ಪುತ್ತೂರು: ದ.ಕ ಜೇನು ವ್ಯವಸಾಯಗಾರರ ಸಹಕಾರ ಸಂಘದಲ್ಲಿ ವ್ಯವಸ್ಥಾಪನಾ ನಿರ್ದೇಶಕರಾಗಿ ಕರ್ತವ್ಯ ನಿರ್ವಹಿಸಿ, ನಿವೃತ್ತಿಗೊಂಡಿರುವ ತಿಮ್ಮಯ್ಯ ಪಿಂಡಿಮನೆಯವರಿಗೆ ಬೀಳ್ಕೊಡುಗೆಯು ನ.29ರಂದು ಸಂಘದ ಕಚೇರಿ ಸಭಾಂಗಣದಲ್ಲಿ ನಡೆಯಿತು.
ನಿವೃತ್ತರನ್ನು ಸನ್ಮಾನಿಸಿ ಗೌರವಿಸಿದ ಸಂಘದ ಅಧ್ಯಕ್ಷ ಚಂದ್ರ ಕೋಲ್ಚಾರ್ ಮಾತನಾಡಿ, ಸಹಕಾರಿ ಸಂಘದಲ್ಲಿ ಆಡಳಿತ ಮಂಡಳಿ ಹಾಗೂ ಸಿಬ್ಬಂದಿ ಎರಡು ಚಕ್ರಗಳಿದ್ದಂತೆ. ಎರಡು ಒಂದೇ ರೀತಿಯಲ್ಲಿ ಸಾಗಬೇಕು. ಅಂತಹ ಕೆಲಸ ಕಾರ್ಯಗಳು ನಮ್ಮ ಸಂಘದಲ್ಲಿ ನಡೆದಿದೆ. ತಿಮ್ಮಯ್ಯ ಪಿಂಡಿಮನೆಯವರು ಅವಧಿಯಲ್ಲಿಯೇ ಸಂಘದ ಮೂರು ಸುಸಜ್ಜಿತ ಕಟ್ಟಡಗಳು ನಿರ್ಮಾಣಗೊಂಡಿದೆ. ಆಡಳಿತ ಮಂಡಳಿ ಯಾವುದೇ ಕೆಲಸಗಳನ್ನು ಮಂಜೂರು ಮಾಡುವುದು ಮಾತ್ರ. ಆದರೆ ಅದನ್ನು ಸಮರ್ಪಕವಾಗಿ ಅನುಷ್ಠಾನ ಮಾಡುವುದು ವ್ಯವಸ್ಥಾಪನಾ ನಿರ್ದೇಶಕರು ಹಾಗೂ ಸಿಬ್ಬಂದಿಗಳು. ಸಾದು ಸ್ವಭಾವದರಗಿರುವ ತಿಮ್ಮಯ್ಯ ಅವರು ಸಂಘ ಬೆಳವಣಿಗೆಯಲ್ಲಿ ಉತ್ತಮ ಕೊಡುಗೆಗಳನ್ನು ನೀಡಿದ್ದಾರೆ ಎಂದರು.
