ಕಡಬ: ದಿನ್‌ ದಯಾಳ್ ಅಂತ್ಯೋದಯ ಯೋಜನೆ-ರಾಷ್ಟ್ರೀಯ ಗ್ರಾಮೀಣ ಜೀವನೋಪಾಯ ಅಭಿಯಾನ DAY-NRLM ತಾಲೂಕು ಪಂಚಾಯತ್ ಕಡಬ, ಸಂಜೀವಿನಿ ಗ್ರಾಮ ಪಂಚಾಯತ್ ಮಟ್ಟದ ಒಕ್ಕೂಟ(ರಿ.) ವತಿಯಿಂದ ಅ.30 ರಂದು ಕಡಬ ತಾಲೂಕು ಪಂಚಾಯತ್ ಕಚೇರಿ ಆವರಣದಲ್ಲಿ ಬೆಳಗ್ಗೆ 9 ಗಂಟೆಯಿಂದ ಸಂಜೆ4:30 ರ ವರೆಗೆ ಸಂಜೀವಿನಿ ಸಂತೆ ನಡೆಯಲಿದೆ.
ಕಡಬ ತಾಲೂಕಿನ 21 ಗ್ರಾಮ ಪಂಚಾಯತ್ ಗಳ ಗ್ರಾಮ ಪಂಚಾಯತ್ ಮಟ್ಟದ ಸಂಜೀವಿ ಒಕ್ಕೂಟಗಳ ಮಹಿಳಾ ಸದಸ್ಯರು ತಯಾರಿಸಿದ ವಿವಿಧ ಗೃಹ ಉತ್ಪನ್ನಗಳು, ಕೈಯಿಂದಲೇ ತಯಾರಿಸಿದ ಬ್ಯಾಗ್‌ಗಳು, ತುಳು ನಾಡಿನ ಸಾಂಪ್ರದಾಯಿಕ ವಸ್ತುಗಳು, ಎಣ್ಣೆ ತಿಂಡಿಗಳು, ವಿವಿಧ ಸಾಂಬಾರ, ಮಸಾಲ ಪದಾರ್ಥಗಳು ಹಾಗೂ ವಿಶೇಷವಾಗಿ ದೀಪಾವಳಿಗೆ ಅವಶ್ಯಕವಿರುವ ಮಣ್ಣಿನ ಹಣತೆ, ಬತ್ತಿ ಇತ್ಯಾದಿ ಉತ್ಪನ್ನಗಳ ಪ್ರದರ್ಶನ ಮತ್ತು ಮಾರಾಟ ಮೇಳ ನಡೆಯಲಿದೆ.
ಈ ಕಾರ್ಯಕ್ರಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಸಾರ್ವಜನಿಕರು ಆಗಮಿಸಿ ಮಹಿಳಾ ಉದ್ಯಮಿಗಳು ತಯಾರಿಸಿದ ವಿವಿಧ ಉತ್ಪನ್ನಗಳನ್ನು ಖರೀದಿಸಿ ಪ್ರೋತ್ಸಾಹಿಸುವಂತೆ ಪ್ರಕಟಣೆಯಲ್ಲಿ ಕೋರಲಾಗಿದೆ.
