ಪುತ್ತೂರು: ತಾಜಾ ಹಸಿ ಮೀನು ಮಾರಾಟದ ‘ಸಾಗರ್ ಫಿಶ್ ಸ್ಟಾಲ್’ ಸರ್ವೆ ಗ್ರಾಮದ ಭಕ್ತಕೋಡಿ ಜಂಕ್ಷನ್‌ನಲ್ಲಿ ನ.30ರಂದು ಶುಭಾರಂಭಗೊಂಡಿತು.
ಫಿಶ್ ಸ್ಟಾಲ್ ಉದ್ಘಾಟಿಸಿದ ಮುಂಡೂರು ಗ್ರಾ.ಪಂ ಮಾಜಿ ಅಧ್ಯಕ್ಷ ಎಸ್.ಡಿ ವಸಂತ ಮಾತನಾಡಿ ಅಭಿವೃದ್ಧಿ ಹೊಂದುತ್ತಿರುವ ಭಕ್ತಕೋಡಿಯಲ್ಲಿ ಮೀನಿನ ಸ್ಟಾಲ್ ಪ್ರಾರಂಭಗೊಂಡಿರುವುದು ಸಂತಸದ ವಿಚಾರ, ಮುಂದಕ್ಕೆ ಇಲ್ಲಿ ತರಕಾರಿ ಮಾರುಕಟ್ಟೆ ಹಾಗೂ ಊರಿನ ಕೋಳಿ ಮಾರಾಟದ ಸ್ಟಾಲ್ ಕೂಡಾ ಆರಂಭಗೊಳ್ಳಲಿದ್ದು ಮುಂದಿನ ದಿನಗಳಲ್ಲಿ ಭಕ್ತಕೋಡಿ ಜಂಕ್ಷನ್ ವ್ಯಾಪಾರ, ವ್ಯವಹಾರದ ಕೇಂದ್ರವಾಗಿ ಬೆಳೆಯಲಿ, ಮೀನಿನ ಸ್ಟಾಲ್ ಯಶಸ್ವಿಯಾಗಿ ಮುನ್ನಡೆಯಲಿ ಎಂದು ಶುಭ ಹಾರೈಸಿದರು.
ಮುಂಡೂರು ಗ್ರಾ.ಪಂ ಮಾಜಿ ಸದಸ್ಯ ರಾಮಚಂದ್ರ ಸೊರಕೆ ಮಾತನಾಡಿ ಒಳ್ಳೆಯ ಕೆಲಸ ಯಾರು ಮಾಡಿದರೂ ನಾವು ಅದಕ್ಕೆ ಬೆಂಬಲ ನೀಡಬೇಕು, ಮಹಮ್ಮದ್ ಕಣಿಮಜಲ್ ಅವರು ಹಲವು ವರ್ಷಗಳಿಂದ ಮೀನು ಮಾರಾಟದಲ್ಲಿ ತೊಡಗಿದ್ದು ಉತ್ತಮವಾದ ವ್ಯಾಪಾರವನ್ನು ಮಾಡುತ್ತಿದ್ದಾರೆ, ಅವರು ಭಕ್ತಕೋಡಿಯಲ್ಲಿ ಫಿಶ್ ಸ್ಟಾಲ್ ಆರಂಭಿಸಿರುವುದರಿಂದ ಅದು ಅಭಿವೃದ್ಧಿಗೂ ಸಹಕಾರಿಯಾಗಿದೆ, ಉತ್ತಮವಾದ ಶುಚಿ, ರುಚಿಯಾದ ಮೀನು ಮಾರಾಟದ ಮೂಲಕ ಈ ಸ್ಟಾಲ್ ಯಶಸ್ಸಿನ ಪಥದಲ್ಲಿ ಸಾಗಲಿ ಎಂದು ಅವರು ಶುಭ ಹಾರೈಸಿದರು.
