ರಾಮಕುಂಜ: ಕಡಬ ತಾಲೂಕಿನ ಕೊಯಿಲ ಗ್ರಾಮದ ಸಬಳೂರು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ದಾನಿ, ಶಾಲೆಯ ಹಿರಿಯ ವಿದ್ಯಾರ್ಥಿ, ನಿವೃತ್ತ ಪ್ರಾಂಶುಪಾಲ ದುಗ್ಗಪ್ಪ ಗೌಡ ಸಬಳೂರು ಅವರು ತಮ್ಮ ತಾಯಿ ದಿ.ಎಲ್ಯಕ್ಕ ಅವರ ಸವಿನೆನಪಿಗಾಗಿ 60,270 ರೂ. ವೆಚ್ಚದಲ್ಲಿ ಪ್ರತಿ ತರಗತಿಗೊಂದರಂತೆ 7 ಗ್ರಂಥಾಲಯ ಕಪಾಟುಗಳು ಹಾಗೂ ಪ್ರತಿ ತರಗತಿಗೆ ರೂ.1 ಸಾವಿರ ಮೌಲ್ಯದ ಪುಸ್ತಕಗಳನ್ನು ಕೊಡುಗೆಯಾಗಿ ನೀಡಿದರು. ಎಸ್‌ಡಿಎಂಸಿ ಉಪಾಧ್ಯಕ್ಷೆ ಯಕ್ಷತಾ, ಸದಸ್ಯರಾದ ಕೊರಗಪ್ಪ, ಮುಖ್ಯಗುರು ವಾರಿಜಾರವರು ಕೊಡುಗೆ ಸ್ವೀಕರಿಸಿದರು. ಶಿಕ್ಷಕ ವೃಂದದವರು ಉಪಸ್ಥಿತರಿದ್ದರು.
