ಪುತ್ತೂರು: ನಗರದ ಮುಕ್ರಂಪಾಡಿ ಹನುಮ ವಿಹಾರ ಮೈದಾನದಲ್ಲಿ ಯಶಸ್ವಿಯಾಗಿ ನಡೆಯುತ್ತಿರುವ ಪುತ್ತೂರು ಉತ್ಸವದಲ್ಲಿ ನಾಳೆ(ಬುಧವಾರ) ಸಂಜೆ ಸಂಗೀತ ರಸಮಂಜರಿ ಕಾರ್ಯಕ್ರಮ ನಡೆಯಲಿದೆ.
ಇಂಡಿಯನ್‌ ಅಮ್ಯೂಸ್‌ ಮೆಂಟ್‌ ಅರ್ಪಿಸುವ ಪುತ್ತೂರು ಉತ್ಸವದಲ್ಲಿ ಫ್ಯೂಚರ್‌ ಡ್ರೀಮ್ಸ್‌ ಇಂಡಿಯಾದ ಸರ್ಪ್ರೈಸ್‌ ಗಿಫ್ಟ್‌ ಡ್ರಾ ನಡೆಯಲಿದ್ದು, ಮಂಗಳೂರಿನ ಖ್ಯಾತ ಸ್ಟಾರ್‌ ಸಿಂಗರ್ಸ್‌ ಬಳಗದಿಂದ ಸಂಗೀತ ರಸಮಂಜರಿ ಕಾರ್ಯಕ್ರಮ ನಡೆಯಲಿದೆ. ಖ್ಯಾತ ಗಾಯಕರಾದ ಇಕ್ಬಾಲ್‌ ಪರ್ಲಿಯಾ, ಹರೀಶ್‌ ಆಚಾರ್ಯ, ಇಸಾಕ್‌ ಕಾಸರಗೋಡು, ಶಾಕಿ ಶಾಝ್‌, ದೀಪ್ತಿ ರಾಕೇಶ್‌, ರಫೀಕ್‌ ವಡಗರ, ಜ್ಯುನಿಯರ್‌ ರಘು ದೀಕ್ಷಿತ್‌ ಖ್ಯಾತಿಯ ರಾಕೇಶ್‌ ದಿಲ್‌ ಸೆ, ಸಲೀಜ್‌ ಕಣ್ಣೂರು, ಮುಂತಾದ ಗಾಯಕರಿಂದ ಚಲನ ಚಿತ್ರ ಗೀತೆಗಳು ಮತ್ತು ಮಾಪಿಳ ಪಾಟ್‌ ಕಾರ್ಯಕ್ರಮ ಜರಗಲಿದೆ.
ನಾಳೆ ಸಂಜೆ 6 ಗಂಟೆಗೆ ಆರಂಭವಾಗುವ ರಸಮಂಜರಿ ಕಾರ್ಯಕ್ರಮ ಪುತ್ತೂರು ಉತ್ಸವಕ್ಕೆ ಮೆರುಗು ನೀಡಲಿದ್ದು, ನಾಡಿನ ಸಂಗೀತ ಪ್ರೇಮಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವ ಮೂಲಕ ಪ್ರೋತ್ಸಾಹ ನೀಡುವಂತೆ ಸಂಘಟಕರು ಕೇಳಿ ಕೊಂಡಿದ್ದಾರೆ.
