ಪುತ್ತೂರು: 2023ನೇ ನವೆಂಬರ್ ತಿಂಗಳಿನಲ್ಲಿ ನಡೆದ ಚಾರ್ಟರ್ಡ್ ಎಕೌಂಟೆಂಟ್(ಸಿ.ಎ) ಪರೀಕ್ಷೆಯಲ್ಲಿ ಕು|ದೀಕ್ಷಾ ಜೆ.ಶೆಟ್ಟಿ ಮಿಶನ್ ಮೂಲೆರವರು ಉತ್ತೀರ್ಣರಾಗಿದ್ದಾರೆ.
ಕು|ದೀಕ್ಷಾ ಜೆ.ಶೆಟ್ಟಿರವರು ಪ್ರಸ್ತುತ ಮುಂಬೈನಲ್ಲಿ ನೆಲೆಸಿದ್ದು, ತಮ್ಮ ಶಾಲಾ ಶಿಕ್ಷಣವನ್ನು ಮುಂಬೈನ ಬಾೖ ಆರ್.ಎಫ್.ಡಿ(BAI.R.F.D) ಪಾಂಡೆ ಗರ್ಲ್ಸ್ ಹೈಸ್ಕೂಲಿನಲ್ಲಿ ಮುಗಿಸಿದ್ದು ಹತ್ತನೇ ತರಗತಿಯಲ್ಲಿ ಇವರು ಅಗ್ರಸ್ಥಾನಿಯಾಗಿದ್ದರು. ತಮ್ಮ ಬಿ.ಕಾಂ ಶಿಕ್ಷಣವನ್ನು ಮುಂಬೈನ ಪ್ರತಿಷ್ಠಿತ ಎಚ್.ಆರ್ ಕಾಲೇಜಿನಲ್ಲಿ ಸಿ.ಎ ವ್ಯಾಸಂಗದೊಂದಿಗೆ ನಡೆಸಿರುತ್ತಾರೆ.
ಕು| ದೀಕ್ಷಾ ಜೆ.ಶೆಟ್ಟಿರವರು ಹೊಟೇಲ್ ಉದ್ಯಮಿಯಾಗಿರುವ ಜಗನ್ನಾಥ್ ಶೆಟ್ಟಿ ಹಾಗೂ ರಜನಿ ಜೆ.ಶೆಟ್ಟಿಯವರ ಪುತ್ರಿಯಾಗಿದ್ದು, ಇತ್ತೀಚೆಗೆ ಅಗಲಿದ ಮೊಟ್ಟೆತ್ತಡ್ಕ ಮಿಶನ್ ಮೂಲೆ ಶ್ರೀ ಚಾಮುಂಡೇಶ್ವರಿ ದೇವಸ್ಥಾನದ ಆಡಳಿತ ಮೊಕ್ತೇಸರ ಮೋಹನ್ ರೈ ಮಿಶನ್ ಮೂಲೆ ಹಾಗೂ ಸಂಪಾವತಿ ರೈ ದಂಪತಿಗಳ ಮೊಮ್ಮಗಳಾಗಿದ್ದಾರೆ.
