ಪಡುಮಲೆ ಸಂಕ್ರಮಣ ಪೂಜೆ: ಸೈನಿಕರ ಒಳಿತಿಗಾಗಿ ಶ್ರೀ ದೇವಿಗೆ ಸಿಯಾಳಾಭಿಷೇಕ

ಬಡಗನ್ನೂರು : ಪಡುಮಲೆ ಮದಕ ಶ್ರೀ  ರಾಜರಾಜೇಶ್ವರೀ ಕ್ಷೇತ್ರದಲ್ಲಿ ವೃಷಭ ಸಂಕ್ರಮಣ ಅಂಗವಾಗಿ ಮೇ.14 ರಂದು ಶ್ರೀ ದೇವಿಗೆ ವಿಶೇಷ ಸಿಯಾಳಾಭಿಷೇಕ ಹಾಗೂ ಮಹಾಪೂಜೆ ನಡೆಯಿತು.

ಈ ಸಂದರ್ಭದಲ್ಲಿ ದೇಶವನ್ನು ಕಾಯುವ ಸೈನಿಕರ ಒಳಿತಿಗಾಗಿ ಹಾಗೂ ದೇಶಕ್ಕೆ ಬರಬಹುದಾದ ಸಕಲ ಕಷ್ಟ ನಷ್ಟಗಳನ್ನು ದೂರ ಮಾಡುವ ಸಲುವಾಗಿ ಶ್ರೀ ರಾಜರಾಜೇಶ್ವರೀ ಮಾತೆಗೆ  ಸಿಯಾಳಾಭಿಷೇಕ ಸಮಾರ್ಪಣೆ ಮಾಡಿ ವಿಶೇಷ ಪ್ರಾರ್ಥನೆ ಸಲ್ಲಿಸಲಾಯಿತು.

ಪಡುಮಲೆ ಶ್ರೀ ಕೂವೆ ಶಾಸ್ತಾರ ವಿಷ್ಣುಮೂರ್ತಿ ದೇವಸ್ಥಾನದ ಪ್ರಧಾನ ಅರ್ಚಕ ಮಹಾಲಿಂಗ ಭಟ್  ನೇತೃತ್ವದಲ್ಲಿ ಪೂಜಾ ವಿಧಿ ವಿಧಾನಗಳನ್ನು ನೆರವೇರಿಸಿದರು.

ಈ ಸಂದರ್ಭದಲ್ಲಿ ನವರಾತ್ರಿ ಉತ್ಸವ ಸಮಿತಿ ಅಧ್ಯಕ್ಷರು ಪದಾಧಿಕಾರಿಗಳು ಮತ್ತು ಸದಸ್ಯರು, ಪಡುಮಲೆ ಶ್ರೀ ಕೂವೆ ಶಾಸ್ತಾರ ವಿಷ್ಣು ಮೂರ್ತಿ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಸದಸ್ಯರು ಹಾಗೂ ಜಿರ್ಣೋದ್ಧಾರ ಸಮಿತಿ ಅಧ್ಯಕ್ಷರು ಮತ್ತು ಸದಸ್ಯರು ಹಾಗೂ ಊರ ಪರವೂರ ಭಭಕ್ತಾಧಿಗಳು ಭಾಗವಹಿಸಿದ್ದರು.