್ಣಲತಾ, ಅಡುಗೆ ಸಹಾಯಕಿ ನವಿನಾಕ್ಷಿ ಉಪಸ್ಥಿತರಿದ್ದರು.
