ಪುತ್ತೂರು: ಎಸ್ಕೆಎಸ್ಸೆಸ್ಸೆಫ್ ಕುಂಬ್ರ ಕ್ಲಸ್ಟರ್ ವತಿಯಿಂದ ಆಯ್ದ ಕುಟುಂಬಗಳಿಗೆ ರಂಜಾನ್ ಕಿಟ್ ವಿತರಣೆ ಮಾ.17ರಂದು ಕುಂಬ್ರ ಕೆಐಸಿಯಲ್ಲಿ ನಡೆಯಿತು. ಗಟ್ಟಮನೆ, ಸಾರೆಪುಣಿ, ಕುಂಬ್ರ, ಪರ್ಪುಂಜ ಶಾಖೆಗೆ ಒಳಪಟ್ಟ ಆಯ್ದ ಅರ್ಹ 20 ಕುಟುಂಬಗಳಿಗೆ ರಂಜಾನ್ ಕಿಟ್ ವಿತರಿಸಲಾಯಿತು. ಕ್ಲಸ್ಟರ್ ಅಧ್ಯಕ್ಷರಾದ ನಾಸಿರ್ ಫೈಝಿ ಪರ್ಪುಂಜ ದುವಾ ನೆರವೇರಿಸಿದರು. ಕುಂಬ್ರ ವಲಯ ಅಧ್ಯಕ್ಷ ಮನ್ಸೂರ್ ಅಸ್ಲಮಿ ಅಮ್ಚಿನಡ್ಕ ಉದ್ಘಾಟಿಸಿದರು. ವಲಯ ಪ್ರ.ಕಾರ್ಯದರ್ಶಿ ಸಿದ್ದೀಕ್ ಸುಲ್ತಾನ್, ಕ್ಲಸ್ಟರ್ ವಕಿಂಗ್ ಕಾರ್ಯದರ್ಶಿ ಸಾದಿಕ್ ಹನೀಫಿ ಕುಂಬ್ರ, ಕೋಶಾಧಿಕಾರಿ ಅಶ್ರಫ್ ಸಾರೆಪುಣಿ ಸಾಂದರ್ಭಿಕವಾಗಿ ಮಾತನಾಡಿದರು.
ವೇದಿಕೆಯಲ್ಲಿ ಸರ್ಫುದ್ದೀನ್, ಅಯ್ಯೂಬ್ ಗಡಾಜೆ, ರಫೀಕ್ ಸಾರೆಪುಣಿ, ಬಶೀರ್ ಕೌಡಿಚ್ಚಾರ್, ಆಸಿಫ್ ಸಾರೆಪುಣಿ, ಯೂಸುಫ್ ಅರ್ಶದಿ ಡಿಂಬ್ರಿ ಉಪಸ್ಥಿತರಿದ್ದರು. ಕಾರ್ಯಕ್ರಮದಲ್ಲಿ ಕ್ಲಸ್ಟರ್ ವ್ಯಾಪ್ತಿಯ ಹಲವು ಮಂದಿ ಉಪಸ್ಥಿತರಿದ್ದರು. ಕ್ಲಸ್ಟರ್ ಪ್ರ.ಕಾರ್ಯದರ್ಶಿ ಡಿ.ಎ ಬಶೀರ್ ಗಟ್ಟಮನೆ ಸ್ವಾಗತಿಸಿ ಕಾರ್ಯಕ್ರಮ ನಿರೂಪಿಸಿದರು.