ಮುಂಡೂರು ಗ್ರಾ.ಪಂ ಮಾಜಿ ಅಧ್ಯಕ್ಷೆ ಯೋಗಿನಿ ರೈ ಮೇಗಿನಗುತ್ತು ಅವರು ಪ್ರಥಮ ಗ್ರಾಹಕರಾಗಿ ಫಿಶ್ ಖರೀದಿಸಿ ಶುಭ ಹಾರೈಸಿದರು.
ಫಿಶ್ ಸ್ಟಾಲ್ ಶುಭಾರಂಭದ ಪ್ರಯುಕ್ತ ತೆಂಗಿನ ಗಿಡವೊಂದನ್ನು ನೆಡಲಾಯಿತು. ಹಿರಿಯರಾದ ಸುಲೈಮಾನ್ ಕಣಿಮಜಲು ಹಾಗೂ ದಿನೇಶ್ ಭಕ್ತಕೋಡಿಯವರು ತೆಂಗಿನ ಗಿಡವನ್ನು ನೆಟ್ಟು ಶುಭ ಹಾರೈಸಿದರು.
ಮುಂಡೂರು ಗ್ರಾ.ಪಂ ಮಾಜಿ ಅಧ್ಯಕ್ಷ ಸದಾಶಿವ ಭಂಡಾರಿ ಬೊಟ್ಯಾಡಿ, ಸಾಮಾಜಿಕ ಕಾರ್ಯಕರ್ತ ಅರುಣ್ ಕಲ್ಲಮ, ಅಬೂಬಕ್ಕರ್ ಅಲೇಕಿ, ರಮೇಶ್ ಭಕ್ತಕೋಡಿ, ಲತೀಫ್ ಭಕ್ತಕೋಡಿ, ಇಸ್ಮಾಯಿಲ್ ಕಟ್ಟತ್ತಡ್ಕ, ಹಮೀದ್ ರೆಂಜಲಾಡಿ, ಶಾಫಿ ಕಲ್ಪಣೆ, ರಮೇಶ್ ಅಲಂಗಾರ, ರವಿ ಕಲ್ಲಮ, ಅದ್ರಾಮ ಕಣಿಮಜಲ್, ಇಸಾಕ್ ಕಣಿಮಜಲ್, ರಫೀಕ್ ಕಣಿಮಜಲ್ ಸಹಿತ ಹಲವಾರು ಮಂದಿ ಉಪಸ್ಥಿತರಿದ್ದರು. ಮುಂಡೂರು ಗ್ರಾ.ಪಂ ಸದಸ್ಯ ಕಮಲೇಶ್ ಎಸ್.ವಿ ಅವರು ಬಳಿಕ ಆಗಮಿಸಿ ಶುಭ ಹಾರೈಸಿದರು.
ಅತಿಥಿಗಳನ್ನು ಸತ್ಕರಿಸಿದ ಸಾಗರ್ ಫಿಶ್ ಸ್ಟಾಲ್‌ನ ಮಾಲಕ ಮಹಮ್ಮದ್ ಕಣಿಮಜಲ್ ಮಾತನಾಡಿ ನಮ್ಮ
ಫಿಶ್ ಸ್ಟಾಲ್‌ನಲ್ಲಿ ಎಲ್ಲಾ ತರದ ತಾಜಾ ಹಸಿ ಮೀನು ಮತ್ತು ಒಣ ಮೀನು ಲಭ್ಯವಿರಲಿದ್ದು ಶುಭ ಸಮಾರಂಭಕ್ಕೆ ಹೋಲ್‌ಸೆಲ್ ದರದಲ್ಲಿ ಮೀನು ಒದಗಿಸಲಾಗುವುದು ಎಂದು ಹೇಳಿ ಗ್ರಾಹಕರ ಸಹಕಾರ ಕೋರಿದರು.
ಯೂಸುಫ್ ರೆಂಜಲಾಡಿ ಸ್ವಾಗತಿಸಿದರು. ಮುಂಡೂರು ಗ್ರಾ.ಪಂ ಮಾಜಿ ಸದಸ್ಯ ಎಸ್.ಎಂ ಶರೀಫ್ ಸರ್ವೆ ವಂದಿಸಿದರು.
