ಪುತ್ತೂರು: ಬೆಟ್ಟಂಪಾಡಿ ಗ್ರಾಮದ ಒಕ್ಕಲಿಗ ಸ್ವಸಹಾಯ ಸಂಘಗಳ ಒಕ್ಕೂಟದ ಪದಗ್ರಹಣ ಕಾರ್ಯಕ್ರಮ ಮಿತ್ತಡ್ಕ ಸೀತಾರಾಮ ಗೌಡರವರ ಮನೆಯಲ್ಲಿ ನಡೆಯಿತು. ಒಕ್ಕಲಿಗ ಸ್ವಸಹಾಯ ಸಂಘದ ದಶಮಾನೋತ್ಸವ ಸಮಿತಿ ಅಧ್ಯಕ್ಷ ಗೋಪಾಲಕೃಷ್ಣ ಪಟೇಲ್ ಚಾರ್ವಾಕರವರು ಕಾರ್ಯಕ್ರಮ ಉದ್ಘಾಟಿಸಿ ಶುಭಹಾರೈಸಿದರು.
ಪದಗ್ರಹಣ: ನೂತನ ಒಕ್ಕೂಟದ ಪದಾಧಿಕಾರಿಗಳ ಪದಗ್ರಹಣ ನಡೆಸಲಾಯಿತು. ಒಕ್ಕೂಟದ ಅಧ್ಯಕ್ಷರಾಗಿ ಸುಬ್ಬಣ್ಣ ಗೌಡ ಪಾರ, ಕಾರ್ಯದರ್ಶಿಯಾಗಿ ಸರೋಜ ಸೀತಾರಾಮ ಗೌಡ, ಉಪಾಧ್ಯಕ್ಷರಾಗಿ ರಜಿತಾ ಲಿಂಗಪ್ಪ ಗೌಡ, ಜತೆ ಕಾರ್ಯದರ್ಶಿಯಾಗಿ ಪುಷ್ಪಾವತಿ ಪುರಂದರ ಹಾಗೂ ಕೊಶಾಧಿಕಾರಿಯಾಗಿ ಪ್ರಿಯಾಂಕ ರಾಜೇಶ್ ರವರು ಅಧಿಕಾರ ಸ್ವೀಕರಿಸಿದರು.
ಒಕ್ಕೂಟದ ಅಧ್ಯಕ್ಷ ಸುಬಣ್ಣ ಗೌಡ ಪಾರ, ಶಿಕ್ಷಕ ಸೀತಾರಾಮ ಗೌಡ, ಒಕ್ಕಲಿಗ ಸ್ವಸಹಾಯ ಸಂಘದ ಸಲಹಾ ಸಮಿತಿ ಸದಸ್ಯ ವೆಂಕಪ್ಪ ಗೌಡ ಕೆಯ್ಯೂರು, ದಶಮಾನೋತ್ಸವ ಸಮಿತಿ ಅಧ್ಯಕ್ಷ ಗೋಪಾಲಕೃಷ್ಣ ಪಟೇಲ್, ಪುತ್ತೂರು ವಲಯ ಅಧ್ಯಕ್ಷ ಲೋಕನಾಥ ಗೌಡ ಹಾಗೂ ಊರ ಗೌಡರಾದ ಸಾಂತಪ್ಪ ಗೌಡ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಪ್ರೇರಕಿ ಪುಷ್ಪಾವತಿ ಜನಗಣತಿ ವರದಿ ಮಂಡಿಸಿದರು. ಧರ್ಮಶ್ರೀ ತಂಡದ ಸದಸ್ಯರು ಪ್ರಾರ್ಥಿಸಿದರು ಸರೋಜ ಸ್ವಾಗತಿಸಿ ಯಮುನಾ ವಂದಿಸಿದರು.