ಸನ್ಮಾನ ಸ್ವೀಕರಿಸಿದ ತಿಮ್ಮಯ್ಯ ಪಿಂಡಿಮನೆ ಮಾತನಾಡಿ, ನನ್ನ ಅವಧಿಯಲ್ಲಿ ಅಡಳಿತ ಮಂಡಳಿ ಹಾಗೂ ಸಿಬ್ಬಂದಿಗಳ ಉತ್ತಮ ಸಹಕಾರ ದೊರೆತಿದೆ. ಎಲ್ಲರೂ ಆತ್ಮೀಯತೆಯಿಂದ ಸೇವೆ ಸಲ್ಲಿಸಿದ್ದಾರೆ. ಸಂಘ ಬೆಳೆಯಲು ಸಾಕಷ್ಟು ಮಂದಿಯ ಶ್ರಮವಿದ್ದು ಬೆಳವಣಿಗೆ ಸಹಕಾರಿಯಾಗಿದೆ. ತನ್ನ ಅವಧಿಯಲ್ಲಿ ಶಕ್ತಿ ಮೀರಿ ಶ್ರಮಿಸಿದ್ದೇನೆ. ಸಂಸ್ಥೆಯು ನನಗೆ ಅನ್ನ, ಅಧಿಕಾರ, ವ್ಯವಸ್ಥೆ ನೀಡಿದ್ದು ನಾನು ಅಭಾರಿಯಾಗಿದ್ದೇನೆ. ಮುಂದೆಯೂ ಸಂಘಕ್ಕೆ ನನ್ನ ಸಹಕಾರ ನಿರಂತರ ಇದೆ ಎಂದು ತಿಳಿಸಿದರು.
ಸಂಘದ ಉಪಾಧ್ಯಕ್ಷ ರಾಜಾರಾಮ ಶೆಟ್ಟಿ ಕೋಲ್ಪೆಗುತ್ತು, ನಿರ್ದೇಶಕರಾದ ಜಿ.ಪಿ ಶ್ಯಾಮ ಭಟ್, ಜನಾರ್ದನ ಚೂಂತಾರು, ಹರೀಶ್ ಕೋಡ್ಲಾ, ಪುರುಷೋತ್ತಮ ಭಟ್, ಪುಟ್ಟಣ್ಣ ಗೌಡ, ಮಧುಪ್ರಪಂಚ ಪತ್ರಿಕೆ ಸಂಪಾದಕ ನಾರಾಯಣ ರೈ ಕುಕ್ಕುವಳ್ಳಿ ಹಾಗೂ ತೋಟಗಾರಿಕಾ ಇಲಾಖೆಯ ನಿವೃತ್ತ ಅಧಿಕಾರಿ ವೀರಪ್ಪ ಗೌಡ ಮಾತನಾಡಿ, ನಿವೃತ್ತರ ಬಗ್ಗೆ ಅನಿಸಿಕೆಗಳನ್ನು ವ್ಯಕ್ತಪಡಿಸಿದರು.
ಸನ್ಮಾನ
ನಿವೃತ್ತ ತಿಮ್ಮಯ್ಯ ಪಿಂಡಿಮನೆ ಮತ್ತು ಚಂದ್ರಿಕಾ ದಂಪತಿಯನ್ನು ಆಡಳಿತ ಮಂಡಳಿ ಹಾಗೂ ಸಿಬಂದಿ ವರ್ಗದಿಂದ ಸನ್ಮಾನಿಸಿ, ಗೌರವಿಲಾಯಿತು.
ನಿರ್ದೇಶಕರಾದ ಡಿ.ತನಿಯಪ್ಪ, ಶ್ರೀಶ ಕೊಡವೂರು, ಎಚ್.ಸುಂದರ ಗೌಡ, ಇಂದಿರಾ ಕೆ., ಪಾಂಡುರಂಗ ಹೆಗ್ಡೆ, ಶಿವಾನಂದ, ಮನಮೋಹನ ಅರಂಬ್ಯ, ಗೋವಿಂಧ ಭಟ್ ಪಿ., ಶಂಕರ ಪಿ. ಸರಸ್ವತಿ ವೈ.ಪಿ., ಸುಶೀಲ, ಸಿಬ್ಬಂದಿಗಳಾದ ಜಯಾನಂದ, ಕೇಶವ ಶರ್ಮಾ ಬಿ., ಪುನೀತ್, ಶೀನಪ್ಪ ಗೌಡ, ಲೋಕೇಶ್ ಹಾಗೂ ಪಿಗ್ಮಿ ಸಂಗ್ರಾಹಕರು ಸಹಿತ ಹಲವು ಮಂದಿ ಉಪಸ್ಥಿತರಿದ್ದರು.
